The Phnom Penh Post Search

Search form

Logo of Phnom Penh Post newspaper Phnom Penh Post - រោងចក្រ SL ព្រម​ទទួល​យក​តំណាង​កម្មករ​១៩​នាក់​ចូល​ធ្វើ​ការ​វិញ




រោងចក្រ SL ព្រម​ទទួល​យក​តំណាង​កម្មករ​១៩​នាក់​ចូល​ធ្វើ​ការ​វិញ

រោងចក្រ SL ព្រម​ទទួល​យក​តំណាង​កម្មករ​១៩​នាក់​ចូល​ធ្វើ​ការ​វិញ

131126_04a
កម្មកររោងចក្រSLដែលបានរងរបួសក្នុងការបង្ក្រាបរបស់សមត្ថកិច្ចនៅស្ទឹងមានជ័យ ម៉ៃ វីរៈ

ភ្នំពេញៈ យោង​តាម​លទ្ធផល​នៃ​កិច្ច​ប្រជុំ​រវាង​រដ្ឋ​មន្ត្រី​ក្រសួង​ការងារ​និង​បណ្តុះ​បណ្តាល​វិជ្ជា​ជីវៈ និង​អគ្គនាយក​ក្រុមហ៊ុន SL កាល​ពី​រសៀល​ម្សិល​មិញ បាន​ប្រកាស​ឲ្យ​ដឹង​តាម​សេចក្តី​ប្រកាស​ព័ត៌មាន​មួយ​នៅ​ថ្ងៃ​ព្រហស្បតិ៍​នេះ​ថា លោក​អគ្គនាយក ក្រុមហ៊ុន SL Processing Garment លោក Wong Hon Ming បាន​ទទួល​យល់​ព្រម​យក​តំណាង​កម្មករ​ទាំង ១៩ នាក់​ឲ្យ​ចូល​ធ្វើ​ការងារ​វិញ តាម​អនុសាសន៍​របស់​លោក នាយក​រដ្ឋ​មន្ត្រី​ហ៊ុន សែន។

កាលពីពីរ​សប្តាហ៍​មុន ទីស្តីការ​គណៈ​ រដ្ឋ​មន្រ្តី និង​ក្រសួង ការងារ ដោយ​មាន​ចំណារ​ពី​លោក​នាយក​រដ្ឋ​មន្រ្តី ហ៊ុន សែន ផង​នោះ បាន​បញ្ជា​ឲ្យ​រោងចក្រ SL ទទួល​យក​កម្មករ​ទាំង​នោះ​ចូល​ធ្វើការ​វិញ។

សូមបញ្ជាក់ថា សំណុំ​រឿង​ដែល​នាំ​ឲ្យ​មាន​ការ​បណ្តេញ​​ចេញ ក្រោយពី កម្មករ​បាន​ទាមទារ​រោងចក្រ​បណ្តេញ លោក មាស សុត្ថា ម្ចាស់​ភាគ​ហ៊ុន​របស់​រោងចក្រ អេស អិល ដែល​បាន​ជួល​កម្លាំង​កង​រាជ​អាវុធហត្ថ​មក​ឈរ​យាម​នៅ​ក្នុង​រោងចក្រ ដែល​សហជីព​បាន​លើក​ឡើង​ថា នេះ​គឺជា​ការ​បំភិត​បំភ័យ​តំណាង​សហជីព និងបាន ឈានដល់ការធ្វើ កុបកម្ម​កើតមានអំពើហិង្សា នគរបាល​បាន​បាញ់​គ្រាប់​ពិត​ទៅ​លើ​ក្រុម​កម្មករ​ តវ៉ា​រាប់​រយ​នាក់ របស់​រោងចក្រ អេស អិល ដោយ​បាន​សម្លាប់​ស្រ្តី​អ្នក​លក់​បាយ​ម្នាក់ និង​មនុស្ស ៩ នាក់​ទៀត​រង​របួស។

អត្ថបទគួរចាប់អារម្មណ៍