The Phnom Penh Post Search

Search form




Logo of Phnom Penh Post newspaper Phnom Penh Post - ក្រឡាប់​​​ឡាន​ឈ្នួល​របួសស្រាល​​៣២​នាក់​និង​ធ្ងន់​៣នាក់​




ក្រឡាប់​​​ឡាន​ឈ្នួល​របួសស្រាល​​៣២​នាក់​និង​ធ្ងន់​៣នាក់​

ក្រឡាប់​​​ឡាន​ឈ្នួល​របួសស្រាល​​៣២​នាក់​និង​ធ្ងន់​៣នាក់​

អ្នក​ដំណើរ​និង​តែកុងឡាន​ ៣នាក់ ​របួស​ធ្ងន់​និង ៣២​នាក់​ ​ទៀត​រង​របួស​ស្រាល​ ក្នុង​គ្រោះថ្នាក់​ចរាចរណ៍​ផ្ទុះ​កង់​រថយន្ត​សាំ​យ៉ុង​មាន​ផ្ទុក​មនុស្សពេញ​និង ​បើក​ល្បឿន​លឿន​ក្នុង​ស្ថាន​ភាព​ផ្លូវ​កោង​ហើយ​រេចង្កូត​ក្រឡាប់​ធ្លាក់​ប្រឡាយ​ ក្នុង​ភូមិ​ច្រប់ ​ឃុំក្បាល​រមាស ​ខេត្ត​ស្ទឹង​ត្រៃង ​កាលពី​ថ្ងៃទី​២៧ ខែ​មករា។

លោក​ ប៉េង​ សុវណ្ណ​រ័ត្ន​អធិការ​រង​ស្រុក​សេ​សាន​ឲ្យ​ដឹង​ថា​រថយន្ត​បង្ក​ម៉ាក​សាំ​យ៉ុង​គ្មាន​ស្លាក​លេខ​ត្រូវ​ក្រឡាប់​ធ្លាក់​ផ្លូវ​ចូល​ទៅ​ក្នុង​ប្រឡាយ​ទឹក​ខណៈ​អ្នក​បើក​រថយន្ត​ដឹក​អ្នក​ដំណើរ​នោះ​បើក​បរក្នុង​ល្បឿន​​​លឿន​ជាន់​ហ្វ្រាំង​ទប់​លំ​នឹង​រថយន្ត​មិន​ជាប់​ក្នុង​ស្ថាន​ភាព​ផ្លូវកោង​។

លោក​ឲ្យ​ដឹង​ទៀត​ថា ​អ្នក​ជិះក្នុង​រថយន្ត​មាន​ទាំងអស់ ​៣៥​នាក់ ​រួម​នឹង​ជន​ជាតិ បារាំង​ម្នាក់​​ផង ​​ហើយ​ក្នុង​នោះ​មានស្រី ១២​នាក់ ​ដែល​បុរស ​៣នាក់ ​រងរបួស​ធ្ងន់​ម្នាក់ ​ត្រូវ​បញ្ជូន​ទៅ​មន្ទីរ​ពេទ្យ​ខេត្ត​ស្ទឹង​ត្រែង។ ​រថយន្ត​នោះ​បាន​​ដឹក​អ្នក​ដំណើរ​ពីភ្នំ​ពេញ​ឆ្ពោះទៅ​ ខេត្ត​រតនគីរី ​​ហើយ​មក​​ដល់​ចំណុច​​កើត​ហេតុ នៅម៉ោង ​​១២ ​​កន្លះ​ថ្ងៃ​​​ត្រង់​ ទី២៧​ ខែមករា​  ស្ថិត​ក្នុងភូមិ​ច្រប់​ ឃុំ​ក្បាល​រមាស​ ស្រុក​សេសាន​ ខេត្ដស្ទឹងត្រែង ​តែ​ត្រូវ​ជួប​គ្រោះ​ថ្នាក់​តែ​ម្តង​។

លោក​ប្រាប់​ថា៖ ​«គ្រោះថ្នាក់​ចរាចរណ៍​នេះ​ជាការ​ឆ្វេស​ប្រហែស​របស់​អ្នក​បើក​បរ ដោយ​សារ​​បើក​ល្បឿន​​លឿន​ក្នុង​ស្ថាន​ភាព​មាន​ផ្លូវ​កោង​»។

សូមរង់ចាំអានព័ត៌មានពិស្តារក្នុងកាសែតភ្នំពេញប៉ុស្តិ៍

អត្ថបទគួរចាប់អារម្មណ៍