ភ្នំពេញៈ នៅ​ទីបំផុត​គណបក្ស​សង្គ្រោះ​ជាតិ​បាន​សម្រេច​រួច​ហើយ​កាលពី​ម្សិលមិញ​ក្នុង​ការ​ជ្រើសរើស​មន្រ្តី​ជាន់​​​ខ្ពស់​ចំនួន​ ៣ ​រូប​របស់​ខ្លួន​ដើម្បី​ធ្វើ​ជា​បេក្ខជន​​សម្រាប់​តំណែង​​អនុប្រធាន​​គណបក្ស​ក្នុង​នោះ​ក៏​មាន​ស្រ្តី ១ រូប​ផង​ដែរ​ ខណៈ​ប្រធាន​ស្តីទី​គណបក្ស​លោក កឹម សុខា នឹង​ត្រូវ​ជ្រើសរើស​​​ធ្វើ​ជា​ប្រធាន​គណបក្ស​សម្រាប់​ដាក់​ជូន​សមាជ​អនុម័ត​ជា​ផ្លូវការ​ដែល​ត្រូវ​ធ្វើ​នៅ​ថ្ងៃ​ព្រហស្បតិ៍​ ប៉ុន្តែ​មិន​ដូច​អ្វី​ដែល​បាន​បែកធ្លាយ​ថា​មាន​ឈ្មោះ​លោកស្រី​ជា​ភរិយា​លោក សម រង្ស៊ី អតីត​ប្រធាន​គណបក្ស​នោះ​ទេ​។