The Phnom Penh Post Search

Search form




Logo of Phnom Penh Post newspaper Phnom Penh Post - កម្ពុជា​, USAID នឹង​ចំណាយ​១៦​លាន​ដុល្លារ​លើក​កម្ពស់​អាហា​រូបត្ថម្ភ និង​អនាម័យ

កម្ពុជា​, USAID នឹង​ចំណាយ​១៦​លាន​ដុល្លារ​លើក​កម្ពស់​អាហា​រូបត្ថម្ភ និង​អនាម័យ

ពិធី​សម្ពោធដាក់ឲ្យអនុវត្តនូវកម្មវិធីចម្រុះអាហារូបត្ថម្ភ និងអនាម័យ (NOURISH) រយៈពេល៥ឆ្នាំ នៅ​ថ្ងៃ​ចន្ទ​នេះ។
ពិធី​សម្ពោធដាក់ឲ្យអនុវត្តនូវកម្មវិធីចម្រុះអាហារូបត្ថម្ភ និងអនាម័យ (NOURISH) រយៈពេល៥ឆ្នាំ នៅ​ថ្ងៃ​ចន្ទ​នេះ។ ផា លីណា

កម្ពុជា​, USAID នឹង​ចំណាយ​១៦​លាន​ដុល្លារ​លើក​កម្ពស់​អាហា​រូបត្ថម្ភ និង​អនាម័យ

ភ្នំពេញៈ ក្រុម​ប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ និង​ទីភ្នាក់ងារ​សហរដ្ឋ​អាមេរិក ដើម្បី​ការ​អភិវឌ្ឍន៍​អន្តរជាតិ (USAID) នៅ​ថ្ងៃ​ចន្ទ​នេះ បាន​សម្ពោធ​ដាក់​ឲ្យ​អនុវត្ត​នូវ​កម្មវិធី​ចម្រុះ​អាហា​រូបត្ថម្ភ និង​អនាម័យ (NOURISH) រយៈពេល​៥​ឆ្នាំ ក្នុង​ខេត្ត​ចំនួន​៣ ក្រោម​គម្រោង​ទឹក​ប្រាក់​ជាង ១៦​លាន​ដុល្លារ​អាមេរិក។

កម្មវិធី​ចម្រុះ​អាហារ​រូបត្ថម្ភ និង​អនាម័យ NOURISH គឺ​ជា​ផ្នែក​មួយ​នៃ​កិច្ច​ប្រឹង​ប្រែង​ដ៏​សំខាន់ របស់​រដ្ឋាភិបាល​សហរដ្ឋ​អាមេរិក ក្នុង​ការ​កែលំអ អាហារូបត្ថម្ភ តាម​រយៈ​គម្រោង​គំនិត​ផ្តួច​ផ្តើម ផ្តល់​អាហារ​សម្រាប់​អនាគត (Feed the Future Initiative) ដែល​ក្នុ្ងង​នោះ រួម​មាន​កំណើន​នៃ​មុខ​ដំណាំ និង​ផលិត​ភាព​កសិកម្ម ការ​ផ្តល់​អា​ហារ ដូចជា នៅ​តាម​សាលា​រៀន ការ​អប់រំ​ស្តីពី​អនាម័យ និង​ភាព​ស្អាត និង​កំណែ​លំអ​លើ​ប្រព័ន្ធ​សុខាភិបាល ដែល យក​ចិត្ត​ទុក​ដាក់ ចំពោះ​កុមារ និង​ម្តាយ​ដោយ​រួម​មាន​ការ កសាង​មណ្ឌល​សុខ​ភាព​ថ្មីៗ​និង​មន្ទីរ​ពិសោធន៍ ផ្នែក​ពេទ្យ និង​ការ​បណ្តុះប​ណ្តាល​បុគ្គលិក​ជំនាញ​ពេទ្យ​ជា​ដើម។

គម្រោង NOURISH មាន​ការ​យក​ចិត្ត​ទុក​ដាក់ ជា​ពិសេស​លើ​ស្រ្តី​មាន​ផ្ទៃ​ពោះ និង​កុមារ​ក្រោម​អាយុ ២ ឆ្នាំ ហើយ​បង្កើន​មុខ​អាហារ និង​គុណភាព​អាហារ ព្រម​ទាំង​កែ​លំអ​លទ្ធភាព​ប្រើ​ប្រាស់​កន្លែង​អនាម័យ កន្លែង​លាង​ដៃ និង​ចម្រោះ​ទឹក នៅ​ក្នុង​មូល​ដ្ឋាន។ គម្រោង NOURISH ថែម​ទាំង​ផ្តល់​សេវា​សម្រាប់​ពេល​ មុន និង​ក្រោយ​ការ​ឆ្លង​ទន្លេ នៅ​មណ្ឌល​សុខភាព និង​កម្មវិធី​ជំរុញ​ការ​ធំធាត់​នៅ​តាម​មណ្ឌល​សុខភាព និង​សហគមន៍។

អត្ថបទគួរចាប់អារម្មណ៍