The Phnom Penh Post Search

Search form

Logo of Phnom Penh Post newspaper Phnom Penh Post - អ្នក​ស្រុក​ម៉ាឡៃ​ភ្ជួរ​ដី​របើក​គ្រាប់ ១២,៧ ម.ម ចំនួន​៥​កេស




អ្នក​ស្រុក​ម៉ាឡៃ​ភ្ជួរ​ដី​របើក​គ្រាប់ ១២,៧ ម.ម ចំនួន​៥​កេស

អ្នក​ស្រុក​ម៉ាឡៃ​ភ្ជួរ​ដី​របើក​គ្រាប់ ១២,៧ ម.ម ចំនួន​៥​កេស

បន្ទាយមានជ័យៈ គ្រាប់​កាំភ្លើង​ជាយុទ្ធភណ្ឌ​មិន​ទាន់​ផ្ទុះ​ចំនួន ៥ កេស ត្រូវ​ប្រជា​ពលរដ្ឋ​ប្រទះ​ឃើញ​ខណៈ​កំពុង​ភ្ជួរ​ដី ធ្វើ​ចម្ការ​ កាល​ពីល្ងាច​ថ្ងៃទី​៥ ខែ​មីនា ​នៅ​ភូមិ​ល្វា ឃុំ​បឹងបេង ស្រុក​ម៉ាឡៃ ខេត្ត​បន្ទាយ​មាន​ជ័យ ហើយ​ប្រគល់​ឲ្យ​សមត្ថកិច្ច​នគរបាល​ស្រុក​ម៉ាឡៃ និង​នគរបាល​វរការពារ​ព្រំដែន​គោក​ លេខ​៨១៥ នាំ​មក​ទៅ​រក្សា​ទុក។

លោក សៅ ប៊ុន អធិការ​នគរបាល​ស្រុក​ម៉ាឡៃ​ឲ្យ​ដឹង​ពី​ម្សិលមិញ​ថា ​គ្រាប់​កាំភ្លើង​ជា​យុទ្ធភណ្ឌ​មិន​ទាន់​ផ្ទុះ ដែល​ពលរដ្ឋ​ប្រទះ​ឃើញ​ពេល​ភ្ជួរ​ដី​នោះ​ មាន​ចំនួន​៥​កេស​គ្រាប់​ ជា​ប្រភេទ​គ្រាប់​១២,៧ ម.ម ដែល​បែក​រាយ​មួយៗ​មាន​៦៥​គ្រាប់។

ដោយ​ឡែក​នៅ​ក្នុង​កេស​ល្អ​មិន​ចូល​ទឹក​គ្រាប់​ទាំង​នោះ គឺ​អាច​ប្រើប្រាស់​បាន​នៅ​ឡើយ ឯគ្រាប់​រាយ​ខូច​អស់​ហើយ​។

លោក​ថ្លែងថា គ្រាប់​១២,៧​ម.ម​ដែល​ពលរដ្ឋ​ប្រទះ​ឃើញ​ក្នុង​ដី នៅ​ក្នុង​ភូមិ​ល្វា​នោះ​ ពួក​គាត់​បាន​ប្រគល់​ទៅ​ឲ្យ​ខាង​នគរបាល​វរការពារ​ព្រំដែន​៨១៥​ជា​អ្នក​គ្រប់គ្រង ដោយ​សារ​តែ​អង្គ​ភាព​នេះ​មាន​ទីតាំង​នៅ​ជិត​កន្លែង​កប់​គ្រាប់​ជា​ប្រភេទ​គ្រាប់​ឌូសេត​(១២,៧)។

លោក អធិការ​បន្ត​ថា គ្រាប់​ខូច​ទាំង​នោះ​ នឹង​ត្រូវ​ប្រគល់​ទៅ​ឲ្យ​ខាង​ក្រុម​អង្គភាព​ដោះ​មីន​ស៊ីម៉ាក់​នៅ​ខេត្ត បន្ទាយមានជ័យ យក​ទៅ​កម្ទេច​ចោល។

លោក ឈិត លី មេ​បញ្ជាការ​នគរបាល​ការពារ​ព្រំដែន​វរៈ ៨១៥ ឲ្យ​ដឹង​ថា ​គ្រាប់​ទាំង​នោះ​កំពុង​រក្សា​ទុក​នៅ​អង្គភាព​ដោយ​រង់ចាំ​បញ្ជា​ពី​ខាង​ ស្នងការ​ខេត្ត​ថា តើ​ត្រូវ​ប្រគល់​ឲ្យ​ខាង​ណា​បន្ត​ទៀត។

លោក​ ស៊ាន ហាក់ អនុ​ប្រធាន​អង្គ​ភាព​ដោះ​មីន​ប្រចាំ​ខេត្ត​នេះ​ឲ្យ​ដឹង​ថា លោក​មិន​ទាន់​ទៅ​ទទួល​យក​គ្រាប់​នោះ​ទេ  គិត​ពី​ដើម​ខែម​ករា​ដល់​មីនា​នេះ​ ដោយ​ខាង​អង្គភាព​លោក​ត្រូវ​សមត្ថកិច្ច​មូល​ដ្ឋាន​ហៅ​ទៅ​យក​យុទ្ធភណ្ឌ​ មិន​ទាន់​ផ្ទុះ​គ្រប់​ប្រភេទ​និង​ច្រើន​ណាស់​ដែរ ​ប៉ុន្តែ​ លោក​មិន​បាន​ចាំ​ថា មាន​ចំនួន​ប៉ុន្មាន​នោះ​ទេ៕

អត្ថបទគួរចាប់អារម្មណ៍