The Phnom Penh Post Search

Search form




Logo of Phnom Penh Post newspaper Phnom Penh Post - នាយក​រដ្ឋ​មន្រ្តី​ឥណ្ឌា អំពាវ​នាវ​ឲ្យ​​ស្ងប់​ស្ងៀម បន្ទាប់​ពី​ការ​បំផ្ទុះ​សម្លាប់​មនុស្ស




នាយក​រដ្ឋ​មន្រ្តី​ឥណ្ឌា អំពាវ​នាវ​ឲ្យ​​ស្ងប់​ស្ងៀម បន្ទាប់​ពី​ការ​បំផ្ទុះ​សម្លាប់​មនុស្ស

នាយក​រដ្ឋ​មន្រ្តី​ឥណ្ឌា អំពាវ​នាវ​ឲ្យ​​ស្ងប់​ស្ងៀម បន្ទាប់​ពី​ការ​បំផ្ទុះ​សម្លាប់​មនុស្ស

INDIA-02
INDIA-02

ក្រុង​ញូវ​ដេលីៈ នាយ​ករដ្ឋ​មន្រ្តី​ឥណ្ឌា លោក​​ ម៉ាន់​ម៉ូហាន់ ស៊ីង កាលពី​ថ្ងៃ​ចន្ទ បាន​​អំពាវ​នាវ​ឲ្យ​មាន​ភាព​ស្ងប់​ស្ងៀម​ខណៈ​ដែល​លោក ធ្វើ​ដំណើរ​តាម​យន្ត​ហោះ​ទៅ​ក្រុង Hyderabad និង​បាន​​ទៅ​សួរ​សុខ​ទុក្ខ​មនុស្ស​១១៧​នាក់​ដែល​ត្រូវរបួស​ក្នុង​ការ​បំផ្ទុះ​ពីរ​ស្ទួន​គ្នា​​កាល​ពី​សប្តាហ៍​មុន​ដែល​បាន​សម្លាប់​មនុស្ស​១៦​នាក់​។

លោក ស៊ីង ក៏​បាន​​​ទៅ​មើល​​កន្លែង​បំផ្ទុះ​នៅ​ Dilsukh Nagar ជា​ទី​ដែល​គ្រប់​បែក​ដែល​គេ​ដាក់​ជាប់​នឹង​កង់ ​បាន​ផ្ទុះ​ក្នុង​រង្វង់​​ពេល​ពីរ​-​បីនាទី​​ពី​គ្នា​នៅ​ខាង​ក្រៅ​រោងកុន​មួយ​កន្លែង និង​ក្បែរ​ចំណត​រថ​យន្ត​ក្រុង​កាល​ពី​​ល្ងាច​ថ្ងៃ​សុក្រ​។

លោក​នាយក​រដ្ឋ​មន្រ្តី បាន​ជួប​ជា​មួយ​​អ្នក​រួច​ផុត​ពី​សេចក្តី​ស្លាប់​ខ្លះ​ និង​បុគ្គលិក​ពេទ្យ​ក្នុង​មន្ទីរ​ពេទ្យ​ក្រុង​ពីរ​កន្លែង​ ហើយ​បាន​​ជួយ​លំលែក​ទុក្ខ​ផង​ដែរ​។

លោក បាន​បញ្ជាក់​ថា​៖«​​វា មាន​សារៈ​សំខាន់​បំផុត​ក្នុង​នាទី​ទុក្ខ​សោក​​​នេះ ដែល​​ពល​រដ្ឋ គួរ​តែ​រក្សា​ភាព​ស្ងប់​ស្ងាត់​»​។

លោក​នាយក​រដ្ឋ​មន្រ្តី​ បាន​ប្រាប់​ក្រុម​អ្នក​យក​ព័ត៌​មាន​ថា​៖«​ខ្ញុំ រីក​រាយ​ដែល​ថា ពល​រដ្ឋ​នៅ Hyderabad បដិសេធ​មិន​​មាន​​អារម្មណ៍​ត្រូវ​ញ៉ុះ​ញ៉ុង​ដោយ​ឧបទ្ទវហេតុ​អាក្រក់​នេះ​»​។

លោក ស៊ីង បាន​​ថ្លែង​បន្ត​ថា​៖«​ខ្ញុំ សូម​បួង​សួង​ឲ្យ​ឆាប់​ជា​សះ​ស្បើយ​នូវ​អ្នក​ទាំង​ឡាយ​ណា​ដែល​ត្រូវ​របួស​ ដល់​អ្នក​ទាំង​ឡាយ​ដែល​បាន​ស្លាប់ ខ្ញុំ ​បាន​ចូល​រួម​រំលែក​ទុក្ខ​ដល់​គ្រួសារ​តែ​មាន​ទុក្ខ​ទាំង​​អស់​។

អ្នក​នាំ​ពាក្យ​របស់​លោក​គឺ​លោក Pankaj Pachauri បាន​ប្រាប់​ AFP ថា លោក ស៊ីង គ្រោងនឹង​​ត្រូវ​ជម្រាប​ត្រួស​ៗ​ដោយ​លោក N. Kiran Kumar Reddy ​អភិបាល​​ខាង​ត្បូង​រដ្ឋ​ Andhra Pradesh ស្តី​ពី​ឧបទ្ទវេហតុ​នេះ​៕ AFP​​/​​NR

