The Phnom Penh Post Search

Search form

Logo of Phnom Penh Post newspaper Phnom Penh Post - ​បង្ក្រាបអ្នក​សេព​គ្រឿង​ញៀន​​៥​នាក់​នៅ​ម៉ា​ឡៃ

​បង្ក្រាបអ្នក​សេព​គ្រឿង​ញៀន​​៥​នាក់​នៅ​ម៉ា​ឡៃ

​បង្ក្រាបអ្នក​សេព​គ្រឿង​ញៀន​​៥​នាក់​នៅ​ម៉ា​ឡៃ

បន្ទាយ​មាន​ជ័យៈ នគរ​បាល​ប្រឆាំង​គ្រឿង​ញៀន ​សហ​ការ​ជា​មួយ​នគរ​បាល​ ស្រុក​ម៉ា​ឡៃ ​នៅ​ព្រឹកថ្ងៃ​២៣​ មីនា បាន​ចុះបង្ក្រាប​​ចាប់​ខ្លួន​មនុស្ស៥នាក់ ជាមួយ​ថ្នាំញៀន​​​ម៉ាទឹក​កកនិងមេ​តំ​ហ្វេ​តា​មីន​​​៨១ គ្រាប់ ​និង​ឧបករណ៍​មួយ​ចំនួន បញ្ជូន​ទៅ​ស្នង​ការ​ដ្ឋានខេត្ត​ចាត់​វិធាន​ការ​បន្ត​តាម​ផ្លូវ​ច្បាប់។

លោក​ សៅ ប៊ុន អធិការ​នគរបាល​ស្រុក​ម៉ា​ឡៃ ​ពី​ម្សិល​មិញ​​ប្រាប់​ថា នគរ​បាល​​ចុះ​ល្បាត​នៅ​ក្នុង​ភូមិ​៩៣​ឃុំ​អូរ​ស្រ​ឡៅ ប្រ​ទះ​ឃើញ ក្រុម​ជន​ប្រើ​ប្រាស់​គ្រឿង​ញៀន​​២នាក់ កាន់​ដាវ​សាមូរ៉ៃឈរ​ ក្នុង​ចេត​នា​មិន​ល្អក៏​ហៅ​សួរ​ ក្នុង​នេះ​​ម្នាក់​ឈ្មោះ ហ៊ាន សត់ អាយុ​១៩​ឆ្នាំ និង​ឈ្មោះ រង​ សុខ​គា អាយុ​១៨​ឆ្នាំ ​គេឆ្លើយ​​ឌឺ​មក​សមត្ថ​កិច្ច​ថា ពួក​គេ​ឈរ​​ការពារ​បង​​ធំ​​​កំពុង​​«ជក់​ម៉ា»​ នៅ​ក្នុង​ផ្ទះ។

លោកក៏​សុំ​គោល​ការណ៍​ពី​លោក​ស្នង​ការ និង​ព្រះ​រាជ​អាជ្ញា​ខេត្ត ចុះបង្ក្រាបនិង​ចាប់​ឃាត់​ខ្លួន​អ្នក​ទាំង​ពីរ និង​ចាប់ខ្លួន​បង​ធំ​ឈ្មោះ អម ប្រុស អាយុ​​២៧​ឆ្នាំ និង​​បក្ខពួក​ពីរ​នាក់​​ទៀត។ ដោយ​រឹប​អូស​​បាន​ថ្នាំ​ញៀន​មេ​តំ​ហ្វេ​តា​មីន​​៨១​គ្រាប់ ម៉ា​ទឹក​កក១​កូន​ថង់​តូច ប្រាក់​ថៃ ១ពាន់​​​បាត ប្រាក់​ខ្មែរ​៥ម៉ឺន​រៀល ប្រាក់​អាមេ​រិក​៥​ដុល្លារ ​ឧបករណ៍​​ជក់​មួយ​​ ដាវ​សាមូរ៉ៃ​​៥​​ដើម​ និង​ទូរស័ព្ទ​ដៃ​ចំនួន​៥​គ្រឿង៕

អត្ថបទគួរចាប់អារម្មណ៍