The Phnom Penh Post Search

Search form

Logo of Phnom Penh Post newspaper Phnom Penh Post - មនុស្ស ២៨​នាក់​ត្រូវ​បាន​ឃាត់​ខ្លួន ពេល​ប្រុង​ឆ្លង​ដែន​ទៅ​ថៃ

មនុស្ស ២៨​នាក់​ត្រូវ​បាន​ឃាត់​ខ្លួន ពេល​ប្រុង​ឆ្លង​ដែន​ទៅ​ថៃ

មនុស្ស ២៨​នាក់​ត្រូវ​បាន​ឃាត់​ខ្លួន ពេល​ប្រុង​ឆ្លង​ដែន​ទៅ​ថៃ

crossing_border
សមត្ថកិច្ចធ្វើការអប់រំពលរដ្ឋចំណាកស្រុកដែលលួចឆ្លងដែនតាមច្រកអូរស្មាច់ ប៊ុត រស្មីគង្គា

កោះកុងៈ មន្ត្រី​សមត្ថកិច្ច​នៃ​ការិយាល័យ​ប្រឆាំង​ការ​ជួញ​ដូរ ​និង​ការពារ​អនី​តិ​ជន​ខេត្ត​កោះកុង​បាន​ឃាត់​ខ្លួន​មនុស្ស​ប្រុសស្រី​ចំនួន ​២៨​ នាក់ កាល​ពី​យប់​ថ្ងៃ​ទី​២៤ ​និង​ព្រឹក​ថ្ងៃ​ទី​២៥​ ខែ​មេសា ​ឆ្នាំ​២០១៣​នេះ ​នៅ​ពេល​ដែល​ពួកគេ​ប្រុង​នឹង​ឆ្លង​ដែន​ទៅធ្វើ​ការ​នៅ​ប្រទេស​ថៃ​។

លោក​ស្រី ​ធុច​ ប្រធាន​ការិយាល័យ​ប្រឆាំង​ការជួញ​ដូរ​ និង​ការពារ​អនីតិ​ជន​ខេត្ត​កោះ​កុង​ បាន​មាន​ប្រសាសន៌​ថា ​លោក​បាន​ធ្វើការ​ទប់ស្កាត់​ និង​នាំ​ពួក​គេ​មក​ធ្វើ​ការ​អប់រំ​ និង​ប្រគល់​ជូន​អង្គ​ការ​ HCC​ដើម្បី​បញ្ជូន​ពួកគាត់​ទៅ​ស្រុក​កំណើត​នៅ​ឯ​ខេត្ត​កំពត​វិញ​។

លោក ​នាង​ បូរ៉ាទីណូ​ មន្ត្រី​សម្រប​​សម្រួល​​អង្គការ​អាដហុក​ប្រចាំ​ខេត្ត​កោះកុង​បាន ​ឲ្យដឹង​នៅ​ថ្ងៃនេះ​ថា​ អ្នក​ដែល​ឆ្លង​​ដែន​បម្រុង​​ទៅ​ធ្វើការ​នៅប្រទេស​ថៃ​ឆ្លង​កាត់​នៅ​ត្រង់​ចំណុច​ផែ​ អូប័រ​ ជា​​កន្លែង​ចម្លង​ ស្ថិត​នៅ​សង្កាត់​ស្មាច់​មាន​ជ័យ​ក្រុង​ខេម​រភូមិន្ទ ​ខេត្ដ​កោះ​កុង​។

លោក​ បូរ៉ា​ទីណូ​បាន​ថ្លែង​ថា៖​ «សមត្ថកិច្ច​គួរ​តែធ្វើការ​ពិនិត្យ​មើល​លើ​កំពង់​ផែ​អូ​ប័រដែល​ជាកន្លែង​កម្មករ​ឆ្លង​ដែន​ទៅ​ប្រទេស​ថៃ​។​ ខ្ញុំ​គិត​ថា ប្រហែល​ជា​មាន​ការ​ពាក់ព័ន្ធ​នឹង​ផែ​អូប័រ​ ទើប​ពលករ​ទាំងអស់​នោះ​អាច​ឆ្លងដែន​បាន​គ្រប់​ពេល​វេលា​»។

លោកបាន​ឲ្យ​ដឹង​ទៀត​ថា​ មនុស្ស​១២​នាក់​ក្នុង​ចំណោម​១៣​នាក់​ដែល​បាន​ធ្វើ​ការ​ឃាត់ខ្លួន​កាល​ពីយប់​ថ្ងៃទី២៤​ បាន​លួចឆ្លង​ដែន​បន្ទាប់​ពីពួកគេ​បាន​ប្រាប់ ​អង្គការ​ និង​សមត្ថកិច្ច​ថា​ពួកគេ​សុខចិត្ត​នៅ​រក​ការងារ​នៅ​ក្នុង​ខេត្ត​កោះ​កុង​។

អត្ថបទគួរចាប់អារម្មណ៍