គណបក្ស​ប្រជាជន​កម្ពុជា​ដែល​ជា​គណបក្ស​កាន់​អំណាច​យូរ​ឆ្នាំ​មក​ហើយ​នោះ បាន​បង្ហាញ​កម្លាំង​រាប់​ម៉ឺន​នាក់ តាំង​ពី​ព្រឹក​ព្រលឹម ដើម្បី​ធ្វើ​ការ​ឃោសនា​នៅ​ថ្ងៃ​ចុង​ក្រោយ​នេះ នៅ​រាជធានី​ភ្នំពេញ។ ក្បួន​ឃោសនា​ថ្ងៃនេះ ក៏​ឃើញ​មាន​វត្តមាន​លោក ជា ស៊ីម ប្រធាន​គណបក្ស​ប្រជាជន​កម្ពុជា​ និង​ជា​ប្រធាន​ព្រឹទុ្ធ​សភាជាតិ រួមទាំង ភរិយា​របស់​លោក​នាយក​រដ្ឋ​មន្ត្រី ហ៊ុន សែន គឺ​លោក​ស្រី ប៊ុនរ៉ានី ហ៊ុន សែន ដែល​បាន​ចេញ​មក​ស្វាគមន៍ នៅ​មុខ​គេហដ្ឋាន​ផ្ទាល់​តែ​ម្តង។ យ៉ាងណាក៏ដោយ គេមិន​ឃើញ​មាន​វត្តមាន​របស់ លោក​នាយក​រដ្ឋ​មន្ត្រី ហ៊ុន សែនទេ។  រូបថត ហេង ជីវ័ន