.jpg)
ពិធីចុះ MoU រវាង POST Media និង STC នៅខេត្តសៀមរាបកាលពីថ្ងៃសុក្រ។ យូសុះ អាប់ឌុលរ៉ាស់ហីុម
សៀមរាបៈ ក្រុមហ៊ុន POST Media Co Ltd ដែលជាម្ចាស់កាសែតភ្នំពេញប៉ុស្តិ៍ភាសាអង់គ្លេស និងភាសាខ្មែរ បានចុះអនុស្សរណៈ នៃការយោគយល់គ្នា (MOU) ជាមួយ Siem Reap Tourism Club (STC) កាលពីថ្ងៃសុក្រនៅខេត្តសៀមរាប ដើម្បីសហការក្នុងការគាំទ្រឧស្សាហកម្មទេសចរណ៍សម្រាប់ការអភិវឌ្ឍប្រកបដោយចីរភាពនៅក្នុងខេត្តនេះ។
នៅក្នុងព្រឹត្តិការណ៍នេះផងដែរ ក៏មានការសម្ពោធកម្មវិធី Post Watch ដែលជាកម្មវិធីព័ត៌មានមួយជាភាសាអង់គ្លេស និងភាសាខ្មែរដែលជាកម្មវិធីទី ១ ក្នុងប្រទេសកម្ពុជា និងជាវេទិកាវីដេអូដែលរីកចម្រើនលឿនដែលអាចមើលតាមហ្វេសប៊ុក។
លោក លី តៃសេង អគ្គនាយក និងជាចាងហ្វាងកាសែតភ្នំពេញប៉ុស្តិ៍ បានចុះហត្ថលេខាតំណាងឲ្យក្រុមហ៊ុន Post Media ជាមួយលោក Philip Kao ដែលជាប្រធាន STC តំណាងឲ្យក្លិបរបស់គាត់។ ក្នុងអំឡុងវេទិកានេះ ដែលមានការចូលរួមពីភ្ញៀវប្រមាណ ៨០ នាក់ ជាពិសេសត្រូវបានអញ្ជើញមកពីវិស័យទេសចរណ៍ និងឧស្សាហកម្មពាក់ព័ន្ធ។
លោក លី តៃសេង បានថ្លែងថា កាសែតភ្នំពេញប៉ុស្តិ៍ភាសាអង់គ្លេសនិងភាសាខ្មែរ បានរីកចម្រើនគួរឲ្យកត់សម្គាល់ ចាប់តាំងពីការចូលកាន់តំណែងដោយអ្នកគ្រប់គ្រងថ្មីក្នុងរយៈកាល ១៤ ខែកន្លងមកនេះ។
លោកថ្លែងថា៖ «កាសែតទាំង ២ នេះ បានរីកចម្រើនទៅជាកាសែតជាតិពិតដែលឥឡូវនេះ មានវត្តមាននៅក្នុងខេត្តទាំង ២៥ ក្នុងប្រទេសកម្ពុជា។ កាលពីឆ្នាំមុន យើងក៏បានចាប់ផ្តើមកម្មវិធីទូរស័ព្ទដៃរបស់យើងផងដែរ ហើយនាពេលខាងមុខឆាប់ៗនេះ យើងនឹងកែលម្អគេហទំព័ររបស់យើងឲ្យល្អប្រសើរថែមទៀត»។
លោកបានថ្លែងថា កម្មវិធី Post Watch ដែលរចនាឡើង ពីទីតាំងមូលដ្ឋានផ្ទាល់ មិនដូចកម្មវិធីព័ត៌មានដទៃៗក្នុងប្រទេសកម្ពុជានោះទេ នឹងផ្តល់ព័ត៌មានចេញពីទំព័រហ្វេសប៊ុករបស់កាសែតភ្នំពេញប៉ុស្តិ៍ ដែលឈ្នះពានរង្វាន់ជាច្រើន និងចែករំលែកការរាយការណ៍ព័ត៌មានអំពីវិស័យកម្សាន្ត។
នៅក្នុងអនុស្សរណៈនេះ លោក តៃសេង បានថ្លែងថា៖ «ការពិតគឺថាប្រសិនបើសមាជិក STC ធ្វើបានល្អនៅក្នុងខេត្ត ហើយឧស្សាហកម្មទេសចរណ៍រីកចម្រើនបន្ថែមទៀត ពួកគេនឹងផ្សព្វផ្សាយពាណិជ្ជកម្មនៅក្នុងកាសែតរបស់យើង និងបណ្តាញឌីជីថល។ នេះផ្តល់នូវស្ថានភាពឈ្នះ ឈ្នះ សម្រាប់ភាគីទាំង ២»។ «នេះជាមូលហេតុ ដែលយើងប្តេជ្ញាផ្សព្វផ្សាយកន្លែងហូបចុកអាហារ និងភេសជ្ជៈនិងទិសដៅថ្មីៗនិងការផ្តល់ផ្សេងៗទៀត នៅក្នុងខេត្តសៀមរាបមិនមែនតែប្រាសាទអង្គរវត្តតែមួយនោះទេ»។
