The Phnom Penh Post Search

Search form

Logo of Phnom Penh Post newspaper Phnom Penh Post - ចេញ​ពី​​ងូត​ទឹក​សុំ​ប្តី​កាន់​ក្បាល​មេក្រូ​ច្រៀង​ត្រូវ​ចរន្ត​អគ្គិសនី​ឆក់​ស្លាប់




ចេញ​ពី​​ងូត​ទឹក​សុំ​ប្តី​កាន់​ក្បាល​មេក្រូ​ច្រៀង​ត្រូវ​ចរន្ត​អគ្គិសនី​ឆក់​ស្លាប់

ចេញ​ពី​​ងូត​ទឹក​សុំ​ប្តី​កាន់​ក្បាល​មេក្រូ​ច្រៀង​ត្រូវ​ចរន្ត​អគ្គិសនី​ឆក់​ស្លាប់

បាត់ដំបងៈ ស្ត្រី​ម្នាក់​បាន​ស្លាប់​ភ្លាម ព្រោះ​ត្រូវ​ចរន្តអគ្គិសនី​ឆក់​ពី​ក្បាល​មីក្រូហ្វូន​ច្រៀង​ខារ៉ាអូខេ ពេលចេញ​មកពី​បន្ទប់ទឹក​កាលពី​យប់​ថ្ងៃ​អង្គារ នៅ​ភូមិ​តា​ប៉ុន ស្រុក​សង្កែ ខេត្តបាត់ដំបង ។

លោក បុ​ត យុ​ទ្ធី មន្ត្រីនគរបាល​ស្រុក​សង្កែ​បាន​ឲ្យ​ដឹងថា ស្ត្រី​រងគ្រោះ​ឈ្មោះ នូវ ផល្លី អាយុ៤៤ឆ្នាំ រស់នៅ​ភូមិ-ឃុំ​តា​ប៉ុន ស្រុក​សង្កែ ខេត្តបាត់ដំបង ត្រូវ​ចរន្តអគ្គិសនី​ឆ្លង​ឆក់​ស្លាប់ ខណៈ​ចេញពី​បន្ទប់ទឹក​ទៅ​ឆក់យក​ក្បាល​មីក្រូហ្វូន​ពី​ប្តី​មក​ច្រៀង​ខារ៉ាអូខេ ទាំង​ខ្លួន​នៅ​សើម។

លោក​បន្តថា «ជនរងគ្រោះ​ងូតទឹក​ទេ តែ​ពេល​ប្តី​ច្រៀង​ដល់​បទ​គាត់​ចូលចិត្ត គាត់​ក៏​ចេញ​ទាំង​ខ្លួន​ទទឹក​មក ហើយ​មិន​ចាប់​អារម្មណ៍​ឆ្លង​ចរន្តអគ្គិសនី ទើប​ប្រែ​ការសប្បាយ​ក្លាយជា​ទុក្ខសោក​បែបនេះ»។

លោក​រៀបរាប់​ប្រាប់​តាម​សម្តី​ក្រុមគ្រួសារ​ថា ក្នុង​គ្រួសារ​នេះ​តែងតែមាន​កម្មវិធី​ច្រៀង​លេង​ក្នុង​គ្រួសារ​ជាប្រចាំ ហើយ​មុន​កើតហេតុ​ម៉ោង​ប្រមាណ​ជា១០យប់​ថ្ងៃ​អង្គារ ទាំង​ប្តី​និង​ប្រពន្ធ​នៅ​ច្រៀង​ជាមួយគ្នា​ទេ។ បន្តិច​ក្រោយ​មក​ស្ត្រី​រងគ្រោះ ទៅ​ងូតទឹក​ក្នុង​បន្ទប់ លុះ​ពេល​ប្តី​ច្រៀង​ដល់​បទ​ដែល​ខ្លួន​និយម​ច្រៀង​ក៏​ប្រញាប​ស្ទុះ​ចេញ​មក​សុំ​ក្បាល​មេក្រូ​ប្តី​ច្រៀង ហើយក៏​ឆក់​ស្លាប់​តែម្តង។

គួរ​រំឭក​ដែរ​ថា ករណី​ដូចគ្នានេះ​ក៏​ធ្លាប់​កើតមាន​ទៅលើ​ស្ត្រី​អាណិកជន​ខ្មែរ​កាលពី​អំឡុង​ឆ្នាំ២០១២ នៅ​ខណ្ឌ​ពោធិ​សែន​ជ័យ រាជធានី​ភ្នំពេញ​ដែល​កាលណោះ ជនរងគ្រោះ​ចេញពី​ងូតទឹក​ហើយ​ទៅកាន់​ក្បាល​មេក្រូ​ហ្វូ​ន​ឆ្លង​ចរន្តអគ្គិសនី​ឆក់​ស្លាប់​ដូចគ្នា​ដែរ៕

អត្ថបទគួរចាប់អារម្មណ៍