ភ្នំពេញៈ ​គិត​មក​ដល់​ត្រឹម​ម៉ោង ៥ ​ល្ងាច​ថ្ងៃ​អាទិត្យ​ម្សិលមិញ​មាន​ប្រជាពលរដ្ឋ​រស់នៅ​អគារ​ប៊ុលឌិងស ក្នុង​សង្កាត់​ទន្លេបាសាក់ ខណ្ឌ​ចំការមន​ចំនួន​ ១៩១ ​គ្រួសារ​ហើយ​ក្នុង​ចំណោម ៤៩៣ គ្រួសារ​បាន​ទៅ​ចុះ​កិច្ចសន្យា​ជាមួយ​ក្រសួង​ដែនដី​ព្រម​ទទួល​យក​សំណង​ថ្លៃ​ផ្ទះ​ចំនួន ១៤០០ ដុល្លារ​ក្នុង​មួយ​ម៉ែត្រការ៉េ ទៅ​តាម​ការ​សម្រេច​របស់​លោក ជា សុផារ៉ា រដ្ឋមន្ត្រី​ក្រសួង​នេះ​ដែល​បាន​ធ្វើ​ឡើង​នៅ​ក្នុង​កិច្ចប្រជុំ​ចុង​ក្រោយ​មួយ​កាលពី​ថ្ងៃ​ទី ១២ ខែ​ឧសភា​។ នេះ​បើ​តាម​លោក ហឺ ចិន្តា អនុប្រធាន​នាយកដ្ឋាន​លំនៅឋាន​នៃ​ក្រសួង​រៀបចំ​ដែនដី​បាន​ឲ្យ​ដឹង​កាលពី​ល្ងាច​ម្សិលមិញ​។