លោក តៃសេង បានថ្លែងថា បណ្តាញព័ត៌មានទាំងអស់ក្រោមក្រុមហ៊ុន Post Media នឹងជួយផ្សព្វផ្សាយមិនមែនតែវិស័យទេសចរណ៍ទេ ប៉ុន្តែក៏ជួយផ្សព្វផ្សាយវិស័យផ្សេងៗ និងឧស្សាហកម្មផ្សេងៗទូទាំងប្រទេសកម្ពុជាផងដែរ។
លោកបន្តថា៖ «យើងចង់ពង្រីកកិច្ចសហការរបស់យើង ទៅឧស្សាហកម្មដទៃៗទៀតផងដែរ។ យើងមានការតាំងចិត្តក្នុងផ្នែកនេះ ហើយយើងបានពង្រីករួចហើយ លើសពីអ្នកផ្សព្វផ្សាយប្រពៃណីរបស់យើង»។
ចំណែកលោក Kao តាងនាមឲ្យក្រុមហ៊ុន STC បានថ្លែងថា លោកមានភាពរីករាយ ចំពោះកិច្ចសហការជាមួយក្រុមហ៊ុន Post Media ដោយសារតែក្លិបរបស់លោកមានផែនការជាច្រើនដែលនឹងធ្វើឡើង ដូចជា ជាកម្មវិធីបង្កើតបណ្តាញទំនាក់ទំនងប្រចាំខែជាមួយអ្នករៀបចំផ្សេងៗដូចជាសណ្ឋាគារ CAM Food Hotels និងសមាគមមេចុងភៅកម្ពុជា (Cambodia Chef Association)។
ក្លិបកំពុងតែរៀបចំព្រឹត្តិការណ៍ជាច្រើននាឆ្នាំនេះជាមួយនឹងភាគីពាក់ព័ន្ធដទៃៗទៀត ដូចជា យុទ្ធនាការដាំដើមឈើ ដែលជាគំនិតផ្តួចផ្តើមមួយ ជាមួយលោក តាន់ គីមសួរ ហើយនឹងចាប់ផ្តើមនៅថ្ងៃទី ១០ ខែកក្កដា ជាមួយនឹងព្រឹត្តិការណ៍ដាំដើមឈើនៅខែសីហាផងដែរ។ «នៅកម្រិតថ្នាក់ជាតិ STC នឹងចូលរួមជាមួយក្រសួងទេសចរណ៍ ដើម្បីផ្សព្វផ្សាយផ្សារទេសចរណ៍របស់កម្ពុជា ពីថ្ងៃ ទី ១១‑១៦ ចំណែកឯនៅកម្រិតថ្នាក់អន្តរជាតិ យើងនឹងរៀបចំឲ្យមានវិនិយោគសក្តានុពលមកពីប្រទេសសិង្ហបុរី និងបណ្តាប្រទេសដទៃៗទៀតឲ្យមកខេត្តសៀមរាប សម្រាប់វិស័យទេសចរណ៍ ការវិនិយោគ និងអាជីវកម្មសក្តានុពលដទៃៗទៀត។ «នោះហើយជាមូលហេតុដែលយើងមានភាពរីករាយណាស់ ចំពោះការសហការជាមួយកាសែតភ្នំពេញប៉ុស្តិ៍ ហើយតាមរយៈ កាសែតភ្នំពេញប៉ុស្តិ៍អង់គ្លេស និងខ្មែរ និងកម្មវិធី Post Watch និងបណ្តាញព័ត៌មានដទៃៗទៀតរបស់កាសែតនេះ។
លោក Kao បន្តថា៖ «ទៅលឿន ទៅម្នាក់ឯង ហើយទៅឆ្ងាយ ទៅជាមួយគ្នា។ នោះតែងតែជាបាវចនារបស់ខ្ញុំ ហើយឥឡូវនេះ ជាមួយនឹងកិច្ចសហការជាមួយក្រុមហ៊ុន Post Media ក្លិប STC ប្រាកដថា នឹងទៅជាមួយគ្នាយើងនឹងទៅឆ្ងាយ»៕
