កំពង់ចាមៈ មេដឹកនាំ​គណបក្ស​សង្គ្រោះ​ជាតិ នៅ​ព្រឹក​ថ្ងៃ​ពុធ​នេះ បាន​ចុះ​ជួប​សំណេះ​សំណាល​ជាមួយ នឹង​ប្រជាពលរដ្ឋ និង​សកម្មជន​គណបក្ស​ខ្លួន ខណៈ​កង​កម្លាំង​សមត្ថកិច្ច​ជាច្រើន​នាក់​ត្រូវ​បាន​ដាក់​ពង្រាយ នៅ​កន្លែង​ជួប​ជុំ​គ្នា នៅ​ក្នុង​ស្រុក​អូរាំងឪ ខេត្ត​កំពង់​ចាម។ ការ​ដាក់​ពង្រាយ​កង​កម្លាំង​សមត្ថកិច្ច​នេះ គឺ​ដើម្បី​ការពារ​សុវត្ថិភាព និង​ចៀស​វាង​ការ​ប៉ះ​ទង្គិច​គ្នា ប្រសិន​បើ អ្នក​គាំទ្រ​គណបក្ស​ប្រជាជន​កម្ពុជា ធ្វើ​ការ​ជួប​ជុំ​គ្នា​ដែរ។