The Phnom Penh Post Search

Search form

Logo of Phnom Penh Post newspaper Phnom Penh Post - កំពូល​បដិសេធ​សុំ​នៅ​ក្រៅ​ឃុំ កម្មករ​សហជីព​សាប្រ៊ីណា​៨​នាក់

កំពូល​បដិសេធ​សុំ​នៅ​ក្រៅ​ឃុំ កម្មករ​សហជីព​សាប្រ៊ីណា​៨​នាក់

កំពូល​បដិសេធ​សុំ​នៅ​ក្រៅ​ឃុំ កម្មករ​សហជីព​សាប្រ៊ីណា​៨​នាក់

sabrina
កម្មកររោងចក្រ សាប្រ៊ីណា ឈរតវ៉ាមុខតុលាការខេត្តកំពង់ស្ពឺ ជាមួយនឹងកងកម្លាំងសមត្ថកិច្ចឈាមកាម ខណៈពេលបើក សវនាការបុគ្គលិក មេដឹកនាំ និងកម្មកររបស់សហជីពសេរីកម្មករ ៨ នាក់ដែលត្រូវបានចាប់ខ្លួន ហេង ជីវ័ន

ភ្នំពេញៈ បុគ្គលិក មេដឹកនាំ​ និងកម្មករ​របស់​​សហជីព​សេរីកម្មករ ៨ នាក់​ដែល​ត្រូវ​បាន​ចាប់​ខ្លួន​ក្នុង​ការ​តវ៉ា​នៅ​រោង​ចក្រ​ សាប្រ៊ីណា​ កាលពី​ដើម​ខែ​មិថុនា​ និង​កំពុង​ធ្វើ​ការ​ឃុំ​ខ្លួននៅ​ក្នុង​ពន្ធ​នាគារ​ខេត្ត ​កំពង់​ស្ពឺ ​ត្រូវ​បាន​តុលា​ការ​កំពូល​ប្រកាស​សាល​ក្រមកាលពី​ព្រឹក​ ថ្ងៃពុធ​នេះ ​ដោយ​​បដិសេធ​ឲ្យ​នៅ​ក្រៅ​ឃុំ​។

លោក ​កៅ​ ទី​ មេធាវី​សហជីព​សេរី​កម្មករ​ និងមេ​ធាវីការពារជន​ត្រូវ​ចោទ​ទាំង​ ៨ នាក់​នោះ​ បាន​មាន​ប្រសាសន៌​កាលពី​ព្រឹក​មិញ​​នេះ​ថា តុលាការ​កំពូល​បាន​ធ្វើ​ការ​បដិសេធ​ការ​ស្នើ​សុំ​នៅ​ក្រៅ​ឃុំ​របស់​សហជីព​នេះ​ ដោយ​បង្វែរ​ទៅ​កាន់​សាលា​ឧទ្ទរណ៌​ដើម្បី​ធ្វើ​ការ​ស្រាវជ្រាវ​ឡើង​វិញ។

លោក​បានថ្លែង​ថា៖ «​តុលាការ​កំពូល​បាន​បដិសេធ ព្រោះ​គេ​ចាត់​ទុក​ថា​វាជា​រឿង​ធំដុំ​ និងខ្លាចអ្នក​ទាំង​ ៨ នាក់​នោះ​បង្ក​រឿង​នៅ​ពេល​ដែល​ពួកគេចេញ​មក​ក្រៅ​វិញ​»។

លោក​បន្ត​ថា ការ​សម្រេច​​នេះ​ធ្វើ​ឲ្យ​សហជីព​ ក៏ដូច​ជា ក្រុម​គ្រួសារ​ជន​ទាំង ​៨ នាក់​នោះ​មាន​ការ​ខកចិត្ត​ និង​អយុត្តិ​ធម៌​​សម្រាប់​​ពួកគេ។

លោក​បាន​ឲ្យ​ដឹង​ថា៖​«យើង​នឹង​ធ្វើ​ការ​ជំ​រុញ​ទៅ​តុលាការ​ខេត្ត​កំពង់​ស្ពឺ​ឲ្យ​ធ្វើ​ការ​ពន្លឿន​ការ​បើក​សវនាការ​ជំនុំ​ជម្រះ​លើ​ករណី​នេះ​ឲ្យកាន់​តែ​ឆាប់​ដើម្បី​រក​យុត្តិ​ធម៌​ជូន​ពួក​គេ»។​

លោក ​កៅ​ ទី ​បានបន្ថែម​ថា ​តុលាការ​គួរតែ​គិត​ពី​បញ្ហា​ជីវភាព និងក្រុម​គ្រួសារ​របស់​អ្នក​ជាប់​ឃុំ ​៨ នាក់​នោះ​ផងថា​ ក្រុម​គ្រួសារ​របស់ពួក​គេ​នឹងមាន​ការ​លំបាក​កាន់​តែ​ខ្លាំង​ដោយសារ​សមាជិក​គ្រួសារ​របស់ពួកគេ​ត្រូវបាន​ជាប់​ឃុំ ដោយមិនមាន​អ្នកណា​ធ្វើ​ការ​ផ្គត់​ផ្គង់​ជីវភាព។​

គួរ​បញ្ជាក់ថា​ បុគ្គលិក មេដឹក​នាំ និង​កម្មករ​ទាំង​ ៨ នាក់​ដែល​កំពុង​ជាប់​ឃុំ​នៅ​តុលាការ​ខេត្ត​កំពង់​ស្ពឺត្រូវ​បាន​ថៅកែ​រោង​ចក្រ​សាប្រ៊ី​ណា​ប្តឹងពីបទ​បង្ក​ហឹង្សា ​និងបំផ្លិច​បំផ្លាញ​ទ្រព្យ​សម្បត្តិ​របស់​រោង​ចក្រកក្នុង​ការ​តវ៉ា​ទាម​ទារ​លក្ខខណ្ឌ​មួយចំនួន​កាលពី​ចុង​ខែឧសភា និង​ដើម​ខែ​មិថុនា​។ ជន​ត្រូវចោទ​ទាំង ​៨ នាក់នោះ​ត្រូវ​បាន​ឃុំ​ខ្លួន​រហូតមកដល់​ពេល​គឺ​មានរយៈពេល ​៤ ខែហើយ​។​

អត្ថបទគួរចាប់អារម្មណ៍