The Phnom Penh Post Search

Search form

Logo of Phnom Penh Post newspaper Phnom Penh Post - ធ្លាក់​ឡាន​ក្រុង​ក្នុង​ជ្រោះ​នៅ​បេរ៉ូ​ សម្លាប់​មនុស្ស​២៤​នាក់ របួស​១៨​នាក់




ធ្លាក់​ឡាន​ក្រុង​ក្នុង​ជ្រោះ​នៅ​បេរ៉ូ​ សម្លាប់​មនុស្ស​២៤​នាក់ របួស​១៨​នាក់

ធ្លាក់​ឡាន​ក្រុង​ក្នុង​ជ្រោះ​នៅ​បេរ៉ូ​ សម្លាប់​មនុស្ស​២៤​នាក់ របួស​១៨​នាក់

19-Brief
19-Brief

ក្រុងលីម៉ាៈ មនុស្ស​យ៉ាង​តិច​២៤​នាក់​​ភាគ​ច្រើន​ជាកម្មករ​អណ្តូងរ៉ែ​ត្រូវ​បាន​សម្លាប់​កាល​ពី​​ថ្ងៃ​ពុធ​ នៅ​ពេល​រថយន្តក្រុង​របស់​ពួកគេ​បាន​ដាំ​ក្បាលធ្លាក់​ទៅ​ក្នុង​ជ្រោះ​មួយ​ នៅ​ភាគ​ខាង​ត្បូង​ប្រទេស​បេរ៉ូ។

យោង​តាមព័ត៌មាន​បឋម​ដែល​ផ្តល់​ដោយ​មន្ត្រី​​ប៉ូលិសចរាចរណ៍ក្នុង​ក្រុង Arequipa ចម្ងាយ​ ១០០​គីឡូម៉ែត្រ​ពី​រដ្ឋធានី លីម៉ា​ បាន​​ឲ្យ​ដឹង​ថា មនុស្ស​១៨​នាក់ផ្សេង​ទៀត​ រងរបួស។

ប៉ូលិស​បាន​ព្រមាន​ថា ចំនួន​អ្នក​ស្លាប់​អាច​​កើន​ឡើង ខណៈសាកសព​ជាច្រើន​ទៀត​ នៅ​ជាប់នៅ​ក្រោម​គំនរ​​បាក់​បែកនៃ​រថយន្ត​ដែល​បុគ្គលិក​ជួយ​សង្គ្រោះ​មិន​អាច​ចូល​ទៅ​បាន។ ប៉ូលិស​បានបន្ថែម​ថា មូល​ហេតុ​​នៃ​គ្រោះ​ថ្នាក់​នេះគឺ​មិន​ទាន់​ដឹង​នៅ​ឡើយទេ៕ AFP/CC 

 

ចិន​ដាក់​គុក មនុស្ស២០​នាក់ នៅ​តំបន់​ស៊ីន​ជាំង 

ក្រុងប៉េកាំងៈប្រទេសចិនបានកាត់ទោសដាក់​គុក​បុរស២០នាក់ អស់​​មួយជីវិតពីបទចូល​រួម​ភេរវកម្ម និងញុះញង់អបគមន៍នៅក្នុង​តំបន់ស៊ីនជាំង ភាគខាងលិចដែលបែក​បាក់​ដោយជាតិ​សាសន៍។

គេហទំព័រសារព័ត៌មាន ធានសាន បាននិ​យាយថា បុរស​ទាំង​នេះ​ត្រូវបានកាត់ពីបទឧក្រិដ្ឋកម្មជាច្រើន ក្នុងនោះមាន​ទាំង​ការ​ផ្សព្វ​ផ្សាយ​សម្ភារជ្រុលនិយមខាងសាសនា និងប៉ុនប៉ងបង្កើតបន្ទប់ជជែកអ៊ីនធឺណិតដើម្បីផ្សព្វផ្សាយ«ការ​បំបែកខ្លួន​និយម»។

កាសែតរដ្ឋាភិបាលមូលដ្ឋានក៏បាននិយាយថា បុរសទាំងនោះត្រូវ​បាន​ចោទពីបទផ្សព្វផ្សាយព័ត៌មានអំពីចលនាអ៊ិស្លាមទួ​កគីស្ថាន​ខាង កើតដែលក្រុងបេ៉កាំង អាមេរិក និង អ.ស.ប បានចាត់​ទុកថា ជាអង្គការភេរវករមួយ៕ AFP/CC 

 

កង​ទ័ព​ជើងទឹក៖ ស្រី​លង្កា ឃុំខ្លួនជន​ចំណាក​ស្រុក​ទៅ​អូ​ស្រ្តាលី​៩៧​នាក់ 

ក្រុងកូឡុំបូៈ កងទ័ព​ជើង​ទឹក​ស្រីលង្កា​កាល​ពី​ថ្ងៃពុធ​បាន​រឹប​អូស​ទូក​នេសាទ​មួយ​ដែល​ផ្ទុកជន​ចំណាកស្រុក​ខុស​ច្បាប់​៩៧​នាក់​ ក្នុង​ដំណើរ​ឆ្ពោះ​ទៅ​កាន់​ប្រទេស​អូស្ត្រាលី​។

អ្នក​នាំ​ពាក្យ​កង​ទ័ព​ជើង​ទឹក​​ស្រីលង្កា កូសាលា វ៉ាណាកូឡាសូរីយ៉ា​​​បាន​ប្រាប់ AFPថា ទូក​នេសាទ​ដែល​ផ្ទុកពេញដោយជន​ចំណាក​ស្រុកជា​ជន​ជាតិ​ភាគតិចតាមិល​នៅ​ស្រី​លង្កា ត្រូវ​បានស្ទាក់​ចាប់​នៅ​Oluvil ក្បែរ​ឆ្នេរ​សមុទ្រខាង​កើត​ប្រទេស​។

លោក វ៉ាណាកូឡាសូរីយ៉ា បាន​និយាយ​ថា៖​«​អ្នក​ដែល​ត្រូវ​បាន​ចាប់​ខ្លួន​ មាន​បុរស​៣៩​នាក់ ស្ត្រី​១៨​នាក់ និង​ក្មេង​៤០​នាក់​»។ លោក​បានបន្ថែម​ថា ពួកគេ​នឹង​បញ្ជូន​ទៅ​កាន់ស្នង​ការ​ប៉ូលិសស្រី​លង្កានៅ​ពេល​បន្ទាប់​ ក្នុង​​ថ្ងៃដដែល​។

កាល​ពី​ឆ្នាំ​មុន​ ជន​ស្វែង​រក​សិទ្ធិ​ជ្រក​កោន​១៦៧៧០​នាក់​ បាន​ទៅ​ដល់​ឆ្នេរ​សមុទ្រ​ប្រទេស​អូស្ត្រាលី​ ក្នុង​នោះ​​ជន​ជាតិ​ស្រី​លង្កាដ៏​ធំ​បំផុត​ដែល​មាន​ចំនួន​៦៣៦០​នាក់​៕ AFP/CC

អត្ថបទគួរចាប់អារម្មណ៍