The Phnom Penh Post Search

Search form




Logo of Phnom Penh Post newspaper Phnom Penh Post - ក្រុម​​អង្គការ​សង្គម​ស៊ីវិល​ប្រឆាំង​ការ​បំភិត​បំភ័យ​ពលរដ្ឋ​ក្រោយ​ការ​បោះ​ឆ្នោត




ក្រុម​​អង្គការ​សង្គម​ស៊ីវិល​ប្រឆាំង​ការ​បំភិត​បំភ័យ​ពលរដ្ឋ​ក្រោយ​ការ​បោះ​ឆ្នោត

ក្រុម​​អង្គការ​សង្គម​ស៊ីវិល​ប្រឆាំង​ការ​បំភិត​បំភ័យ​ពលរដ្ឋ​ក្រោយ​ការ​បោះ​ឆ្នោត

IMG_5993
អ្នកស្រី សំ ឡូត សកម្មជនគណបក្សសង្គ្រោះជាតិដែលថា មានគេបាញ់គំរាមនៅសង្កាត់ក្បាលកោះ ខ័ណ្ឌមានជ័យ រាជធានីភ្នំពេញ ម៉ៃ វីរៈ

ភ្នំពេញៈ ​ពេល​ដែល​ប្រជា​ជន​ក្នុង​ប្រទេស​បាន​ទៅ​បោះឆ្នោត​កាល​ពី​ខែ​មុន អ្នក​បោះឆ្នោត​ជា​ច្រើន​មិន​បាន​បោះ​ឆ្នោត​គាំ​ទ្រ​គណបក្ស​ប្រជា​ជន។

ចាប់​តាំង​ពី​ថ្ងៃ​បោះ​ឆ្នោត​រហូត​មមក​ដល់​ពេល​នេះ​ ​ការ​ប្រកាស​​លទ្ធផល​ផ្លូវ​ការ​នៃ​ការ​បោះ​ឆ្នោត​កាន់​តែ​ខិត​ជិត​មក​ដល់​ ​ខណៈ​ដែល​ប្រជា​ជន​​មួយចំនួន​បាន​ប្តឹង​ថា​ ​មន្រ្តី​គណបក្ស​ប្រជា​ជន​កម្ពុជា​ ​និង​ក្រុម​អ្នក​គាំ​ទ្រ​​​គណបក្ស​​ប្រជា​ជន​​ ដែល​ប្រឆាំង​នឹង​ពួក​គេ​ ​កំពុង​តែ​ព្យាយាម​ធ្វើ​ការ​សង​​សឹក​​ចំពោះ​អ្វី​ដែល​ពួក​គេ​មិន​បាន​បោះ​ឆ្នោត​​គាំ​ទ្រ​លោក​នាយក​រដ្ឋ​មន្រ្តី ហ៊ុន​ សែន ។

​នៅ​ក្នុង​សេចក្តី​ថ្លែង​ការណ៍​មួយ​ចេញ​កាល​ពី​ថ្ងៃ​ម្សិល​មិញ ​សម្ព័ន្ធ​អង្គការ​ក្រៅ​រដ្ឋា​ភិបាល រួម​ទាំង​គណៈ​កម្មាធិការ​​ប្រ​ព្រឹត្តិកម្ម​​នៃ​អង្គការ​‑សមាគម​ការពារ​សិទ្ធិ​មនុស្ស​កម្ពុជា​ ​អង្គការ​អាដហុក ​និង​អង្គការ​សម្រាប់​​ការ​បោះឆ្នោត​ដោយ​សេរី​និង​យុត្តិធម៌​​ប្រចាំ​កម្ពុជា​​ បាន​នាំ​គ្នា​ធ្វើ​ការ​ប្រកាស​​ប្រឆាំង​ទៅ​នឹង​​អំពើ​បំភិត​បំភ័យ​ទាំង​នោះ។

