The Phnom Penh Post Search

Search form




Logo of Phnom Penh Post newspaper Phnom Penh Post - កម្ពុជា​មិន​បារម្ភ​ពី​ការ​ដាក់​សម្ពាធ​ពី​សហរដ្ឋ​អាមេរិក

កម្ពុជា​មិន​បារម្ភ​ពី​ការ​ដាក់​សម្ពាធ​ពី​សហរដ្ឋ​អាមេរិក

កម្ពុជា​មិន​បារម្ភ​ពី​ការ​ដាក់​សម្ពាធ​ពី​សហរដ្ឋ​អាមេរិក

IMG_1591
លោកនាយករដ្ឋមន្ត្រី ហ៊ុន សែន និងរដ្ឋមន្ត្រីការបរទេសកម្ពុជា លោក ហោ ណាំហុង ហេង ជីវ័ន

ភ្នំពេញៈ ប្រទេស​កម្ពុជា មិន​មាន​ការ​ព្រួយ​បារម្ភ ទាក់​ទង​នឹង​ការ​ដាក់​សម្ពាធ​របស់​សហរដ្ឋ​អាមេរិក​ក្នុង​ការ​កាត់​ជំនួយ ប្រសិន​បើ​បុរស​ខ្លាំង​នៃ​រាជរដ្ឋាភិបាល​កម្ពុជា គឺ​លោក​នាយក​រដ្ឋ​មន្ត្រី ហ៊ុន សែន​ មិន​បាន​ធ្វើ​ឲ្យ​ការ​បោះ​ឆ្នោត​សេរី និង​យុត្តិធម៌​នៅ​ពេល​ខាង​មុខ​នេះ។

កាល​ពី​ថ្ងៃ​អង្គារ​ម្សិល​មិញ សភា​សហរដ្ឋ​អាមេរិក​បាន​បើក​សវនាការ​ ដែល​មិន​ធ្លាប់​ មាន​ពី​មុន​មក អំពី​ការ​បោះ​ឆ្នោត​នៅ​កម្ពុជា ហើយ​​សមាជិក​សភា​សហរដ្ឋ​អាមេរិក​មួយ​ចំនួន​បាន​អះ​អាង​ថា ដំណើរ​ការ​បោះ​ឆ្នោត​សេរី និង​យុត្តិធម៌ មិន​គ្រប់​គ្រាន់​ទេ និង​បាន​ជំរុញ​ឲ្យ​រដ្ឋាភិបាល​អាមេរិក ចាត់​វិធាន​ការ​ឲ្យ​បាន​កាន់​តែ​ខ្លាំង បន្ថែម​ទៀត ទៅ​លើ​រាជ​រដ្ឋាភិបាល​របស់​លោក​នាយក​រដ្ឋ​មន្ត្រី ហ៊ុន សែន ដែល​ជា​មេដឹកនាំ​កាន់​អំណាច​យូរ​ជាង​គេ​នៅ​ក្នុង​តំបន់​អាស៊ី​អាគ្នេយ៍។

ឆ្លើយ​ប្រាប់​អ្នក​សារព័ត៌មាន ក្រោយ​ពី​ការ​ចុះ​ហត្ថលេខា​លើ​កម្ចី​ឥណទាន​ពី​សាធារណៈ​រដ្ឋ​កូរ៉េ ចំនួន ២០០ លាន​ដុល្លារ​សម្រាប់​គម្រោង​ជួស​ជុល​ផ្លូវ នៅ​ព្រឹក​ថ្ងៃ​នេះ រដ្ឋ​មន្ត្រី​ការ​បរទេស​កម្ពុជា លោក​ហោ ណាំហុង បាន​និយាយ​ថា កម្ពុជា ដែល​ជា​ប្រទេស​មាន​អធិបតេយ្យ​ភាព មិន​មាន​ក្តី​បារម្ភ​ឡើយ ហើយ​ថា​ជោគ​វាសនា​របស់​ប្រទេស​កម្ពុជា គឺ​ត្រូវ​សម្រេច​ដោយ​ប្រជាពលរដ្ឋ​កម្ពុជា​ផ្ទាល់ មិន​មែន​ប្រទេស​ដទៃ​ទេ។

លោក​បាន​បញ្ជាក់​ថា «អាមេរិក​ជួយ​កម្ពុជា ឬ​អត់​គឺ​អាស្រ័យ​លើ​អាមេរិក។ ពួកគេ​ចង់​បាន​យ៉ាង​ម៉េច ប្រើ​ល្បិច​យ៉ាង​ម៉េច ឬ​ក៏​មាន​ហេតុ​ផល​ផ្សេង គឺ​អាមេរិក​ខ្លួន​ឯង​ទេ ជា​អ្នក​ធ្វើ​ការ​សម្រេច​ចិត្ត។ អាមេរិក​ជឿឬ មិន​ជឿ ប៉ុន្តែ​កម្ពុជា​គឺជា​រដ្ឋ​អធិបតេយ្យ​ភាព»។

លោក​បន្ត​ថា «ចំពោះ​ការ​បោះ​ឆ្នោត​សេរីនិង​យុត្តិធម៌នៅ​កម្ពុជា អាមេរិក​ជឿ ឬ​មិន​ជឿ ក៏ជា​រឿង​របស់​អាមេរិក ដែល​ចង់​និយាយ​ថា​ម៉េច​គឺជា​រឿង​របស់​ពួកគេ ប៉ុន្តែ​ការ​សម្រេច​ក្នុង​ការ​កំណត់​អនាគត​របស់​កម្ពុជា គឺ​ស្ថិត​ក្នុង​ដៃ​របស់​ប្រជាពលរដ្ឋ​កម្ពុជា»។

សូមរង់ចាំអានព័ត៌មានពិស្តារក្នុងកាសែតភ្នំពេញប៉ុស្តិ៍

អត្ថបទគួរចាប់អារម្មណ៍