ភ្នំពេញ: សាលា​ឧទ្ធរណ៍​កាលពី​ម្សិលមិញ​បាន​សម្រេច​តម្កល់​សាលក្រម​របស់​សាលា​ដំបូង​រាជធានី​ភ្នំពេញ​ដែល​បាន​ផ្តន្ទាទោស​សកម្មជន​ដីធ្លី​អ្នកស្រី ទេព វន្នី និង​សកម្មជន​បី​នាក់​ទៀត​ដាក់​ពន្ធនាគារ ៦ ខែ ដោយ​បាន​ប្រមាថ​អ្នក​រាជការ​សាធារណៈ​កាលពី​ឆ្នាំ ២០១១ នៅ​គ្រា​ដែល​គាត់​បាន​ទៅ​ស្វែងរក​កិច្ចអន្តរាគមន៍​ពី​មន្ត្រី​សាលាក្រុង​រឿង​ដីធ្លី​តំបន់​បឹងកក់​តែ​មិន​ទាន់​មាន​ដំណោះស្រាយ​រហូត​ដល់​សព្វ​ថ្ងៃ​នេះ ខណៈ​សង្គម​ស៊ីវិល​ចាត់ទុក​ថា​ជា​ការ​ដាក់​គំនាប​ដល់​ពួកគេ។