The Phnom Penh Post Search

Search form




Logo of Phnom Penh Post newspaper Phnom Penh Post - ជាង៥០០នាក់ ប្រារព្ធ​ខួប​​នៃ​​សន្ធិ​សញ្ញា​ទី​ក្រុង​ប៉ារីស

ជាង៥០០នាក់ ប្រារព្ធ​ខួប​​នៃ​​សន្ធិ​សញ្ញា​ទី​ក្រុង​ប៉ារីស

ពលរដ្ឋ​ហែរ​ក្បួន​មក​ដាក់​ញត្តិ​នៅ​រដ្ឋសភា កាល​ពី​ព្រឹក​ថ្ងៃ​ព្រហស្បតិ៍​នេះ។
ពលរដ្ឋ​ហែរ​ក្បួន​មក​ដាក់​ញត្តិ​នៅ​រដ្ឋសភា កាល​ពី​ព្រឹក​ថ្ងៃ​ព្រហស្បតិ៍​នេះ។ ហុង មិនា

ជាង៥០០នាក់ ប្រារព្ធ​ខួប​​នៃ​​សន្ធិ​សញ្ញា​ទី​ក្រុង​ប៉ារីស

ភ្នំពេញៈ ទិវា​សន្ធិ​សញ្ញា​ទី​ក្រុង​ប៉ារីស ២៣​តុលា ឆ្នាំ​២០១៤ ថ្ងៃ​​នេះ ​ប្រជា​ពល​​រដ្ឋ​​ខ្មែរ​ជិត​៥០០​នាក់ រួម​មាន​ព្រះ​សង្ឃ​ អង្គ​ការ​សមា​គម​ខ្មែរ​កម្ពុជា​ក្រោម​ សហ​ព័ន្ធ​ សមា​គម​និស្សិត​បញ្ញ​វន្ត​ យុវជន សហ​ជីព​កម្មករ សហគមន៍​រង​គ្រោះ​ដោយ​បញ្ហា​ដី​ធ្លី លំ​នៅ​ដ្ឋាន ព្រៃ​ឈើ រ៉ែ ​ធន​ធាន​ធម្ម​ជាតិ និង​អង្គ​ការ​សង្គម​ស៊ីវិល​ បាន​ដង្ហែ​ក្បួន​ដាក់​ញត្តិ​ទៅ​កាន់​ស្ថាប័ន​ចំនួន​ ៩ ដើម្បី​ស្នើ​កិច្ច​ជំរុញ​ដល់​ប្រទេស​ម្ចាស់​ហត្ថ​លេខី ត្រូវ​តែ​គោរព​កិច្ច​ព្រម​ព្រៀង​ ២៣​តុលា ១៩៩១។

គោល​ដៅ​ដាក់​ញត្តិ​ទាំង​នោះ​រួម​មាន ស្ថាន​ទូត​បារំាង ស្ថាន​ទូត​អង់​គ្លេស ស្ថាន​ទូត​អាមេរិក​ មន្ទីរ​រដ្ឋ​សភា ស្ថាន​ទូត​រុស្ស៊ី UN ស្ថាន​ទូត​ជប៉ុន ស្ថាន​ទូត​ឥណ្ឌូ​នេស៊ី និង​ស្ថាន​ទូត​ចិន ដោយ​បញ្ចប់​នៅ​ម៉ោង​១​ថ្ងៃ​ត្រង់។

ក្នុង​ញត្តិ​នោះ ការ​ទាម​ទារ​គឺ​ផ្តោត​លើ​ខ្លឹម​សារ​នៃ​កិច្ច​ព្រម​ព្រៀង​៥​ចំណុច​ ស្តី​ពី ​ការ​កសាង​វប្បធម៌​សន្តិ​ភាព, ដំណោះស្រាយ​នយោ​បាយ​រួម​មួយ​នៃ​ជម្លោះ​ក​ម្ពុជា, អធិប​តេយ្យ​ភាព បូរណ​ភាព និង​ភាព​មិន​អាច​រំលោភ​បាន នៃ​ដែន​ដី​អព្យា​ក្រឹត​ភាព និង​ឯក​ភាព​ជាតិ​របស់​កម្ពុជា, សេច​ក្តី​​ថ្លែង​ការណ៍​ស្តី​ពី​ការ​ស្តារ​ និង​កសាង​ប្រទេស​កម្ពុជា​ឡើង​វិញ, និង​កិច្ច​ព្រម​ព្រៀង​ចុង​ក្រោយ​នៃ​សន្និ​សីទ​ប៉ារីស​ពី​កម្ពុជា។

ក្នុង​យុទ្ធ​នា​ការ​រម្លឹក​ខួប​២៣​ឆ្នាំ នៃ​កិច្ច​ព្រម​ព្រៀង​នេះ ត្រូវ​បាន​គណ​បក្ស​ប្រជា​ជន​កម្ពុជា ​ហៅ​ថា​​កើត​ឡើង​ដោយ​សារ ទិវា​ជ័យ​ជម្នះ ៧​មករា ​១៩៧៩​ ចំណែក​គណ​បក្ស​សង្គ្រោះ​ជាតិ បាន​ប្រដូច​កិច្ច​ព្រម​ព្រៀង ២៣​តុលា ឆ្នាំ​១៩៩១ ទៅ​នឹង​កិច្ច​ព្រម​ព្រៀង​បញ្ចប់​ជម្លោះ​នយោ​បាយ ២២​កក្កដា ២០១៤​នេះ។

សូមរង់ចាំអានព័ត៌មានពិស្តារ...

អត្ថបទគួរចាប់អារម្មណ៍