ភ្នំពេញៈ សភា​ស៊ើបសួរ​សាលា​ឧទ្ធរណ៍​បាន​បដិសេធ​បណ្តឹង​សុំ​នៅ​ក្រៅ​ឃុំ​របស់​តំណាង​រាស្ត្រ​គណបក្ស​សង្គ្រោះ​ជាតិ​ដែល​សកម្ម​ក្នុង​រឿង​ព្រំដែន​កម្ពុជា-វៀតណាម​លោក អ៊ុំ សំអាន ដោយ​តុលាការ​លើក​ហេតុផល​ថា​បើ​អនុញ្ញាត​ឱ្យ​នៅ​ក្រៅ​ឃុំ​នឹង​បណ្តាល​ឱ្យ​មាន​ភាព​វឹកវរ​ក្នុង​សង្គម​ខណៈ​មេធាវី​ការពារ​ក្តី​នេះ​ចាត់​ទុក​ថា​ជា​រឿង​អយុត្តិធម៌​ហើយ​ថា​នឹង​ប្តឹង​សារទុក្ខ​ទៅ​តុលាការ​កំពូល​បន្ត​ទៀត​នៅ​សប្តាហ៍​នេះ​ស្រប​ពេល​ដែល​លោក កឹម សុខា ប្រធាន​ស្ដីទី​គណបក្ស​សង្គ្រោះ​ជាតិ​បាន​បដិសេធ​ចូល​បំភ្លឺ​នៅ​សាលា​ដំបូង​រាជធានី​ភ្នំពេញ​ទាក់ទង​នឹង​សំណុំ​រឿង​អំពើ​ពេស្យាកម្ម។