ភ្នំពេញ: អ្នក​វិភាគ​នយោបាយ និង​តាមដាន​ព្រឹត្តិការណ៍​សង្គម​លោក គឹម សុខ ដែល​ត្រូវ​បាន​ឃុំ​ខ្លួន​តាម​បណ្តឹង​របស់​លោក​នាយក​រដ្ឋមន្ត្រី ហ៊ុន សែន ពាក់ព័ន្ធ​ពី​បទ​ញុះញង់​ឱ្យ​ប្រព្រឹត្ត​បទឧក្រិដ្ឋ​ជាអាទ៍ល​នៅ​តែ​រក្សា​ចម្លើយ និង​ទទួល​ស្គាល់​ការ​វិភាគ​របស់​ខ្លួន​នៅ​វិទ្យុ​អាស៊ីសេរី នៅ​ចំពោះ​មុខ​ចៅក្រម​ស៊ើបសួរ​សាលា​ដំបូង​រាជធានី​ភ្នំពេញ ខណៈ​សាលា​ឧទ្ធរណ៍​បើក​សវនាការ​សំណុំ​រឿង​បណ្តឹង​នៅ​ក្រៅ​ឃុំ​នៅ​ថ្ងៃ​នេះ។