ភ្នំពេញៈ ផ្ទៃដី​សរុប ២១ ៨៣៩ ហិកតា​ស្ថិត​ក្នុង​តំបន់​ប្រើប្រាស់ ដោយ​ចីរភាព​នៃ​ដែន​ជម្រក​សត្វ​ព្រៃ បឹងពែរ ខេត្ត​កំពង់ធំ ដែល​រាជ​រដ្ឋាភិបាល​បាន​ប្រគល់​ឲ្យ​ក្រុមហ៊ុន ដី​សម្បទាន​សេដ្ឋកិច្ច​ចំនួន ៩ នោះ ត្រូវ​សម្រេច​ឲ្យ​កាត់​បន្ថយ​រយៈពេល​វិនិយោគ​មក​ត្រឹម ៥០ ឆ្នាំ​និង​ក្រោម​ការ​គ្រប់គ្រង​របស់​ក្រសួង បរិស្ថាន​វិញ។ នេះ​បើ​​យោង​​តាម​សេចក្តី​ប្រកាសព័ត៌មានរបស់ក្រសួងបរិស្ថាន ចេញ​ផ្សាយ​នៅ​ថ្ងៃ​អង្គារ​នេះ។