The Phnom Penh Post Search

Search form




Logo of Phnom Penh Post newspaper Phnom Penh Post - កម្មករ​ជាង​៤០០​នាក់ តវ៉ា​មុខ​ក្រសួង​ក្រោយ​ថៅកែ​រត់​ចោល

កម្មករ​ជាង​៤០០​នាក់ តវ៉ា​មុខ​ក្រសួង​ក្រោយ​ថៅកែ​រត់​ចោល

កម្មករ​ជាង​៤០០​នាក់ តវ៉ា​មុខ​ក្រសួង​ក្រោយ​ថៅកែ​រត់​ចោល

IMG_9996
កម្មករតវ៉ា ហែរក្បួនមកក្រសួងសង្គមកិច្ចសុំអន្តរាគមន៍ពេលកន្លងមក ផា លីណា

ភ្នំពេញៈ កម្មករ​មកពី​រោងចក្រ ​ផាញហ្រ្គេត ​ក្នុង​ខណ្ឌ​មានជ័យ​ប្រមាណ​ជា​ង ៤០០ នាក់​​បាន​មក​ប្រមូល​​ផ្តុំគ្នា​ នៅមុខ​ក្រសួង​សង្គម​កិច្ច​ កាលពី​ព្រឹកថ្ងៃ​ច័ន្ទ ទី១​ ខែកក្កដា​​នេះ ដើម្បី​សុំ​អន្តរា​គមន៌​ពី​មន្ត្រី​ក្រសួង​ឲ្យ​ជួយដោះ​ស្រាយជូន​ពួកគាត់ ​បន្ទាប់​ពីថៅកែ​ពួកគេ​បាន​រត់ចោល​អស់​រយៈពេល​ប្រមាណ​ជា ៣​ ខែមក​ហើយ​។

លោក ខឹម​ ចំណាន​ មន្រ្តី​សហជីព​សេរីកម្មករ​ បាន​និយាយ ​កាលពីព្រឹក​នេះ​ថា​ ៣​ខែ​មក ហើយ​ដែលកម្មករ​មិន​បាន​ទទួល​ប្រាក់ខែ​ និង​ប្រាក់​អត្ថប្រយោជន៌​របស់​ពួកគេ​បន្ទាប់​ពីថៅ​កែបាន​រត់​ចោល​ដោយ​មិន​មាន​ទំនួល​ខុស​ត្រូវ​។

លោកបាន​ថ្លែងថា​៖ «ថៅកែ​ពួកគេ​បានរត់​គេចខ្លួន​បាត់នៅ​ដើម​ខែ​ឧសភា​ ដោយ​មិនបាន​បើក​ប្រាក់​ខែ​ឲ្យ​កម្មករ​ក្នុង​ខែ​មេសា​នៅ​ឡើយ។ កម្មករ​បាន​ធ្វើ​ការ​ទាម​ទារ​ជា​ច្រើន​ខែ​មក​ហើយ​ តែ​មិន​មាន​លទ្ធផល​អី​បន្តិច​សោះ»។

លោកខឹម​ ចំណាន​បាន​បន្ត​ថា​ ក្រសួង​ត្រូវ​តែ​ដោះស្រាយ​បញ្ហា​នេះ​ជួនកម្មករ​ ព្រោះ​ពួកគេ​មិន​មាន​លុយ​សំរាប់​ចំណាយ​ក្នុង​ជីវភាព​របស់​ពួកគេ​ទេ​។

លោកបាន​និយាយ​ថា​៖​ «ខ្ញុំគិត​ថា ក្រសួង​មាន​វិធាន​ការ​យឺត​យ៉ាវ​នៅ​ក្នុង​ការ​ដោះ​ស្រាយ​លើ​រឿង​នេះ​ ព្រោះវា​មិន​មែន​ទើប​តែ​កើត​ឡើង​ថ្មីៗ​នេះ​ទេ​ ប៉ុន្តែ​វាបាន​កើតឡើង​ច្រើន​ខែ​មក​ហើយ»។

មន្រ្តី​ក្រសួង​​បានសុំឲ្យ​កម្មករ​គិតគូរ​ប្រាក់​ឈ្នួលរបស់​ពួកគេថា​តើពួក​គេត្រូវ​ទទួល​បាន​ប៉ុន្មាន​ រួចយក​ឯសារ​ទាំងនោះ​មក​ជូន​ក្រសួង​ដើម្បី​ដោះស្រា​យជូន​។

កម្មករ​នៅតែ​បន្តឈរ​នៅខាង​មុខ​ក្រសួង​ដដែល​រហូត​ទាល់តែ​ក្រសួង​ផ្តល់​ចម្លើយ​ពី កាល​បរិច្ឆេទ​ក្នុងការ​ដោះ​ស្រាយ​​​រឿងនេះ​ជួនពួកគាត់​ទើប​ពួក​គេ​រំសាយ​។

អត្ថបទគួរចាប់អារម្មណ៍