The Phnom Penh Post Search

Search form




Logo of Phnom Penh Post newspaper Phnom Penh Post - ចំនួន​អ្នក​ស្លាប់​ក្នុង​គ្រោះ​ថ្នាក់​ចរាចរណ៍​នៅ​ស្វាយ​រៀង​កើន​ដល់​១៨​នាក់

ចំនួន​អ្នក​ស្លាប់​ក្នុង​គ្រោះ​ថ្នាក់​ចរាចរណ៍​នៅ​ស្វាយ​រៀង​កើន​ដល់​១៨​នាក់

Content image - Phnom Penh Post

ចំនួន​អ្នក​ស្លាប់​ក្នុង​គ្រោះ​ថ្នាក់​ចរាចរណ៍​នៅ​ស្វាយ​រៀង​កើន​ដល់​១៨​នាក់

ស្វាយរៀងៈ ចំនួន​អ្នក​ស្លាប់​នៅ​ក្នុង​គ្រោះ​ថ្នាក់​ចរាចរណ៍​ដ៏​រន្ធត់​កាល​ពី​ព្រឹក​ព្រលឹម នៅ​ក្នុង​ខេត្ត​ស្វាយ​រៀង​រវាង​រថយន្ត​ក្រុង ស៊ុន ហួ និង​រថយន្ត​ដឹក​កម្មករ បាន​កើន​ឡើង​ដល់ ១៨​នាក់​ហើយ។

លោក​ឧត្តមសេនីយ៍ រុន រ័ត្នវាសនា ប្រធាន​នាយក​ដ្ឋាន​សណ្តាប់​ធ្នាប់ នៃ​ក្រសួង​មហា​ផ្ទៃ​បាន​ឲ្យ​ដឹង​ថា ចំនួន​អ្នក​ស្លាប់​បាន​កើន​ឡើង​ពី ១៦​នាក់​ដែល​បាន​ស្លាប់​ភ្លាមៗ​នៅ​ហ្នឹង​កន្លែង ដល់​១៨​នាក់ បន្ទាប់​ពី​អ្នក​ដំណើរ​ពីរ​នាក់​ទៀត​ដែល​រង​របួស​ធ្ងន់ បាន​ស្លាប់​នៅ​មន្ទីរ​ពេទ្យ​ខេត្ត ខណៈ​ដែល​ជាង ២០​នាក់​ទៀត​កំពុង​ទទួល​ការ​ព្យាបាល។

បើ​តាម​ច្បាប់ របប​បេឡា​សន្តិសុខ​សង្គម​នៃ​ក្រសួង​ការងារ នឹង​ចេញ​ថ្លៃ​ចំណាយ​លើ​ពិធី​បុណ្យ​សព និង​ថ្លៃ​ព្យាបាល​អ្នក​របួស រួម​ទាំង​ផ្តល់​សំណង​ដល់​ក្រុម​គ្រួសារ​ជន​រង​គ្រោះ​ផង​ដែរ។

លោក ជាង អំ អភិបាល​ខេត្ត​ស្វាយរៀង​បាន​ឲ្យ​ដឹង​ដែរ​ថា កាក​បាទ​ក្រហម​កម្ពុជា​ប្រចាំ​ខេត្ត​ស្វាយរៀង បាន​បរិច្ចាគ​ទឹក​ប្រាក់​ម្នាក់ ៤០​ម៉ឺន​រៀល​ជូន​ដល់​គ្រួសារ​ជន​រងគ្រោះ និង​សាលា​ខេត្ត​ស្វាយរៀង​បរិច្ចាគ​ជូន​ម្នាក់ ២០ ម៉ឺន​រៀល​ផង​ដែរ។

អត្ថបទគួរចាប់អារម្មណ៍