The Phnom Penh Post Search

Search form




Logo of Phnom Penh Post newspaper Phnom Penh Post - ក្រសួងត្រៀម​រថយន្ត​សង្គ្រោះ​បន្ទាន់​ក្នុង​​ពិធី​ដង្ហែ​ព្រះ​បរមសព

ក្រសួងត្រៀម​រថយន្ត​សង្គ្រោះ​បន្ទាន់​ក្នុង​​ពិធី​ដង្ហែ​ព្រះ​បរមសព

ក្រសួងត្រៀម​រថយន្ត​សង្គ្រោះ​បន្ទាន់​ក្នុង​​ពិធី​ដង្ហែ​ព្រះ​បរមសព

_MG_9176
_MG_9176

ភ្នំពេញៈ ក្រសួង​សុខាភិបាលនិង​ មន្ទីរ​សុខាភិបាល​រាជធានី​ភ្នំពេញ នឹង​​ដាក់​ពង្រាយ​រថយន្ត​សង្គ្រោះ​បន្ទាន់ ​ ​និង​គ្រូពេទ្យ​ ​ដើម្បី​ជួយ​សង្គ្រោះ​ដល់​បងប្អូន​ប្រជាពលរដ្ឋ​​ដែល​មក​ចូលរួម​​នៅក្នុង​​​ព្រះ​រាជពិធី​ដង្ហែ​ព្រះ​បរមសព ព្រះ​បរម​រតន​កោដ្ឋនៅ​ថ្ងៃទី​១​ ខែ​កុម្ភៈ ​និង​ថ្វាយ​ព្រះ​ភ្លើង​ថ្ងៃទី​៤​ខែកុម្ភៈ​ខាងមុខ។

យោងតាម លោក​វេជ្ជបណ្ឌិត​សុខ​សុគន្ធ​ប្រធាន​មន្ទីរ​សុខាភិបាល​រាជធានី​ភ្នំពេញ​បាន​ មានប្រសាសន៍​ឲ្យ​ដឹង​ថា រថយន្ត​សង្គ្រោះ​ចំនួន​២៥​គ្រឿង​ ​ ក្នុងនោះ​មាន​រថយន្ត​មន្ទីរ​សុខាភិបាល​រាជធានី​ភ្នំពេញ​ចំនួន​៩​គ្រឿង​និង​ ក្រសួងសុខាភិបាល​១៦​គ្រឿង និងគ្រូពេទ្យប្រមាណ ៣៥០នាក់ ត្រៀមជួយ​សង្គ្រោះ​ដល់​បងប្អូន​ប្រជាពលរដ្ឋ​​ដែល​មក​ចូលរួម​​នៅក្នុង​ពិធី​​ព្រះ​រាជពិធី​ដង្ហែ​ព្រះ​បរមសព ព្រះ​បរម​រតន​កោដ្ឋ ក្នុងករណី​មាន​ការ​ដួល​សន្លប់ និង​បញ្ហា​ផ្សេងៗ។

លោកបានឲ្យដឹងទៀតថា ក្រសួង​បាន​ត្រៀម​មន្ទីរពេទ្យ​ចំនួន​៧​សម្រាប់​​ទទួល​ព្យាបាល​ និង​សង្គ្រោះ​បន្ទាន់​នៅពេល​គ្រូពេទ្យ​នៅ​គោលដៅ​នីមួយៗ​បញ្ជូ​ន​ទៅ​ដែល​ មន្ទីរពេទ្យ​ទាំងនោះ​រួមមាន​មន្ទីរ​ពេទ្យ​កាល់ម៉ែត​,​មិត្តភាព​ខ្មែរ​សូ​វៀត​,​ព្រះ​កេ​ត​មាលា​,​ព្រះ​អង្គឌួង​,​មជ្ឈមណ្ឌល​ជាតិ​គាំពារ​មាតា​និង​ទារក​,​មន្ទីរពេទ្យ ​បង្អែក​រាជ​ធានី​ភ្នំពេញ​និង​មន្ទីរពេទ្យ​ព្រះកុសុមៈ។

អត្ថបទគួរចាប់អារម្មណ៍