ខេត្តកែប៖ គិតមកដល់ត្រឹមពេលនេះ មានមនុស្ស ៧ នាក់បានស្លាប់ និង ១៨ នាក់ផ្សេងទៀត បានរងរបួស នៅក្នុងឧបទ្ទេវហេតុនៃការបាក់ រលំអគារ កម្ពស់ ៦ ជាន់នៅក្នុងខេត្តកែប កាលពីរសៀលថ្ងៃសុក្រ ទី ៣ មករា ឆ្នាំ ២០២០។
យោងតាមសេចក្តីប្រកាសព័ត៌មាននៅថ្ងៃសៅរ៍ ៤ មករា របស់រដ្ឋបាលខេត្តកែប បានឲ្យដឹងថា កាលពីថ្ងៃសុក្រ ទី ៣ មករា ម៉ោង ៤និង ១៥នាទី មានករណីបាក់រលំអគារមួយ ដែលកំពុងដំណើរការសាងសង់កម្ពស់ ៦ ជាន់ មានទីតាំងនៅភូមិកែប សង្កាត់កែប ក្រុងកែប ខេត្តកែប។ ក្រុមការងារកំពុងបន្តជួយសង្រ្គោះជនរងគ្រោះ ដែលកំពុងជាប់ក្នុងគំនរបាក់បែក។