The Phnom Penh Post Search

Search form

Logo of Phnom Penh Post newspaper Phnom Penh Post - លោក​ជា មុនី​ ប្តឹង​លោក​ស្នងការ និង​មន្រ្តី​នគរបាល​យុត្តិធម៌​ខេត្ត​កំពង់ស្ពឺ​ ទៅតុលាការ




លោក​ជា មុនី​ ប្តឹង​លោក​ស្នងការ និង​មន្រ្តី​នគរបាល​យុត្តិធម៌​ខេត្ត​កំពង់ស្ពឺ​ ទៅតុលាការ

លោក​ជា មុនី​ ប្តឹង​លោក​ស្នងការ និង​មន្រ្តី​នគរបាល​យុត្តិធម៌​ខេត្ត​កំពង់ស្ពឺ​ ទៅតុលាការ

 

130523_04
លោក ជា មុនី ប្រធានសហជីពសេរីកម្មករ ហេង ជីវ័ន

ប្រធាន​សហជីព​សេរីកម្មករ​ លោក​ជា មុនី​បាន​ដាក់ពាក្យ​បណ្តឹង​ទៅ​តុលាការ​ខេត្ត​កំពង់ស្ពឺ​កាល​​ពីថ្ងៃ​អង្គារ​ប្តឹង​លោក​ស្នងការ​នៃ​ស្នង​ការដ្ឋាន​ខេត្ត​នេះ និង​មន្រ្តី​នគរបាល​យុត្តិធម៌​ពាក់ព័ន្ធ​ពីបទ​ធ្វើឲ្យ​ខូចខាត​ដោយ​ចេតនា។

 យោង​តាម​ពាក្យ​បណ្តឹង​របស់​លោក​ជា មុនី​បាន​ឲ្យ​ដឹងថា កាល​ពី​ថ្ងៃ​ទី​៣ ខែ​មិថុនា​ ឆ្នាំ​២០១៣​ កង​កម្លាំង​នគរបាល​នៃ​ស្នង​ការ​ដ្ឋាន​នគរបាល​ខេត្ត​កំពង់ស្ពឺ​បាន​ចាប់​យក​រថយន្ត​របស់​សហជីព​សេរី​កម្មករ​ចំនួន​១គ្រឿង​ ម៉ាក​តាកូម៉ា​ ព្រម​ទាំង​កូន​សោរ​ថយន្ត​ដោយ​ចោទ​ទុក​ជា​វត្ថុតាង​ក្នុង​ហេតុការណ៌​កម្មករ​រោងចក្រ​សាប្រ៊ីណា​ក្នុង​ស្រុក​សំរោង​ នាំគ្នា​ធ្វើ​កូដកម្ម​ទាម​ទារ​ លក្ខខណ្ឌ​ការងារ​ល្អប្រសើរ​ ហើយ​ក៏​កើត​មាន​អំពើ​ហឹង្សា​ប៉ះទង្គិច​គ្នារវាង​កម្លាំង​សមត្ថកិច្ច និង​បុគ្គលិក​សហជីព​ព្រមទាំង​កម្មករ​ កម្មការិនី​រោង​ចក្រ។

 លោក​ជា មុនី​និយាយថា​ក្រោយ​ការ​ចាប់យក​នូវ​ទ្រព្យ​សម្ភារៈ​របស់​សហជីព​សេរីកម្មករ​ និង​របស់​បុគ្គលិក​សហជីព ព្រម​ទាំង​របស់​កម្មករ​មួយ​ចំនួន​នោះ សមត្ថកិច្ច​នគរបាល​មិន​បាន​បញ្ជូន​វត្ថុ​ចាប់​យក​ប្រគល់​មកឲ្យ​ស្ថាប័ន​តុលាការភ្លាមៗ​ឡើយ ហើយ​បាន​ធ្វើឲ្យ​ខូច​ខាត​ឡាននោះ​ទាំង​ខាង​ក្នុង​ និង​ខាងក្រៅ ​ទើបតែ​នៅ​ថ្ងៃ​ទី​៣ ខែ​មករា​នេះ​បាន​សមត្ថកិច្ច​យក​មក​ប្រគល់​ឲ្យ​ស្ថាប័ន​តុលាការ​រក្សា​ទុក បន្ទាប់​ពី​ដឹង​ថា ចៅ​ក្រម​ស៊ើបសួរ​សាលាដំបូង​ខេត្ត​កំពង់ស្ពឺ​បាន​សម្រេច​ប្រគល់​វត្ថុ​ដែល​ចាប់​យក​ឲ្យ​ម្ចាស់​ដើម​វិញ។

អានព័ត៌មា​ន​ពិស្ដារ​ក្នុង​កាសែត​ភ្នំពេញ​ ប៉ុស្តិ៍​

អត្ថបទគួរចាប់អារម្មណ៍