The Phnom Penh Post Search

Search form




Logo of Phnom Penh Post newspaper Phnom Penh Post - PSI ថា​មិន​បាន​រំលោភ​ច្បាប់​ទេ​ក្នុង​ការ​បញ្ឈប់​បុគ្គលិក

PSI ថា​មិន​បាន​រំលោភ​ច្បាប់​ទេ​ក្នុង​ការ​បញ្ឈប់​បុគ្គលិក

PSI ថា​មិន​បាន​រំលោភ​ច្បាប់​ទេ​ក្នុង​ការ​បញ្ឈប់​បុគ្គលិក

130708_06c
បុគ្គលិកវេចខ្ចប់អង្គការ PSI ធ្វើការតវ៉ារឿងបញ្ឈប់ពីការងារ រូប ហេង ជីវ័ន

ភ្នំពេញៈ ឆ្លើយ​តប​នឹង​ការ​តវ៉ា​របស់​អតីត​បុគ្គលិក​ផ្នែក​វេច​ខ្ចប់​ស្រោម​អនាម័យ​ចំនួន​៤៤នាក់ អង្គការ​បម្រើ​សុខភាព​ប្រជាជន​កម្ពុជា និង​អង្គការ​បម្រើ​សុខភាព​ប្រជាជន​អន្តរជាតិ​បាន​បដិសេធ​ថា ខ្លួន​មិន​បាន​រំលោភ​ច្បាប់​ការងារ​ទេ នៅ​ពេល​បញ្ចប់​កិច្ច​សន្យា​បុគ្គលិក​កាល​ពី​សប្តាហ៍​មុន។

ក្នុង​លិខិត ដែល​ផ្ញើ​ជូន ភ្នំពេញ ប៉ុស្តិ៍ កាល​ពី​ថ្ងៃ​ព្រហស្បតិ៍​មុន អង្គការ​ទាំង​ពីរ​បាន​ថ្លែង​ថា ពួក​គេ​បាន​ផ្តល់​អត្ថ​ប្រយោជន៍​ចាំបាច់​ទាំង​អស់​ដល់​កម្មករ ហើយ​បាន​ជួប​ជាមួយ​នឹង​កម្មករ​ជា​ច្រើន​លើក​ដើម្បី​ពន្យល់​ថា តើ​មូលហេតុ​អ្វី​បាន​ជា​អង្គការ​មិន​បន្ត​កិច្ច​សន្យា​ការងារ​ពួក​គេ។ អង្គការ​បម្រើ​សុខភាព​ប្រជាជន​កម្ពុជា​បាន​ឲ្យ​ដឹង​កាល​ពី​សប្តាហ៍​មុន​ថា មូលហេតុ​គឺ​«​ការ​កែប្រែ​នៃ​ការ​ទិញ​ផលិតផល ហើយ​សេចក្តី​ត្រូវ​ការ​វេច​ខ្ចប់​នៅ​ក្នុង​ប្រទេស​គឺ​មាន​កម្រិត»។

លិខិត​នោះ​បាន​ស្នើ​ឲ្យ​អ្នក​វេច​ខ្ចប់​បញ្ចប់​ការ​តវ៉ា​របស់​ខ្លួន ដែល​បាន​បន្ត​ពេញ​មួយ​សប្តាហ៍​មុន បាន​ឲ្យ​ដឹង​ថា​៖«យើង​បាន​ធានា​ថា យើង​បាន​ផ្តល់​ប្រាក់​សម្រាប់​ការ​បញ្ចប់​កិច្ច​សន្យា អនុលោម​តាម​ច្បាប់​ការងារ»។

លិខិត​នោះ​បន្ត​ឲ្យ​ដឹង​ទៀត​ថា៖ «យើង​មាន​ឯកសារ​ជា​ភ័ស្តុតាង​នៃ​ការ​ផ្ទេរ​តាម​ធនាគារ​ដែល​បាន​ទទួល​យក​ដោយ​កម្មករ​តវ៉ា»។

លោក​ស្រី សូ នីតា អតីត​អ្នក​វេច​ខ្ចប់​ម្នាក់ បាន​អះអាង​កាល​ពី​ម្សិលមិញ​ថា អង្គការ​ PSI ពុំ​បាន​ផ្តល់​អត្ថ​ប្រយោជន៍​ដល់​ពួក​គេ​ទេ ហើយ​បាន​បន្ថែម​ថា ពួកគេ​នឹង​ជួប​អង្គការ​នេះ នៅ​ក្រសួង​ការងារ​នៅ​ថ្ងៃ​ចន្ទ​នេះ៕ TK

អត្ថបទគួរចាប់អារម្មណ៍