The Phnom Penh Post Search

Search form

Logo of Phnom Penh Post newspaper Phnom Penh Post - កម្មករ​រោងចក្រ SL​តវ៉ា​រឿង​លក្ខខណ្ឌ​ការ​ងារ​​និង​សុំ​​ដក​​កង​​សមត្ថកិច្ច​​ពី​រោង​ចក្រ




កម្មករ​រោងចក្រ SL​តវ៉ា​រឿង​លក្ខខណ្ឌ​ការ​ងារ​​និង​សុំ​​ដក​​កង​​សមត្ថកិច្ច​​ពី​រោង​ចក្រ

កម្មករ​រោងចក្រ SL​តវ៉ា​រឿង​លក្ខខណ្ឌ​ការ​ងារ​​និង​សុំ​​ដក​​កង​​សមត្ថកិច្ច​​ពី​រោង​ចក្រ

IMG_9941
IMG_9941

ភ្នំពេញៈ កម្មករ​ប្រមាណ​ជា​ ៤០០០ នាក់​នៅ​រោងចក្រ SL ក្នុង​ខ័ណ្ឌ​មាន​ជ័យ រាជធានី​ភ្នំពេញ​ នៅ​តែ​បន្ត​ការ​តវ៉ា​របស់​ពួកគេ​ បន្ទាប់​ពី​ការ​ចរចារ​រយៈពេល​ប្រហែល​ជា​ ៤ ម៉ោង មិន​បាន​ទទួល​ជោគ​ជ័យ​ណា​មួយ​ កាល​ពី​ថ្ងៃ​អង្គារ​ទី ១៣ ខែ​សីហា​មក​នេះ។

លោក ស៊ុត សៀម មន្ត្រី​នៃ​សម្ព័ន្ធ​សហជីព​ស៊ីខៅឌូ​ដែល​បាន​ចុះ​ទៅ​ធ្វើ​ការ​សំរប​សំរួល​នៅ​រោងចក្រ​នោះ បាន​និយាយ​ ​នៅ​ថ្ងៃ​ពុធ​នេះ​ថា កម្មករ​បាន​នាំគ្នា​ដើរ​ចេញ​ពី​កន្លែង​ការងារ​ដោយ​ស្ម័គ្រ​ធ្វើ​ការ​តវ៉ា បន្ទាប់​ពី​ក្រុមហ៊ុន​បាន​ធ្វើ​ការ​កែប្រែ​នូវ​លក្ខ​ខ័ណ្ឌ​ការងារ​មួយ​ចំនួន។

លោក​បាន​ថ្លែង​ថា៖ «កម្មករ​តវ៉ា​ទាមទារ​លក្ខខ័ណ្ឌ​ការងារ​ពី​ក្រុមហ៊ុន​ចំនួន ៩ ចំនុច​ បន្ទាប់​ពី​ក្រុមហ៊ុន​បាន​ធ្វើ​ការ​ប្តូរវេន​ពី​ ៣ វេន មក​ជា ២ វេន​វិញ។ កម្មករ​មិន​សុខ​ចិត្ត​នឹង​ការ​ផ្លាស់​ប្តូរ​បែប​នេះ​ដោយ​សារ​តែ​វា​ធ្វើ​ឲ្យ​ពួកគេ​បាត់​បង់​ប្រយោជន៌​មួយ​ចំនួន»។

លោក ស៊ុត សៀម បាន​បន្ត​ថា ចំនុច​សំខាន់ៗ​ដែល​កម្មករ​ចង់​ឲ្យ​ក្រុមហ៊ុន​បំពេញ​តាម​ការ​ទាមទារ​របស់​ពួកគេ​មាន ដូចជា ក្រុមហ៊ុន​ត្រូវ​ដក​លោក​ឧញ្ញ៉ា មាស សុត្ថា ដែល​ជា​អ្នក​មើល​ការ​ខុស​ត្រូវ​នៅ​ក្នុង​ក្រុម​ហ៊ុន និង​ជា​ម្ចាស់​ភាគ​ហ៊ុន​មួយ​ផង​ដែរ​ក្នុង​រោងចក្រ។ សុំ​ដូរ​បាយ​បី​ពេល​មក​ផ្តល់​ជា​លុយ​វិញ​ដែល​មាន​ចំនួន ៣ ដុល្លារ​ក្នុង​មួយ​ថ្ងៃ។ ធ្វើ​ការ​ប្តូរ​វេន​កម្មករ​ជា​ធម្មតា​វិញ និង​ស្នើ​សុំ​ប្រាក់​ឈ្នួល​អប្បរមា​ចំនួន ១៥០ ដុល្លារ​ក្នុង​មួយ​ខែ។

លោក​បាន​ថ្លែង​ថា៖ «កម្មករ​ក៏​ស្នើ​សុំ​ឲ្យ​មាន​ការ​ដក​កំលាំង​សមត្ថកិច្ច​ចេញ​ពី​រោងចក្រ ដោយសារ​ពួកគេ​កាន់​តែ​មាន​ភាព​ភ័យ​ខ្លាច​គួបផ្សំ​នឹង​លឺ​មាន​ភាព​មិន​ប្រក្រតី​ក្នុង​ក្រុង​ភ្នំពេញ ក្រោយ​ការ​បោះ​ឆ្នោត»។

លោកឧញ្ញ៉ា មាស សុត្ថា បាន​មាន​ប្រសាសន៌​ឆ្លើយ​តប​ទៅ​នឹង​ការ​ស្នើ​សុំ​ឲ្យ​លោក​ចេញ​ពី​ក្រុមហ៊ុន​ថា អ្វីក៏​ដោយ​គឺ​ត្រូវ​ធ្វើ​ទៅ​តាម​ច្បាប់។

លោក​បាន​ថ្លែង​ថា៖ «អ្វី​ដែល​សហជីព​បាន និង​កំពុង​តែ​ធ្វើ​គឺជា​ការ​ខុស​នឹង​ច្បាប់។ ពួកគេ​បាន​ញុះ​ញង់​កម្មករ​ឲ្យ​ធ្វើ​ការ​តវ៉ា ហើយ​សហីព​ស៊ីខៅឌូ​ក៏​បាន​ធ្វើ​ការ​គំរាម​កំហែង​កម្មករ​ផង​ដែរ ដោយ​យក​បំពង់​ផ្សែង​ដេញ​បាញ់​កម្មករ​ផង​ដែរ»។

លោក​បាន​ឲ្យ​ដឹង​ទៀត​ថា សមត្ថកិច្ច​មក​ការពារ​សន្តិសុខ​ជូន​កម្មករ​ បន្ទាប់​ពី​កម្មករ​បាន​វាយ​ទៅ​លើ​សន្តិសុខ។

លោក​ឧញ្ញ៉ា មាស សុត្ថា​បាន​និយាយ​ថា៖ «មួយ​ថ្ងៃ​រោងចក្រ​បាន​ខាត​បង់​ប្រមាណ​ជាង ៣៧ ម៉ឺន​ដុល្លារ​អាមេរិក។ ខ្ញុំ​សួរ​ថា តើ​អ្នក​ណា​ជា​អ្នក​ទទួល​ខុស​ត្រូវ​ចំពោះ​បញ្ហា​នេះ ហើយ​អ្នក​ដែល​ខាត​បង់​ប្រយោជន៌​គឺ កម្មករ អ្នក​វិនិយោគ​ទុន និង​រាជ​រដ្ឋាភិបាល»។

អត្ថបទគួរចាប់អារម្មណ៍