The Phnom Penh Post Search

Search form

Logo of Phnom Penh Post newspaper Phnom Penh Post - អ្នក​ពុល​អាហារ​នៅ​កាស៊ីណូ​ចេញ​ពី​ពេទ្យ

អ្នក​ពុល​អាហារ​នៅ​កាស៊ីណូ​ចេញ​ពី​ពេទ្យ

អ្នក​ពុល​អាហារ​នៅ​កាស៊ីណូ​ចេញ​ពី​ពេទ្យ

ស្វាយរៀងៈ មន្រ្តី​មន្ទីរ​សុខាភិបាល ខេត្ត ស្វាយរៀង ពី​ថ្ងៃ​ចន្ទ​បាន​ឲ្យ​ដឹង​ថា បុគ្គលិក​កាស៊ីណូ ឡាវ៉េហ្គាស ដែល​បាន​ដួល​សន្លប់​ដោយ​សារ​ការ​ពុល​ចំណី​អាហារ​កាល​ពី​រសៀល​ថ្ងៃ​អាទិត្យ​នោះ​បាន​ធូរស្រាល និង​ចេញ​ពី​មន្ទីរពេទ្យ​អស់​ហើយ កាល​ពី​ថ្ងៃ​ម្សិលមិញ។

លោក កែរ រដ្ឋា ប្រធាន​មន្ទីរ​សុខាភិបាល​ខេត្ត ស្វាយរៀង បាន​ប្រាប់​ឲ្យ​ដឹង​កាល​ពី​ម្សិលមិញ​ថា បុគ្គលិក​កាស៊ីណូ ឡាវ៉េហ្គាស ដែល​បាន​ពុល​អាហារ​កាល​ពី​ថ្ងៃ​អាទិត្យ​នោះ​សរុប​ទាំង​អស់​មាន​ជាង ៦០ នាក់។

លោក​និយាយ​ថា៖ «ខ្ញុំ​បាន​ទទួល​របាយ​ការណ៍​សរុប​រួម​ទាំង​អស់​ពី​មន្រ្តី​របស់​ខ្ញុំ​ដែល បាន​ចុះ​ទៅ​ដល់​កន្លែង​កើត​ហេតុ។ អ្នក​ជំងឺ​ទាំង​អស់​មាន​ចំនួន ៦៧ នាក់​ដែល​បាន​ក្អួត រាក និង​ខ្លះ​បាន​ដួល​សន្លប់»។

លោក កែរ រដ្ឋា បាន​បន្ត​ទៀត​ថា លោក​បាន​ធ្វើ​ការ​ប្រមូល បន្លែ ម្ហូប និង​កំហាក​របស់​អ្នក​ជំងឺ​ទៅ​ធ្វើ​ការ​ពិនិត្យ​រក​មូល​ហេតុ ឲ្យ​បាន​ច្បាស់​លាស់​រួច​ហើយ​កាល​ពី​ម្សិលមិញ។

លោក​បន្ត​ឲ្យ​ដឹង​ទៀត​ថា៖ «លោក​បាន​ធ្វើ​ការ​ណែនាំ​ទៅ​ដល់​កាស៊ីណូ​ឲ្យ​យក​ចិត្ត​ទុក​ដាក់​ក្នុង​ការ ធ្វើ​អនាម័យ​ឲ្យ​បាន​ស្អាត និង​ត្រូវ​គិត​ពី​សុខភាព​របស់​បុគ្គលិក​ជា​ចម្បង»។

លោក កែរ រដ្ឋា បាន​បញ្ជាក់​ថា បន្លែ​ដែល កាស៊ីណូ ឡាវ៉េហ្គាស ទិញ​មក​សម្រាប់​ធ្វើ​ម្ហូប​អាហារ​រាល់​ថ្ងៃ​នោះ គឺ​នាំ​មក​ពី​កសិដ្ឋាន​ដាំ​បន្លែ​មួយ​ក្នុង​ស្រុក​ទេ មិន​មែន​ទិញ​នាំ​ចូល​មក​ពី​ប្រទេស វៀតណាម ឡើយ៕

អត្ថបទគួរចាប់អារម្មណ៍