«​យើង​...​មាន​ក្តី​បារម្ភ​យ៉ាង​ខ្លាំង​ក្លា​ពាក់​ព័ន្ធទៅ​នឹង​ករណី​​នៃ​ការ​បំភិត​បំភ័យ​​​ ​ការ​សង​សឹក​ និង​ការ​គំរាម​កំហែង​ទៅ​លើ​ប្រជា​​ជន​មួយ​ចំនួន​ ​ពី​សំណាក់​ក្រុម​គាំទ្រ​គណបក្ស​នយោបាយ​​មួយ​ទៅ​លើ​​​ក្រុម​មួយ​ទៀត​»។ «​ក្រុម​សង្គម​ស៊ីវិល​បាន​សង្កេត​ឃើញ​ថា ​ប្រជា​ជន​មូល​ដ្ឋាន​មួយ​ចំនួន​​នៅ​ក្នុង​សហគមន៍​តូច​ៗ​មួយ​ចំនួន​​​បាន​និង​កំពុង​ប្រឈម​មុខ​​នឹង​ការ​បំភិត​បំភ័យ​ ​និង​ការ​គំ​រាម​កំហែង​​ពី​​អាជ្ញា​ធរ​មូល​ដ្ឋាន​​ចំពោះ​មិន​បោះ​ឆ្នោត​​គាំ​ទ្រ​គណបក្ស​ប្រជា​ជន​កម្ពុជា​»។

​អង្គការ​ក្រៅ​រដ្ឋា​ភិបាល​សូម​​ជំរុញ​ទាំង​​គណបក្ស​ប្រជា​ជន​កម្ពុជា​​និង​​​គណបក្ស​សង្គ្រោះជាតិ​​​អនុវត្ត​វិធាន​ការ​ដែល​មាន​ស្រាប់​​ធ្វើ​ការ​ដោះ​ស្រាយ​​ទៅ​លើ​ក្រុម​អ្នក​គាំ​ទ្រ​​និង​អាជ្ញា​ធរ​​ដែល​ពាក់​ព័ន្ធ​នៅ​ក្នុង​ករណី​បំភិត​បំភ័យ​ទាំង​នោះ។

​លោក ផៃ ស៊ី​ផាន អ្នក​នាំ​ពាក្យ​ទីស្តីការ​គណៈ​រដ្ឋ​មន្រ្តី បាន​ថ្លែង​ថា​ ​ការ​លើក​ឡើង​អំពី​ករណី​ថា​មន្រ្តី​រដ្ឋា​ភិបាល​ធ្វើ​ការ​គំរាម​កំហែង​ទៅ​ដល់​ប្រជា​ជន​​គឺ​ជា​«​​ពាក្យ​ចចាម​អារាម»​ ប៉ុន្តែ​លោក​បាន​ជំរុញ​ឲ្យ​​​ប្រជាជន​ណា​ក៏​ដោយ​ដែល​​ប្តឹង​អំពី​ករណី​គំរាម​កំហែង​នោះ​ធ្វើ​​របាយការណ៍​​ជា​ផ្លូវ​ការ។

លោក​បាន​ថ្លែង​បន្ត​ថា​៖ «​អ្នក​​បាន​លឺ​តែ​ពីរ​ម្ខាង​តែ​ប៉ុណ្ណោះ​»​។ «​​ពី​ខាង​គណបក្ស​ប្រជា​ជន​កម្ពុជា យើង​​សូម​ឲ្យ​អ្នក​គាំ​ទ្រ​គណបក្ស​របស់​យើង​ទាំង​អស់​​អត់​ធ្មត់​​ពី​អំពើ​​បង្ក​រឿង​​និង​ហិង្សា​»។

លោក ផៃ ស៊ីផាន បាន​ថ្លែង​បន្ត​ថា ​មេ​ដឹក​នាំ​គណបក្ស​សង្គ្រោះ​ជាតិ លោក សម រង្ស៊ី ​និង​លោក កឹម សុខា​ ​«កំពុង​ធ្វើ​ការ​ញុះ​ញង់​»​​អ្នកគាំ​ទ្រ​របស់​ខ្លួន​​ឲ្យ​«​ក្រោក​ឈរ​ប្រឆាំង​​នឹង​គណបក្ស​ប្រជា​ជន​កម្ពុជា​»។ PS

អត្ថបទគួរចាប់អារម្មណ៍

  • ភ្នំពេញៈ ប្រទេស​ កាតា បាន​ចុះ​អនុស្សរណៈ​ជាមួយ​ក្រសួង​អប់រំ យុវជន និង​កីឡា​លើ​គម្រោង​អភិវឌ្ឍន៍​ដើម្បី​កុមារ​ដំណាក់កាល​ទី​២ ដោយ​ផ្ដល់​មូលនិធិ​ជា​ថវិកា​ជាង​ ១៣ ​លាន​ដុល្លារ​អាមេរិក ដើម្បី​រួមចំណែក​ពង្រឹង​វិស័យ​អប់រំ​កម្ពុជា​ដោយ​ផ្ដោតលើ​កុមារ​ងាយ​រងគ្រោះ​ក្នុង​ការសិក្សា​នៅ​កម្រិត​បឋមសិក្សា ស្របតាម​គោលដៅ​អភិវឌ្ឍន៍​ប្រកប​ដោយ​ចីរភាព​ឆ្នាំ​ ២០៣០​។

