ក្រុមហ៊ុនអចលនទ្រព្យ Prince Real Estate ដែលជាសមាជិកមួយរបស់សម្ព័ន្ធក្រុមហ៊ុន Prince Holding Group កាលពីថ្ងៃព្រហស្បតិ៍ បានចែកអំណោយជាសម្ភារប្រើប្រាស់ចាំបាច់ប្រចាំថ្ងៃជូនដល់គ្រួសារក្រីក្រចំនួន ៨០៤ គ្រួសារ នៅខណ្ឌចំការមន ដែលរងផលប៉ះពាល់ដោយសារការផ្ទុះជំងឺក្នុងព្រឹត្តិការណ៍សហគមន៍ ២០ កុម្ភៈ។
ការបរិច្ចាគនេះត្រូវបានកើតឡើងតែប៉ុន្មានថ្ងៃ បន្ទាប់ពីប្រធានក្រុមហ៊ុន អ្នកឧកញ៉ា Chen Zhi បានប្រកាសបរិច្ចាគថវិកាចំនួន ៣ លានដុល្លារសហរដ្ឋអាមេរិក ដើម្បីគាំទ្ររដ្ឋាភិបាលកម្ពុជាក្នុងការប្រយុទ្ធប្រឆាំងជំងឺកូវីដ ១៩ នៅក្នុងព្រះរាជាណាចក្រកម្ពុជា។ ការគាំទ្រផ្នែកហិរញ្ញវត្ថុនេះ ធ្វើឡើងបន្ទាប់ពីការបរិច្ចាគថវិកាលើកដំបូងចំនួន ៣ លានដុល្លារសហរដ្ឋអាមេរិក ដែលបានបរិច្ចាគដោយអ្នកឧកញ៉ា Chen Zhi កាលពីខែធ្នូ ក្នុងឆ្នាំកន្លងទៅ ដើម្បីជួយដល់ប្រទេសកម្ពុជា ក្នុងការទិញវ៉ាក់សាំងបង្ការជំងឺកូវីដ ១៩។
ការបរិច្ចាគចុងក្រោយនេះ គឺជាផ្នែកមួយនៃយុទ្ធសាស្ត្ររួមលើវិស័យបរិស្ថាន សង្គម និងអភិបាលកិច្ច សម្រាប់ក្រុមហ៊ុនជាសមាជិកតាមការគូសបញ្ជាក់របស់សម្ព័ន្ធក្រុមហ៊ុន Prince Group។ ចំណុចគន្លឹះមួយនៃយុទ្ធសាស្ត្រនេះ គឺការបរិច្ចាគថវិកាចំនួន ៣ លានដុល្លារ របស់លោកប្រធាន Chen Zhi នឹងជួយដល់រាជរដ្ឋាភិបាលកម្ពុជា ឈានដល់គោលដៅរបស់ខ្លួន ក្នុងការចាក់វ៉ាក់សាំងជូនប្រជាជនយ៉ាងហោចណាស់ ៨០% ឬស្មើនឹងជិត ១៣ លាននាក់ ដែលនេះគឺជាការបញ្ជាក់ពីការប្តេជ្ញាចិត្តរបស់សម្ព័ន្ធក្រុមហ៊ុនចំពោះការទទួលខុសត្រូវសង្គមនៅកម្ពុជា។
ក្នុងនោះផងដែរ ក្រុមហ៊ុន Prince Real Estate បានឧបត្ថម្ភអង្ករសរុប ១៦ ០៨០ គីឡូក្រាម មីចំនួន ៨០៤ កេស ទឹកត្រី ៨០៤ យួរ និងទឹកស៊ីអ៊ីវ ៨០៤ យួរ ជូនដល់គ្រួសារមួយចំនួន រួមជាមួយទឹកបរិសុទ្ធ ៥០០ កេស និងភេសជ្ជៈចំនួន ២០០ កេស សម្រាប់មន្ត្រីនគរបាលចំនួន ២៣៤ រូប ដែលកំពុងបំពេញការងារដោយមិនគិតពីការនឿយហត់នៅតាមទីតាំងចំនួន ៣៣ កន្លែងក្នុងខណ្ឌចំការមន ដែលជាតំបន់រងការវាយប្រហារយ៉ាងធ្ងន់ធ្ងរដោយសារការផ្ទុះឡើងនៃជំងឺកូវីដ ១៩។
លោក Steven Wang ប្រធាននាយកប្រតិបត្តិក្រុមហ៊ុន Prince Real Estate ថ្លែងថា៖ «ការផ្ទុះឡើងនូវជំងឺរាតត្បាតក្នុងសហគមន៍បានជះឥទ្ធិពលដល់ជីវិតរស់នៅរបស់បងប្អូនប្រជាជនជាច្រើននៅក្នុងខណ្ឌមួយនេះ ហើយយើងជឿជាក់ថា សកម្មភាពឆ្លើយតបរហ័ស និងច្បាស់លាស់នឹងធ្វើឱ្យមានការផ្លាស់ប្តូរដ៏សំខាន់មួយក្នុងការធានាឱ្យមានការងើបឡើងវិញដ៏រឹងមាំ សម្រាប់សហគមន៍»។
កាលពីខែមុន មូលនិធិសប្បុរសធម៌ព្រីនស៍ ដែលជាអង្គភាពសប្បុរសធម៌មួយរបស់សម្ព័ន្ធក្រុមហ៊ុន Prince Group បានចែកអំណោយជាសម្ភារថែទាំសុខភាពជូនដល់ប្រជាជនចំនួន ៥០០ គ្រួសារ ដែលរស់នៅក្នុងភូមិអុង ស្រុកព្រៃនប់ ប្រទេសកម្ពុជា ដែលស្ថិតនៅជិតទីតាំងគម្រោងទីក្រុងរាមដែលមានទឹកប្រាក់ចំនួន ១៦ ពាន់លានដុល្លារអាមេរិក នៅលើផ្ទៃដីចាក់បំពេញទំហំ ៨៤៣ ហិកតា ដែលកំពុងតែធ្វើការអភិវឌ្ឍស្ថិតនៅជិតអាកាសយានដ្ឋានអន្តរជាតិក្រុងព្រះសីហនុ។
សម្ព័ន្ធក្រុមហ៊ុន Prince Group នឹងបន្តជួយដល់ប្រជាជនកម្ពុជាដោយការចែកអំណោយសម្ភារចាំបាច់ជូនដល់ប្រជាជន ខណៈដែលការអនុវត្តគំនិតផ្តួចផ្តើមសហគមន៍សំខាន់ៗ និងការធ្វើការជាមួយដៃគូដែលមានការទទួលខុសត្រូវខាងសង្គមនៅទូទាំងព្រះរាជាណាចក្រកម្ពុជា ក្នុងគោលបំណងឆ្ពោះទៅរកការផ្តល់សិទ្ធិអំណាចដល់សហគមន៍មូលដ្ឋាន៕