អត្ថបទគួរចាប់អារម្មណ៍

  • ភ្នំពេញៈ ប្រទេស​ កាតា បាន​ចុះ​អនុស្សរណៈ​ជាមួយ​ក្រសួង​អប់រំ យុវជន និង​កីឡា​លើ​គម្រោង​អភិវឌ្ឍន៍​ដើម្បី​កុមារ​ដំណាក់កាល​ទី​២ ដោយ​ផ្ដល់​មូលនិធិ​ជា​ថវិកា​ជាង​ ១៣ ​លាន​ដុល្លារ​អាមេរិក ដើម្បី​រួមចំណែក​ពង្រឹង​វិស័យ​អប់រំ​កម្ពុជា​ដោយ​ផ្ដោតលើ​កុមារ​ងាយ​រងគ្រោះ​ក្នុង​ការសិក្សា​នៅ​កម្រិត​បឋមសិក្សា ស្របតាម​គោលដៅ​អភិវឌ្ឍន៍​ប្រកប​ដោយ​ចីរភាព​ឆ្នាំ​ ២០៣០​។

  • ភ្នំពេញៈ ក្រុមហ៊ុន Asiatic Group (Holdings) Ltd ដែលមាន​មូលដ្ឋាន​នៅ​ប្រទេស​សិង្ហបុរី​កំពុង​ស្វែងរក​ការទាមទារ​ទឹកប្រាក់​ចំនួន​ ១៤,៤ ​លាន​ដុល្លារ​ ពី​ក្រុមហ៊ុនតំបន់​សេដ្ឋកិច្ច​ពិសេស​ភ្នំពេញ (PPSP) ​ដែល​ចុះបញ្ជី​នៅ​ក្រុមហ៊ុន​ផ្សារមូលបត្រ​កម្ពុជា (CSX) ចំពោះ​ការចោទប្រកាន់​ដែល​ថា​បាន​រំលោភ​លើ​កិច្ចព្រមព្រៀង​វិនិយោគ​រួម (JV) នៃ​រោងចក្រ​ថាមពល​មួយ​។

  • ភ្នំពេញៈ មន្ត្រី​នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បាន​អះអាង​ថា កម្ពុជា និង​សិង្ហបុរី​បាន​ប្តេជ្ញា​បន្ត​កិច្ចសហការ​គ្នា​ឱ្យ​កាន់តែ​រឹងមាំ​ថែមទៀត ក្នុង​ការពង្រីក​លើ​វិស័យ​ការងារ និង​បណ្តុះបណ្តាល​ធនធាន​មនុស្ស​របស់​កម្ពុជា​ជាពិសេស​នៅក្នុង​បរិបទ​នៃ​ជំងឺ​​កូវីដ ​១៩​។

  • ភ្នំពេញ៖ ត្រឹមតែ​រយៈពេល ​១០ ​ខែ​ ភោជនីយដ្ឋាន ​Uncle Fu បាន​ធ្វើ​ឱ្យ​ភ្ញៀវ​​ចម្រុះ​ជាតិ​សាសន៍​ជាប់​ចិត្ត​នឹង​រសជាតិ​​ម្ហូប​ម៉ាឡេស៊ី​ និង​សិង្ហបុរី​។

  • កំពតៈ រោងចក្រ​ផលិត​ឥដ្ឋ​ដ៏ធំ​មួយ​ក្នុង​ខេត្តកំពត ដែល​មាន​ទុនវិនិយោគ ៩ ​លាន​ដុល្លារ​ជា​ការវិនិយោគ​រួមគ្នា​រវាង​វិនិយោគិន​ក្នុងស្រុក និង​វិនិយោគិន​មកពី​ប្រទេស​ចិន​បាន​សម្ពោធ​បើក​ដំណើរការ​ជា​ផ្លូវការ​ហើយ​កាលពី​ថ្ងៃអាទិត្យ ដោយ​អាចមាន​សមត្ថភាព​ផលិត​ឥដ្ឋ​បាន​ប្រមាណ ៨០ ​ម៉ឺន​ដុំ​ក្នុង​ ១ ​ថ្ងៃ​។

  • ភ្នំពេញៈ អគ្គស្នងការរង​នគរបាល​ជាតិ លោក ស ថេត ជំរុញ​ឱ្យ កងកម្លាំង​ប្រដាប់អាវុធ និង​មន្ត្រីរាជការ​ត្រូវ​ធ្វើជា​គំរូ​ដ៏ល្អ​សម្រាប់​ប្រជាពលរដ្ឋ​ទូទៅ​ក្នុង​ការគោរព​ច្បាប់​ចរាចរណ៍​នៅលើ​ដងផ្លូវ ដោយ​លោក​ប្រាប់​ឱ្យ​មន្ត្រី​នគរបាល​ចរាចរណ៍​កុំ​ភ័យខ្លាច​ក្នុង​ការអនុវត្ត​ច្បាប់​លើ​មន្ត្រី​ជាន់ខ្ពស់​ណា​ដែល​ប្រព្រឹត្ត​ខុស ខណៈ​ការបើកបរ​ល្មើសច្បាប់​នៅតែ​ជា​បញ្ហា​សម្រាប់​កម្ពុជា​។