The Phnom Penh Post Search

Search form




Logo of Phnom Penh Post newspaper Phnom Penh Post - ឥណ្ឌូនេស៊ី​ប្តេជ្ញា​ជួយ​កម្ពុជា-ថៃ អនុវត្ត​សាលដីកា​ឡាអេ

ឥណ្ឌូនេស៊ី​ប្តេជ្ញា​ជួយ​កម្ពុជា-ថៃ អនុវត្ត​សាលដីកា​ឡាអេ

ឥណ្ឌូនេស៊ី​ប្តេជ្ញា​ជួយ​កម្ពុជា-ថៃ អនុវត្ត​សាលដីកា​ឡាអេ

131205_6b
លោក ហោ ណាំហុង រដ្ឋមន្ត្រីការបរទេសកម្ពុជា

ភ្នំពេញៈ ប្រទេស​ឥណ្ឌូនេស៊ី​បាន​ប្តេជ្ញា​ថា នឹង​ជួយ​ប្រទេស​កម្ពុជា និង​ប្រទេស​ថៃ ក្នុង​ការ​អនុវត្ត​សាលដីកា​របស់​តុលាការ​យុត្តិធម៌​អន្តរជាតិ លើ​ករណី​តំបន់​ប្រាសាទ​ព្រះវិហារ ដែល​នេះ​ជា​ការ​បន្ត​ជា​ថ្មី នូវ​ការ​ចូលរួម​ពាក់ព័ន្ធ​របស់​ខ្លួន ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ ក្នុង​ការ​សម្រប​សម្រួល​ជម្លោះ​រវាង​ប្រទេស​ទាំង​ពីរ។

ឯកអគ្គ រដ្ឋទូត​ឥណ្ឌូនេស៊ី​ប្រចាំ​រាជធានី​ភ្នំពេញ លោក Soehardjono Sastromihardjo ដែល​នឹង​ផុត​អាណត្តិ បាន​ធ្វើ​ការ​សន្យា​បែប​នេះ​ក្នុង​អំឡុង​ជំនួប​ជាមួយ​នឹង​រដ្ឋ មន្ត្រី​ការ​បរទេស​កម្ពុជា លោក ហោ ណាំហុង ពី​ថ្ងៃ​ពុធ​។ នេះ​បើ​តាម​ការ​អះអាង​របស់​អ្នក​នាំ​ពាក្យ​ក្រសួង​ការ​បរទេស លោក កុយ គួង។

លោក កុយ គួង បាន​ស្រង់​សម្តី​របស់​លោក Soehardjono Sastromihardjo ថា៖ « ប្រទេស​ឥណ្ឌូនេស៊ី​បាន​ត្រៀម​ខ្លួន ជួយ​តាម​មធ្យោបាយ​ណា​ក៏​ដោយ ប្រសិន​បើ​ប្រទេស​ទាំង​ពីរ​សុំ​ការ​គាំទ្រ​ពី​ខ្លួន នៅ​ក្នុង​ការ​អនុវត្ត​សាលដីកា​របស់​តុលាការ​យុត្តិធម៌​អន្តរជាតិ »។

តាម​លោក កុយ គួង លោក​រដ្ឋ​មន្ត្រី ហោ ណាំហុង ក៏បាន​ថ្លែង​អំណរគុណ​ចំពោះ​ប្រទេស​ឥណ្ឌូនេស៊ី​ផង​ដែរ​នៅ​ក្នុង​ការ សម្រប​សម្រួល​ឲ្យ​មាន​បទ​ឈប់​បាញ់​គ្នា បន្ទាប់​ពី​ការ​ប្រយុទ្ធ​គ្នា​រវាង​ប្រទេស​កម្ពុជា​និង​ថៃ នៅ​ក្នុង​ឆ្នាំ២០១០ និង​ឆ្នាំ​២០១១។

ដោយ​សារ​ភាព​ចលាចល​ផ្ទៃ​ក្នុង នៅ​ប្រទេស​ថៃ ទាំង​ប្រទេស​ឥណ្ឌូនេស៊ី និង​ទាំង​កម្ពុជា​មិន​ទាន់​បាន​សម្រេច​លើ​វិធី​អនុវត្ត​សាល​ដីកា ខែ​វិច្ឆិកា របស់​តុលាការ​យុត្តិធម៌​អន្តរជាតិ​នៅ​ឡើយ​ទេ ដែល​សាលដីកា​នេះ​បាន​ផ្តល់​ឲ្យ​កម្ពុជា​នូវ​ភាព​ជា​ម្ចាស់​កម្មសិទ្ធិ លើ​តំបន់​ជុំវិញ​ប្រាសាទ​ព្រះវិហារ។

លោក កុយ គួង បាន​ថ្លែង​ពី​ម្សិលមិញ​ថា៖ «វា​គ្រាន់​តែ​ជា​បញ្ហា​ពេលវេលា​តែ​ប៉ុណ្ណោះ ប៉ុន្តែ​ការ​អនុវត្ត​នៃ​សាលដីកា​នេះ​មិន​ជា​បញ្ហា​ទេ»៕ PS

អត្ថបទគួរចាប់អារម្មណ៍