ភ្នំពេញៈ គ្រូពេទ្យ និងក្រុមមន្រ្តីកាលពីម្សិលមិញបានរាយការណ៍អំពីករណីជាសះស្បើយដំបូងពីជំងឺគ្រុនផ្តាសាយបក្សីចាប់តាំងពីខែមករា។
ក្មេងប្រុសអាយុ៥ឆ្នាំកន្លះមកពីក្រុងកំពត ដែលកាលពីថ្ងៃព្រហស្បតិ៍សប្តាហ៍មុនស្ថិតនៅស្ថានភាពធ្ងន់ធ្ងរនៅមន្ទីរពេទ្យគន្ធបុប្ផា ក្នុងរាជធានីភ្នំពេញ ត្រូវបានជួយសង្គ្រោះរួចផុតពីការបាត់បង់ជីវិត។ នេះបើយោងតាមគ្រូពេទ្យនៅមន្ទីរពេទ្យដែលបានថ្លែង។
លោកវេជ្ជបណ្ឌិត Dr Beat Richner បានថ្លែងនៅក្នុងការសរសេរដាក់ក្នុងហ្វេសប៊ុករបស់លោកកាលពីម្សិលមិញថា៖ កាលពេលទទួលចូលមន្ទីរពេទ្យកាលពីដំបូង«ក្មេងនេះស្ថិតនៅក្នុងស្ថានភាពមិនដឹងខ្លួន ហើយទទួលរងគ្រោះស្ថានភាពផ្លូវដង្ហើមធ្ងន់ធ្ងរ»។ លោកបន្តថា៖ «ឥឡូវនេះ ក្មេងនេះមិនត្រូវការដាក់អ៊ុកស៊ីសែនទៀតទេ ហើយអាចចាប់ផ្តើមញ៉ាំអាហារបន្តិចម្តងៗ»។
«ក្មេងប្រុសនេះកាលពីដំបូងកើតគ្រុនក្តៅ ហើយបន្ទាប់មកពិបាកដកដង្ហើមកាលពីថ្ងៃទី២៧ ខែមីនា ហើយត្រូវបានផ្ទេរពីមន្ទីរពេទ្យខេត្តកំពតមកមន្ទីរពេទ្យគន្ធបុប្ផាបួនថ្ងៃបន្ទាប់ពីស្ថានភាពរបស់ក្មេងនេះកាន់តែអាក្រក់ទៅៗ។
លោក នាគ សុវណ្ណារី (Neak Sovannary) អភិបាលក្រុងកំពត បានថ្លែងថា គ្រូពេទ្យនៅមន្ទីរពេទ្យគន្ធបុប្ផានឹងបន្តតាមដានសុខភាពរបស់ក្មេងប្រុសនេះ។
ក្មេងប្រុសអាយុជាងប្រាំឆ្នាំនេះគឺជាកុមារទី៨ និងជាមនុស្សទី១០ដែលត្រូវបានអះអាងថាមានជំងឺគ្រុនផ្តាសាយបក្សីក្នុងឆ្នាំនេះ។ ក្នុងចំណោមអ្នកឆ្លងទាំងនោះ ទារកអាយុ៨ខែម្នាក់គឺជាអ្នកឆ្លងជំងឺនេះមុនគេក្នុងខែមករា ហើយបានស្លាប់។ PS
