The Phnom Penh Post Search

Search form




Logo of Phnom Penh Post newspaper Phnom Penh Post - ក្រុម​ឧទ្ទាម​​ដណ្តើម​​កាន់​កាប់​ព្រលាន​យន្ត​ហោះ, ​អ្នក​ស្លាប់​ជិត​៧​ម៉ឺន​នាក់




ក្រុម​ឧទ្ទាម​​ដណ្តើម​​កាន់​កាប់​ព្រលាន​យន្ត​ហោះ, ​អ្នក​ស្លាប់​ជិត​៧​ម៉ឺន​នាក់

ក្រុម​ឧទ្ទាម​​ដណ្តើម​​កាន់​កាប់​ព្រលាន​យន្ត​ហោះ, ​អ្នក​ស្លាប់​ជិត​៧​ម៉ឺន​នាក់

SYRIA
SYRIA

ក្រុង​ដាម៉ាស់ៈ ក្រុម​ឧទ្ទាម​កាល​ពី​ថ្ងៃ​ពុធ បាន​លុក​លុយ​មូល​ដ្ឋាន​អាការ​យោធា​មួយ​កន្លែង​ ហើយ​បាន​​ដណ្តើម​កាន់​កាប់​យន្ត​ហោះ​ចម្បាំង​ជា​ច្រើន​គ្រឿង ដោយ​បាន​រុល​ទៅ​​ស៊ីរី​ខាង​ជើង​សម្រាប់​​ថ្ងៃ​ទី​ពីរ​ជាប់​ៗ​គ្នា ខណៈ​ដែល​អ.ស.ប. បាន​និយាយ​ថា ចំនួន​អ្នក​ស្លាប់​ពី​ជម្លោះ​២៣​ខែ មាន​ជិត​៧​ម៉ឺន​នាក់​។

ការ​រុល​ទៅ​មុខ​ពី​កង​យោធា បាន​​ធ្វើ​ឡើង​ខណៈ​ដែល​ក្តី​សង្ឃឹម​​សម្រាប់​ដំណោះ​ស្រាយ​នយោ​បាយ​មួយ​ចំពោះ​សង្គ្រាម ​មាន​កាន់​តែ​តិច​ទៅ​ៗ ហើយអគ្គ​លេខា​​​អ.ស.ប. លោក បាន​ គីមូន បាន​ជំរុញ​ឲ្យ​របប​របស់​លោក​ប្រធានា​ធិបតី បាសារ អាល់-​អាសាដ​ឲ្យ​ទទួល​យក​សំណើ​ចរចា​របស់​​មេ​ដឹ​ក​នាំ​បក្ស​ប្រឆាំង​។

អង្គការ​ឃ្លាំ​មើល​សិទ្ធិ​មនុស្ស​ស៊ីរី បាន​និយាយ​ថា ក្រុម​ឧទ្ទាម បាន​ដណ្តើម​កាន់​កាប់​ព្រលាន​យន្ត​ហោះ​យោធា​មួយ​កន្លែង​នៅ​ Al-Jarrah ខេត្ត​អាឡិបប៉ូ ដោយ​ដណ្តើម​បាន​ជា​លើក​ដំបូង​នូវ​យន្ត​ហោះ​ចម្បាំង​មួយ​កង​ដែល​រួម​មាន​យន្ត​ហោះ​ចម្បាំង​ម៉ាក​ MiG ជា​ច្រើន​​គ្រឿង​​ផង​ដៃរ​

អង្គការ​​ឃ្លាំ​មើល​នេះ ​បាន​និយាយ​ថា ក្នុង​អំឡុង​ការ​វាយ​​ប្រហារ​នេះ ក្រុម​ឧទ្ទាម ត្រូវ​បាន​គេ​សម្លាប់ ត្រូវ​របួស ឬ​ក៏​ដាក់​គុគ​ទាហាន​រាប់​សិប​នាក់​។ អង្គការ​ដដែល បាន​អះ​អាង​បន្ត​ថា ទាហាន​ដែល​​ដក​ថយ​​ ក៏​បាន​​បន្សល់​ទុក​គ្រាប់​រំសេវ​ផង​ដែរ​។

អត្ថបទគួរចាប់អារម្មណ៍