The Phnom Penh Post Search

Search form

Logo of Phnom Penh Post newspaper Phnom Penh Post - កម្មករ​សហជីព​សាប្រ៊ីណា​៨​នាក់​ត្រូវ​បាន​ដោះ​លែង​ឲ្យ​នៅ​ក្រៅ​ឃុំ

កម្មករ​សហជីព​សាប្រ៊ីណា​៨​នាក់​ត្រូវ​បាន​ដោះ​លែង​ឲ្យ​នៅ​ក្រៅ​ឃុំ

កម្មករ​សហជីព​សាប្រ៊ីណា​៨​នាក់​ត្រូវ​បាន​ដោះ​លែង​ឲ្យ​នៅ​ក្រៅ​ឃុំ

2_Sabrina_garment_factory.jpg
2_Sabrina_garment_factory.jpg

កំពង់ស្ពឺៈ កម្មករ​ និង​សកម្មជន​សហជីព​សេរី​កម្មករ​នៅ​រោង​ចក្រ​សាប្រ៊ីណា ដែល​ត្រូវ​បាន​ចាប់ និង​ឃុំ​ខ្លួន​នៅ​ពន្ធនាគារ​ខេត្ត​កំពង់​ស្ពឺ​ជាង​ ៤ ខែ​ត្រូវ​បាន​ធ្វើ​ការ​ដោះ​លែង​ឲ្យ​នៅ​ក្រៅ​ឃុំ​ កាល​ពី​រសៀល​ថ្ងៃ​ច័ន្ទ​ទី​២១ ខែ​តុលា​នេះ។

លោក ឆឹម ឬទ្ធី ចៅក្រម​ស៊ើប​សួរ​នៃ​សាលា​ដំបូង​ខេត្ត​កំពង់ស្ពឺ បាន​មាន​ប្រសាសន៌​កាល​ពី​ល្ងាច​នេះ​ថា លោក​សម្រេច​ចិត្ត​ធ្វើ​ការ​ដោះ​លែង​អ្នក​ទាំង ៨​នាក់​នោះ​ដោយ​សារ​ពួក​គេ​ត្រូវ​បាន​ឃុំ​យូរ​ណាស់​ហើយ ហើយ​ខាង​ដើម​បណ្តឹង​ក៏​មិន​បាន​ទាមទារ​សំណង​ពី​ការ​ខូច​ខាត​ផង​ដែរ។

លោក ឆឹម ឬទ្ធី បាន​ថ្លែង​ថា៖ «ខ្ញុំ​សម្រេច​ចិត្ត​ដោះ​លែង​ពួកគេ​ឲ្យ​នៅ​ក្រៅ​ឃុំ ដោយ​សារ​ពួកគេ​ជាប់​ឃុំ​ជាង ៤ ខែ​មក​ហើយ ដែល​ជា​រយៈពេល​យូរ​ដែរ»។

លោក​បាន​និយាយ​ទៀត​ថា តុលាការ​ដាក់​ពួកគេ​នៅ​ក្រោម​ការ​តាម​ដាន​ពី​តុលា​ការ ហើយ​លោក​នឹង​កោះ​ហៅ​ពួកគេ​ម្តង​ទៀត​ប្រសិន​បើ​ពួកគេ​ធ្វើ​អ្វី​មួយ​មិន​ប្រក្រតី។

លោក ជា មុនី ប្រធាន​សហជីព​សេរី​កម្មករ បាន​ហៅ​ការ​ដោះ​លែង​សហជីព​របស់​លោក​ជា​ថ្នូរ​នឹង​ការ​មិន​ឲ្យ​លោក និង​កម្មករ​ទូ​ទាំង​ប្រទេស​ធ្វើ​ការ​ចូល​រួម​តវ៉ា​ជាមួយ​គណបក្ស​សង្រ្គោះ​ជាតិ​នៅ​ថ្ងៃ​ទី​២២ និង​២៣ ខែ​តុលា​នេះ។

លោក​ ជា មុនី បាន​និយាយ​ថា៖​«ជា​ការ​ពិត ពួកគេ​ដោះ​លែង​អ្នក​ទាំង​៨​នាក់​នោះ​ជា​ថ្នូរ​នឹង​ការ​មិន​ចូល​រួម​តវ៉ា​របស់​យើង ព្រោះ​សំណើ​ដែល​យើង​ដាក់​ទៅ​នោះ​មាន​ពីរ​ចំនុច ទី១​សុំ​ឲ្យ​តុលាការ​ដោះ​លែង​ពួកគេ និង​ទី២​សុំ​តម្លើង​ប្រាក់​ខែ​កម្មករ​រហូត​ដល់​ ៦០ ម៉ឺន​រៀល​ក្នុង​មួយ​ខែ»។

អត្ថបទគួរចាប់អារម្មណ៍