ភ្នំពេញៈ អនុរដ្ឋលេខាធិការ និង​ជា​អ្នក​នាំ​ពាក្យ​ក្រសួង​ការបរទេស និង​សហប្រតិបត្តិ​ការ​អន្តរជាតិ លោក កុយ គួង ត្រូវ​បាន​តែង​តាំង​ជា​ឯក​អគ្គរាជ​ទូត​កម្ពុជា​ប្រចាំ​ប្រទេស អូស្ត្រាលី និង​នូវែលសូឡង់ រួម​ជាមួយ​និង​អគ្គ​រាជ​ទូត​ថ្មី​ផ្សេង​ទៀត នៅ​ក្រៅ​ប្រទេស។ នេះ​បើ​យោង​តាម​ព្រះ​រាជ​ក្រឹត្យ ឡាយ​ព្រះ​ហត្ថលេខា​ដោយ​ព្រះ​ករុណា សម្តេច​ព្រះ​នរោត្តម សីហមុនី ព្រះ​មហាក្សត្រ​កម្ពុជា កាល​ពី​ថ្ងៃ​ទី ៤ មីនា ដែល​ភ្នំពេញ ប៉ុស្តិ៍​ទើប​ទទួល​បាន​នា​រសៀល​ថ្ងៃ​ចន្ទ​នេះ។