The Phnom Penh Post Search

Search form




Logo of Phnom Penh Post newspaper Phnom Penh Post - ក្រសួង​សម្រេច​ដំឡើង ៥​ដុល្លារ​បន្ថែម​លើ​ប្រាក់​ឈ្មួល​អប្បបរមា ១២៣​ដុល្លារ

ក្រសួង​សម្រេច​ដំឡើង ៥​ដុល្លារ​បន្ថែម​លើ​ប្រាក់​ឈ្មួល​អប្បបរមា ១២៣​ដុល្លារ

លោកអ៊ិត សំហេង រដ្ឋមន្ត្រីក្រសួងការងារ ថ្លែង​បន្ទាប់ពី​កិច្ច​ប្រជុំ​ដំឡើង​ប្រាក់​ឈ្មួល​អប្បបរមា​កម្មករ​និយោជិត​ជាមួយ​តំណាង​សហជីព និង​តំណាង​ថៅកែ​រោងចក្រ​កាលពីព្រឹកមិញ។
លោកអ៊ិត សំហេង រដ្ឋមន្ត្រីក្រសួងការងារ ថ្លែង​បន្ទាប់ពី​កិច្ច​ប្រជុំ​ដំឡើង​ប្រាក់​ឈ្មួល​អប្បបរមា​កម្មករ​និយោជិត​ជាមួយ​តំណាង​សហជីព និង​តំណាង​ថៅកែ​រោងចក្រ​កាលពីព្រឹកមិញ។ ម៉ៃ វីរៈ

ក្រសួង​សម្រេច​ដំឡើង ៥​ដុល្លារ​បន្ថែម​លើ​ប្រាក់​ឈ្មួល​អប្បបរមា ១២៣​ដុល្លារ

ភ្នំពេញៈ ក្រសួង​ការងារ​និង​បណ្តុះ​បណ្តាល​វិជ្ជា​ជីវៈ​បាន​ចេញ ប្រកាស ស្តីពី​ការ​កំណត់​ប្រាក់​ឈ្មួល​អប្បបរមា សម្រាប់​កម្មករ និយោជិត​ផ្នែក​វាយនភណ្ឌ កាត់ដេរ​និង​ផលិត​ស្បែក​ជើង​សម្រាប់​ឆ្នាំ​២០១៥ ដោយ​សម្រេច​បន្ថែម​ចំនួន ៥​ដុល្លារ​លើ​ចំនួន​នៃ​ការ​ដំឡើង​របស់​គណៈកម្មការ​ប្រឹក្សា​ការងារ ១២៣ ដុល្លារ​ក្នុង​មួយ​ខែ ដែល​ទើប​បាន​បោះ​ឆ្នោត​សម្រេច​ដោយ​ត្រី​ភាគី​ក្នុង​កិច្ច​ប្រជុំ កាល​ពី​ព្រឹក​ថ្ងៃ​ពុធ​នេះ។

កម្មករ​ និយោជិត នឹង​ទទួល​បាន​ប្រាក់​ឈ្មួល​អប្បបរមា​ដំឡើង​នេះ សរុប​ចំនួន ១២៨ ដុល្លារ​អាមេរិក ដែល​ត្រូវ​ចាប់​អនុវត្ត​ពី​ថ្ងៃ​ទី ០១ មករា​ឆ្នាំ ២០១៥​នេះ​ត​ទៅ។

ប្រកាស ដែល​មាន​៦​ប្រការ និង​ត្រូវ​បាន​ចុះ​ហត្ថលេខា​ដោយ​លោក អ៊ិត សំហេង រដ្ឋមន្ត្រីក្រសួង​និង​បណ្តុះ​បណ្តាល​វិជ្ជា​ជីវៈ​នៅ​សៀល​ថ្ងៃ​ពុធ​នេះ បាន​បញ្ជាក់​ថា កម្មករ និយោជិត​ដែល​ទើប​ចូល​ធ្វើ​ការ​ក្នុង​រយៈពេល​សាក​ល្បង បាន​ត្រឹម​១២៣​ដុល្លារ នៅ​ពេល​ដែល​ចូល​បាន​ពេញ​សិទ្ធិ​ទើប​ទទួល​បាន ១២៨ ដុល្លារ។

ក្រសួង​ក៏​បាន​បញ្ជាក់​ក្នុង ប្រកាស នោះ​ដែរ​ថា ប្រាក់​អត្ថប្រយោជន៍​ផ្សេង​ទៀត ដែល​កម្មករ និយោជិត​ធ្លាប់​ទទួល​បាន​កន្លង​មក ត្រូវ​បាន​រក្សា​ទុក​ដដែល។

សូមបញ្ជាក់ថា គណៈ​កម្មការ​ប្រឹក្សា​ការងារទើប​​បាន​សម្រេច​យក ការ​ដំឡើង​ប្រាក់​ឈ្មួល​អប្បបរមា​របស់​កម្មករ​រោង​ចក្រ​កាត់ដេរ និង​ស្បែក​ជើង​ដល់​ចំនួន ១២៣​ដុល្លារ​អាមេរិក​សម្រាប់​ឆ្នាំ ២០១៥ បន្ទាប់​ពីបោះ​ឆ្នោត​សម្រេច​ជាមួយ​នឹង​តំណាង​សហជីព និង​តំណាង​ភាគី​ថៅកែ​រោងចក្រ នៅ​ក្នុង​កិច្ច ប្រជុំ​ពិភាក្សា​ស្តីពី​​ការ​ដំឡើង​ប្រាក់​ឈ្នួល​កម្មករ​ កាលពីព្រឹក​​ថ្ងៃ​ពុធ​នេះ។

គណៈ​កម្មការ​ប្រឹក្សា ដែល​មាន​សមាជិក ១៤​រូប​ជា​ភាគី​រាជ​រដ្ឋាភិបាល ៧​រូប​ជា​តំណាង​សហជីព និង​៧​រូប​ជា​តំណាង​ថៅ​កែ​រោងចក្រ បាន​ធ្វើ​ការ​បោះ​ឆ្នោត​លើ​តួ​លេខ​ដំឡើង​ចំនួន​បី។ លទ្ធផល​សំឡេង​ឆ្នោត លើ​ប្រាក់​ឈ្នួល​អប្បបរមា​សម្រាប់​ឆ្នាំ​២០១៥ បង្ហាញ​ថា​ចំនួន ១១០ ដុល្លារ​មាន ៧, ចំនួន​១២៣​ដុល្លារ​មាន ១៦​សំឡេង​និង​ចំនួន ១៤០ ដុល្លារ​មាន​២​សំឡេង»។

សូមរង់ចាំអានព័ត៌មានពិស្តារ...

អត្ថបទគួរចាប់អារម្មណ៍