The Phnom Penh Post Search

Search form




Logo of Phnom Penh Post newspaper Phnom Penh Post - នាយក​រដ្ឋមន្ត្រីកម្ពុជា​ជំរុញឲ្យ​វិនិយោ​គិន​ម៉ាឡេ​ស៊ី​វិនិយោគ​វិស័យ​អង្ករ

នាយក​រដ្ឋមន្ត្រីកម្ពុជា​ជំរុញឲ្យ​វិនិយោ​គិន​ម៉ាឡេ​ស៊ី​វិនិយោគ​វិស័យ​អង្ករ

នាយក​រដ្ឋមន្ត្រីកម្ពុជា​ជំរុញឲ្យ​វិនិយោ​គិន​ម៉ាឡេ​ស៊ី​វិនិយោគ​វិស័យ​អង្ករ

130826_12
130826_12

ភ្នំពេញៈ ប្រមុខរាជរដ្ឋាភិបាលកម្ពុជា​ លោក​នាយក​រដ្ឋ​​មន្រ្តី​ ហ៊ុន សែន ​នៅ​​ថ្ងៃ​អង្គារនេះ​​បាន​ជំរុញ​វិនិយោគិន​ម៉ាឡេស៊ី​មក​វិនិយោគ​វិស័យ​អង្ករ​​សម្រាប់​ធ្វើ​ការ​នាំចេញ​​ទៅ​កាន់​ប្រទេស​ក្រៅ​ខណៈ​វិស័យនេះជា​វិស័យ​​ដ៏មា​នសក្ដានុ​ពល​សម្រាប់​សេដ្ឋកិច្ច​នៅ​កម្ពុជា​។​

លោក​នាយករដ្ឋ​មន្រ្តី​​បាន​អំពាវ​នាវ​ក្នុង​អំឡុង​​កិច្ចប្រជុំ​ជា​មួយ​​លោក Tun Datuk Sari Utana Mohd Khalil bin Yaakob អភិបាល​​រដ្ឋ ម៉ាឡាកា ​ប្រទេស​ម៉ាឡេស៊ី​នៅ​​វិមាន​សន្ដិ​ភាព​របស់​រដ្ឋា​ភិ​បាល​​បាន​ថ្លែង​ថា​​រហូត​មក​ដល់​ពេលនេះ​ ប្រទេស​កម្ពុជា​កំពុងខិតខំ​ប្រឹង​ប្រែង​កាន់​តែ​ខ្លាំង​ក្នុង​ការ​កសាង​ផ្លូវ​ជាច្រើន​ និង​ហេដ្ឋា​រចនា​សម្ព័ន្ធ​មួយចំនួន​ផ្សេងទៀត​​ ដើម្បី​ជំរុញ​ដល់​កំណើនសេដ្ឋ​កិច្ច​របស់​ខ្លួន។

​​លោកបាន​​លើកឡើងថា​​នៅ​ឆ្នាំ​នេះ​កំណើន​សេដ្ឋ​កិច្ច​របស់​ប្រទេស​ត្រូវ​បាន​ព្យាករ​​នៅ​កម្រិត ​៧,៦ ​ភាគរយ ​​ដែល​ក្នុង​ចំនួននេះ​​វិស័យ​កសិ​កម្ម​​កំពុង​ដើរតួនាទី​ដ៏សំខាន់​។​

​លោក​បន្ត​ថា​៖ «​កម្ពុជា​កំពុង​ព្យាយាម​ទាក់ទាញ​វិនិយោគិន​ម៉ាឡេស៊ី​កាន់​តែច្រើន​​មក​វិនិយោគ​ការ​កែ​ច្នៃ​អង្ករ​សម្រាប់​ការ​នាំ​ចេញ​។ ​នេះ​គឺ​ជាអ្វី​ដែ​ល​កម្ពុជា​ចង់បា​ន​»។​

សូមរង់ចាំអានព័ត៌មានពិស្តារក្នុងកាសែតភ្នំពេញប៉ុស្តិ៍

អត្ថបទគួរចាប់អារម្មណ៍