The Phnom Penh Post Search

Search form




Logo of Phnom Penh Post newspaper Phnom Penh Post - CPP នឹង​ប្ដឹង CNRP ចំពោះ​សារ​នយោបាយ​មាន​ចរិត​ញុះញង់ និង​ប្រមាថ




CPP នឹង​ប្ដឹង CNRP ចំពោះ​សារ​នយោបាយ​មាន​ចរិត​ញុះញង់ និង​ប្រមាថ

Content image - Phnom Penh Post
លោក កឹម សុខា ប្រធាន​គណបក្ស​សង្រ្គោះជាតិ។

CPP នឹង​ប្ដឹង CNRP ចំពោះ​សារ​នយោបាយ​មាន​ចរិត​ញុះញង់ និង​ប្រមាថ

ភ្នំពេញ: គណបក្ស​កាន់​អំណាច​បាន​អះអាង​ថា​គណបក្ស​នឹង​ដាក់​ពាក្យ​បណ្តឹង​ភ្លាមៗ​ប្រសិន​បើ​ក្រសួង​មហាផ្ទៃ​មិន​ចាត់​វិធានការ​ទៅ​លើ​គណបក្ស​ប្រឆាំង​បាន​ប្រើ​ពាក្យ​ស្លោក​នយោបាយ​ដែល​ត្រូវ​បាន​ចាត់ទុក​ថា​ជា​ការ​ញុះញង់ និង​ប្រមាថ។

អ្នក​នាំ​ពាក្យ​របស់​គណបក្ស​ប្រជាជន​កម្ពុជា​លោក សុខ ឥសាន បាន​បញ្ជាក់​កាលពី​ម្សិលមិញ​ថា ​គណបក្ស​ប្រជាជន​កម្ពុជា ​កំពុង​រង់ចាំ​លទ្ធផល​ពី​ក្រសួង​មហាផ្ទៃ និង​គណៈកម្មាធិការ​ជាតិ​រៀបចំ​ការ​បោះឆ្នោត​ក្នុង​ការ​ចាត់​វិធានការ​ទៅ​លើ​គណបក្ស​សង្គ្រោះជាតិ​ដែល​បាន​ប្រើ​ពាក្យ​ស្លោក​នយោបាយ​នៅ​ក្នុង​កម្មវិធី​នយោបាយ​របស់​ខ្លួន «ដូរ​មេឃុំ​បម្រើ​បក្ស ដាក់​មេឃុំ​បម្រើ​រាស្រ្ត» ដែល​គណបក្ស​ប្រជាជន​កម្ពុជា​ចាត់​ទុក​ថា​មាន​ចរិត​បង្ក​ការ​ញុះញង់ និង​ប្រមាថ។

លោក សុខ ឥសាន បាន​បន្ថែម​ថា៖ «ប្រសិន​បើ​ក្រសួង​មហាផ្ទៃ និង​ គ.ជ.ប. មិន​អាច​ចាត់​វិធានការ​ទៅ​លើ​គណបក្ស​សង្គ្រោះជាតិ​ដោយ​ជោគជ័យ គណបក្ស​ប្រជាជន​កម្ពុជា​នឹង​ដាក់​ពាក្យ​បណ្តឹង​ភ្លាមៗ​ទៅ​តុលាការ​ស្នើសុំ​ឲ្យ​តុលាការ​ចាត់​វិធានការ​ទៅ​លើ​ពាក្យ​ស្លោក​នយោបាយ​របស់​គណបក្ស​សង្គ្រោះជាតិ»។

អ្នក​នាំពាក្យ​ក្រសួង​មហាផ្ទៃ​លោក ខៀវ សុភ័គ មិន​អាច​ទាក់ទង​សុំ​អត្ថាធិប្បាយ​បាន។ លោក សក់ សេដ្ឋា បាន​បដិសេធ​មិន​ធ្វើ​អត្ថាធិប្បាយ ខណៈ​អ្នក​នាំ​ពាក្យ គ.ជ.ប. លោក ហង្ស ពុទ្ធា នៅ​តែ​បញ្ជាក់​ជាថ្មី​ថា​ពេល​នេះ​វា​មិនមែន​ជា​ពេល​ដែល គ.ជ.ប. ពិនិត្យ​ទេ៕PS

អត្ថបទគួរចាប់អារម្មណ៍