The Phnom Penh Post Search

Search form




Logo of Phnom Penh Post newspaper Phnom Penh Post - លោក​ហ៊ុន សែន​ឆ្លើយ​តប​ការ​រិះ​គន់​រឿង​កីឡាការិនី សៀវម៉ី

លោក​ហ៊ុន សែន​ឆ្លើយ​តប​ការ​រិះ​គន់​រឿង​កីឡាការិនី សៀវម៉ី

លោក​នាយក​រដ្ឋ​មន្ត្រី​ហ៊ុន សែន ថ្លែង​ក្នុង​ពិធី​ចែក​សញ្ញា​បត្រ​នៅ​កោះ​ពេជ្រ​ថ្ងៃ​នេះ។
លោក​នាយក​រដ្ឋ​មន្ត្រី​ហ៊ុន សែន ថ្លែង​ក្នុង​ពិធី​ចែក​សញ្ញា​បត្រ​នៅ​កោះ​ពេជ្រ​ថ្ងៃ​នេះ។ ម៉ៃ វីរៈ

លោក​ហ៊ុន សែន​ឆ្លើយ​តប​ការ​រិះ​គន់​រឿង​កីឡាការិនី សៀវម៉ី

ភ្នំពេញៈ ប្រ​មុខ​រដ្ឋា​ភិបា​ល​ក​ម្ពុជា លោក ហ៊ុន សែន​ នៅ​ថ្ងៃ​ព្រហស្បតិ៍​​​នេះ បាន​ឆ្លើយ​តប​នឹង​មតិ​រិះ​គន់​ ជុំ​វិញ​​ការ​​​ដែល​កម្ពុជា ប្រឹង​អួត​ពី​រង្វាន់​មេ​ដាយ​មាស​កីឡាកា​រិនី​ ស៊ន​ សៀវ​ម៉ី គឺ​ដោយ​សារ​តែ​កម្ពុជា​ មិន​ដែល​ឈ្នះ​មេ​ដាយ​មាស​ពី​មុន​មក។

លោកបញ្ជាក់ថា «ដោយ​សារ​តែ​អា​មួយ​ហ្នឹង​ (មេ​ដាយ​មាស) ហើយ​បាន​ចាំ​បាច់​មាន​ម៉ូតូ​អម​តាំង​ពី​ពោធិ​​ចិន​តុង​នោះ ​ព្រោះ​អា​មួយ​ហ្នឹង​ វា​អត់​ដែល​មាន​ ខ្ញុំ​បញ្ជាក់​ថា អត់​ដែល​មាន​តាំង​ពី​មួយ​ជិវិត​របស់​កម្ពុជា​តែ​ម្តង»។

លោកថ្លែងបែបនេះ នៅ​ក្នុង​ពិធី​ចែក​សញ្ញា​បត្រ នៅ​កោះ​ពេជ្រ​ថ្ងៃ​​នេះ គឺដើម្បី​តប​នឹង​ការ​រិះ​គន់​ ជុំវិញ​ពិធី​ដ៏​គគ្រឹង​គគ្រេង​ស្វាគមន៍​ការ​វិល​ត្រ​លប់​របស់​​កីឡា​កា​រិនី​​ ខណៈ​ដែល​ថ្មីៗ​នេះ ភាព​ចម្រូង​ចម្រាស​នៃ​ការ​ក្លែង​អត្ត​សញ្ញាណ​របស់​សៀវ​ម៉ី ​ដោ​យ​ជន​អនា​មិក នៅ​តាម​បណ្តាញ​សង្គម ដើម្បី​រៃ​អង្គាស​ប្រាក់ កំពុង​ក្លាយ​ជា​ក្តី​បារម្ភ​មួយ។

យ៉ាងណាមិញ គេ​ហ​ទំព័រ​ហ្វេស​ប៊ុក​របស់​គណៈ​កម្មា​ធិការ​ជាតិ​អូឡាំ​ពិក​កម្ពុជា​ នៅ​​ថ្ងៃ​​នេះផង​ដែរ បាន​ចេញ​ផ្សាយ​ថា «ថ្មី​នេះ​សង្កេត​ឃើញ​មាន​ការ​បង្កើត​ Account ហ្វេស​ប៊ុក ក៏​ដូច​ជា Page មួយ​ចំនួន​ដោយ​ប្រើ​ប្រាស់​ឈ្មោះ កីឡា​ការិ​នី ស៊ន សៀវម៉ី ហើយ​ខ្លះបា​ន​ប្រើ​ប្រាស់​ក្នុង​សកម្ម​ភាព​រៃ​អង្គាស​ថវិការ​ជា​ដើម។ គណៈ​កម្មា​ធិ​ការ​ជាតិ​អូ​ឡាំពិក​កម្ពុជា សុំ​បញ្ជាក់​ថា កីឡា​ការិនី ស៊ន សៀវម៉ី ពុំ​ទាន់​មាន​ Page ផ្លូវ​ការ​ណា​មួយ​នោះ​ទេ ហើយ​ក៏​មិន​បាន​ធ្វើ​ការ​រៃ​អង្គាស​តាម​បណ្តាញ​សង្គម​ហ្វេស​ប៊ុកដែរ»។

សូមរង់ចាំអានព័ត៌មានពិស្តារ...

អត្ថបទគួរចាប់អារម្មណ៍