ភ្នំពេញៈ ប្រធាន​អង្គភាព​ប្រឆាំង​អំពើ​ពុករលួយ​លោក ឱម យ៉ិនទៀង បាន​បញ្ជាក់​ថា​ការ​​ឃាត់​ខ្លួន​លោក ស៊ាង ចែត មេឃុំ​ស្រក ខេត្ត​កំពង់ចាម​មកពី​គណបក្ស​ប្រឆាំង​គឺ​ធ្វើ​ឡើង​ដោយ​ផ្អែក​លើ​ចម្លើយ​របស់​សាមី​ខ្លួន​ដែល​ថា​ពិតជា​បាន​យក​លុយ​​ ៥០០ ដុល្លារ​ពី​មន្ត្រី​ជាន់​ខ្ពស់​គណបក្ស​ទៅ​ឱ្យ​ម្តាយ ស្រីមុំ ដែល​ចម្លើយ​នេះ​មាន​ធាតុ​ផ្សំ​​បទល្មើស​គ្រប់គ្រាន់ ​ខណៈ​ដែល​អង្គភាព​នេះ​បាន​កោះ​ហៅ​មន្រ្តី​​សង្គម​ស៊ីវិល និង​អ្នក​ពាក់ព័ន្ធ​ចំនួន​ ៨ ​រូប​ក្នុង​នោះ​រួម​ទាំង​លោក​ នី ចរិយា អគ្គលេខាធិការរង​ គជប ឲ្យ​ចូល​ទៅ​បំភ្លឺ​​ក្នុង​សំណុំ​រឿង​នេះ​ផង​ដែរ។