The Phnom Penh Post Search

Search form

Logo of Phnom Penh Post newspaper Phnom Penh Post - តុលាការ​កំពូល​បើក​សវនាការ​សំណើ​សុំ​នៅ​ក្រៅ​ឃុំ​អ្នក​ភូមិ​បឹង​កក់

តុលាការ​កំពូល​បើក​សវនាការ​សំណើ​សុំ​នៅ​ក្រៅ​ឃុំ​អ្នក​ភូមិ​បឹង​កក់

តុលាការ​កំពូល​បើក​សវនាការ​សំណើ​សុំ​នៅ​ក្រៅ​ឃុំ​អ្នក​ភូមិ​បឹង​កក់

photo22
photo22

ភ្នំពេញៈ តុ​លា​ការ​កំពូល​នៅ​ព្រឹក​ថ្ងៃ​ពុធ​នេះ បើក​ស​វ​នា​ការ​លើ​សំណើ​សុំ​នៅ​ក្រៅ​ឃុំ​របស់​​អ្នក​ស្រី យ៉ោម បុប្ផា សកម្មជន​ការពារ​ដីធ្លី​សហគមន៍​បឹង​កក់។

អ្នក​ស្រី យ៉ោម ​បុប្ផា ​អាយុ​២៩​ឆ្នាំ ត្រូវ​អាជ្ញាធរ​ចាប់​ឃុំខ្លួន​កាល​ពី​ថ្ងៃ​ទី៤ ​កញ្ញា ​ឆ្នាំ ​២០១២ ​ពីបទ​​ហិង្សា​​ដោយ​​ចេត​នា ​ទៅ​លើ​អ្នក​រត់​ម៉ូ​តូ​ឌុប​ពីរ​នាក់​​នៅ​ប្លុក​​​បឹង​កក់​ក្នុង​​រាជធានីភ្នំពេញ  ហើយ​កាល​ពី​ថ្ងៃ​ទី​២៧​ខែធ្នូ ឆ្នាំ​មុន​ តុលាការ​ភ្នំពេញ​​សម្រេច​ផ្តន្ទា​ទោស​ឲ្យ​ជាប់​ពន្ធនា​គារ​​​បី​ឆ្នាំ។ ប៉ុន្តែ ក្រុម​អ្នក​ភូមិ​បឹង​កក់​និង​ក្រុម​គ្រួសារ​ជន​សង្ស័យ បាន​ច្រាន​​ចោល​នូវ​ការ​ចោទ​ប្រកាន់​នេះនិង​បាន​ជំទាស់​ទៅ​លើ​ការ​សម្រេច​សេចក្ដី​របស់​តុលាការ​រាជ​ធានី​ភ្នំ​ពេញ​ផង​ដែរ។
លោក​ លួស សាខន ប្ដី​អ្នក​ស្រី​ យ៉ោម បុប្ផា ​ប្រាប់​ភ្នំពេញ​ប៉ុស្តិ៍ថា តុ​លា​ការ​កំពូល​បាន​ជូន​ដំណឹង​ដល់​មេធាវី​ការពារ​ក្ដី​ប្រពន្ធ​គាត់​រួច​ ហើយថា នឹង​បើក​ស​វ​នា​ការនៅ​ព្រឹក​ថ្ងៃ​ពុធ​នេះ លើ​សំណើ​​​សុំ​នៅ​ក្រៅ​ឃុំ​របស់​ភរិយា​គាត់។

លោក​ថ្លែង​ថា៖«ខ្ញុំ​រំ​ ពឹង​ទុក​ថា តុលាការ​កំពូល​នឹង​ពិនិត្យ​ពិចារ​ណា​​ទៅ​លើ​សំណើ​សុំ​នៅ​ក្រៅ​ឃុំ​របស់​ ភរិយា​ខ្ញុំនិង​ជំរុញ​ឲ្យ​​សាលា​ឧទ្ធរណ៍​បើ​ការ​ជំនុំ​ជម្រះ​​លើ​អង្គ​ សេចក្ដី​​នៃ​សំណុំ​រឿង​ចោទ​ប្រកាន់​លើ​ភរិយាខ្ញុំ​បាន​ឆាប់ និង​ប្រកប​ដោយ​ភាព​យុត្តិធម៌»។

ក្រុម​អ្នកភូមិបឹងកក់បាន​​នាំ​គ្នា​លើក​បដា​ដែល​អំពាវ​នាវ​ឲ្យ​មាន​ការ​ដោះ​លែង​អ្នក​ស្រី​ យ៉ោម​បុប្ផា ដែល​ពួក​គេ​ជឿ​​ថា​ ការ​ចាប់​ខ្លួន​ ​ចោទប្រកាន់​និង​​កាត់​ទោស​​គាត់​ គឺ​បណ្ដាល​មក​ពី​អ្នក​ស្រី​ជា​សកម្ម​ជន​ដី​ធីដ៏​សកម្ម​ក្នុង​តំបន់​បឹង​កក់ ក្នុង​អំឡុង​ការ​តវ៉ា​ឲ្យ​មាន​ការ​ដោះ​លែង​សកម្ម​ជន​ដី​ធ្លី​នៃ​សហគមន៍​​នេះ​ចំនួន ១៥ នាក់ ដែល​​ភាគ​ច្រើន​ជា​ស្ត្រី។

សូមរង់ចាំអានព័ត៌មានពិស្តារក្នុងកាសែតភ្នំពេញប៉ុស្តិ៍

photo25
អ្នកស្រី យ៉ោម បុប្ផា សកម្មជនការពារដីធ្លីសហគមន៍បឹងកក់ឡើងសវនាការនៅថ្ងៃពុធនេះ ហេង ជីវ័ន
photo24
photo24

ក្រុមគ្រួសារ និងកូនរបស់អ្នកស្រីយ៉ោម បុប្ផា និងអ្នកភូមិបឹងកក់ទាមទារយុត្តិធម៌ជូនសមាជិកខ្លួន។

អត្ថបទគួរចាប់អារម្មណ៍