The Phnom Penh Post Search

Search form




Logo of Phnom Penh Post newspaper Phnom Penh Post - ACU នឹង​ធ្វើ​កោសល្យ​វិច្ច័យ​ខ្សែ​អាត់​សំឡេង ប្តឹង​ដោយ​និស្សិត

ACU នឹង​ធ្វើ​កោសល្យ​វិច្ច័យ​ខ្សែ​អាត់​សំឡេង ប្តឹង​ដោយ​និស្សិត

Content image - Phnom Penh Post
លោក ឱម យ៉ិនទៀង ក្នុង​អង្គ​ប្រជុំ​ដោះ​ស្រាយ​ពាក្យ​ប្តឹង​នៅ​អង្គភាព​ប្រឆាំង​អំពើ​ពុក​រលួយ នៅ​ព្រឹក​ថ្ងៃ​អង្គារ​នេះ។ ផា លីណា

ACU នឹង​ធ្វើ​កោសល្យ​វិច្ច័យ​ខ្សែ​អាត់​សំឡេង ប្តឹង​ដោយ​និស្សិត

ភ្នំពេញៈ ប្រធាន​អង្គភាព​ប្រឆាំង​អំពើ​ពុក​រលួយ (ACU) ​លោក ឱម យ៉ិនទៀង នៅ​ព្រឹក​ថ្ងៃ​អង្គារ៍​នេះ បាន​ចាត់​តាំង​ឲ្យ​ក្រុម​មន្ត្រី ធ្វើ​កោសល្យ​វិច្ច័យ និង​ស៊ើប​អង្កេត​លើ​ខ្សែ​អាត់​សំឡេង ដែល​ក្រុម​និស្សិត​បាន​យក​មក​ប្តឹង លោក កឹម សុខា ប្រធាន​ស្តីទី​គណបក្ស​សង្គ្រោះ​ជាតិ ពី​បទ​ពុក​រលួយ ដើម្បី​យក​ធ្វើ​ជា​ភស្តុតាង​ក្នុង​ការ​ចោទ​ប្រកាន់។

បន្ទាប់​ពី​អង្គ​ប្រជុំ​ដោះ​ស្រាយ​ពាក្យ​ប្តឹង​នៅ​អង្គភាព​ប្រឆាំង​អំពើ​ពុក​រលួយ លោក ឱម យ៉ិនទៀង បាន​ធ្វើ​សន្និសីទ​កាសែត​មួយ ដោយ​បញ្ជាក់​ថា ភស្តុតាង​របស់​ក្រុម​និស្សិត​ដែល​បាន​ដាក់​ពាក្យ​ប្តឹង​លោក កឹម សុខា ពី​បទ​ពុក​រលួយ​នោះ គឺ​អង្គភាព​ទទួល​ស្គាល់​ភាព​ស្រប​ច្បាប់​របស់​ខ្សែអាត់​នោះ ហើយ​នឹង​បើក​ការ​ស៊ើប​អង្កេត។

លោក​ថា« តាមច្បាប់​ភស្តុតាង​នេះ​អាច​ប្រើប្រាស់​បាន​ហើយ យើង​ខ្ញុំ​ធ្វើ​បន្ថែម​មួយ​ដំណាក់​ទៀត​គឺ​ការ​ធ្វើ​កោស្យ​វិច្ឆ័យ​សំឡេង កឹម សុខា ដើម្បី​បញ្ជាក់​ថា​សំឡេង​ហ្នឹង​ពិត»។

យ៉ាង​ណា​ក៏ដោយ​លោក ឱម យ៉ិនទៀង បាន​ចាត់​ទុក​ថា លោក កឹម សុខា  បាន​ទទួល​ស្គាល់​សំឡេង​ខ្សែអាត់​ជា​សំឡេង​របស់​ខ្លួន​ពិត​បាត់​ទៅ​ហើយ ទើប​គាត់​មិន​បាន​ដាក់ពាក្យ​ប្តឹង​ទៅ​ស្ថាប័ន​ពាក់ព័ន្ធ។

សូមបញ្ជាក់ថា កាលពី​ល្ងាច​ថ្ងៃ​ទី ១៨ ខែ មីនា លោក ស្រី ចំរើន បាន​ដឹក​នាំ​និស្សិត​ប្រមាណ ៣០ នាក់​ដាក់​ពាក្យ​ប្តឹង​លោក កឹម សុខា ទៅ​អង្គភាព​ប្រឆាំង​អំពើ​ពុករលួយ​ដើម្បី​ស៊ើប​លើ​ករណី​មន្រ្តី​រូប​នេះ​មាន​លុយ​រាប់​ពាន់​ដុល្លារ​ឱ្យ​ស្រី​ស្នេហ៍។

សូមរង់ចាំអានព័ត៌មានពិស្តារ...

អត្ថបទគួរចាប់អារម្មណ៍