  • ភ្នំពេញៈ ក្រុមហ៊ុន Asiatic Group (Holdings) Ltd ដែលមាន​មូលដ្ឋាន​នៅ​ប្រទេស​សិង្ហបុរី​កំពុង​ស្វែងរក​ការទាមទារ​ទឹកប្រាក់​ចំនួន​ ១៤,៤ ​លាន​ដុល្លារ​ ពី​ក្រុមហ៊ុនតំបន់​សេដ្ឋកិច្ច​ពិសេស​ភ្នំពេញ (PPSP) ​ដែល​ចុះបញ្ជី​នៅ​ក្រុមហ៊ុន​ផ្សារមូលបត្រ​កម្ពុជា (CSX) ចំពោះ​ការចោទប្រកាន់​ដែល​ថា​បាន​រំលោភ​លើ​កិច្ចព្រមព្រៀង​វិនិយោគ​រួម (JV) នៃ​រោងចក្រ​ថាមពល​មួយ​។

  • ភ្នំពេញៈ មន្ត្រី​នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បាន​អះអាង​ថា កម្ពុជា និង​សិង្ហបុរី​បាន​ប្តេជ្ញា​បន្ត​កិច្ចសហការ​គ្នា​ឱ្យ​កាន់តែ​រឹងមាំ​ថែមទៀត ក្នុង​ការពង្រីក​លើ​វិស័យ​ការងារ និង​បណ្តុះបណ្តាល​ធនធាន​មនុស្ស​របស់​កម្ពុជា​ជាពិសេស​នៅក្នុង​បរិបទ​នៃ​ជំងឺ​​កូវីដ ​១៩​។

  • ភ្នំពេញ៖ ត្រឹមតែ​រយៈពេល ​១០ ​ខែ​ ភោជនីយដ្ឋាន ​Uncle Fu បាន​ធ្វើ​ឱ្យ​ភ្ញៀវ​​ចម្រុះ​ជាតិ​សាសន៍​ជាប់​ចិត្ត​នឹង​រសជាតិ​​ម្ហូប​ម៉ាឡេស៊ី​ និង​សិង្ហបុរី​។

  • កំពតៈ រោងចក្រ​ផលិត​ឥដ្ឋ​ដ៏ធំ​មួយ​ក្នុង​ខេត្តកំពត ដែល​មាន​ទុនវិនិយោគ ៩ ​លាន​ដុល្លារ​ជា​ការវិនិយោគ​រួមគ្នា​រវាង​វិនិយោគិន​ក្នុងស្រុក និង​វិនិយោគិន​មកពី​ប្រទេស​ចិន​បាន​សម្ពោធ​បើក​ដំណើរការ​ជា​ផ្លូវការ​ហើយ​កាលពី​ថ្ងៃអាទិត្យ ដោយ​អាចមាន​សមត្ថភាព​ផលិត​ឥដ្ឋ​បាន​ប្រមាណ ៨០ ​ម៉ឺន​ដុំ​ក្នុង​ ១ ​ថ្ងៃ​។

  • ភ្នំពេញៈ អគ្គស្នងការរង​នគរបាល​ជាតិ លោក ស ថេត ជំរុញ​ឱ្យ កងកម្លាំង​ប្រដាប់អាវុធ និង​មន្ត្រីរាជការ​ត្រូវ​ធ្វើជា​គំរូ​ដ៏ល្អ​សម្រាប់​ប្រជាពលរដ្ឋ​ទូទៅ​ក្នុង​ការគោរព​ច្បាប់​ចរាចរណ៍​នៅលើ​ដងផ្លូវ ដោយ​លោក​ប្រាប់​ឱ្យ​មន្ត្រី​នគរបាល​ចរាចរណ៍​កុំ​ភ័យខ្លាច​ក្នុង​ការអនុវត្ត​ច្បាប់​លើ​មន្ត្រី​ជាន់ខ្ពស់​ណា​ដែល​ប្រព្រឹត្ត​ខុស ខណៈ​ការបើកបរ​ល្មើសច្បាប់​នៅតែ​ជា​បញ្ហា​សម្រាប់​កម្ពុជា​។