The Phnom Penh Post Search

Search form




Logo of Phnom Penh Post newspaper Phnom Penh Post - សកម្ម​ជន​ដីធ្លី​២​នាក់​ត្រូវ​នាំ​មក​កាត់​ទោស​នៅ​រសៀល​ថ្ងៃ​នេះ​

សកម្ម​ជន​ដីធ្លី​២​នាក់​ត្រូវ​នាំ​មក​កាត់​ទោស​នៅ​រសៀល​ថ្ងៃ​នេះ​

សកម្ម​ជន​ដីធ្លី​២​នាក់​ត្រូវ​នាំ​មក​កាត់​ទោស​នៅ​រសៀល​ថ្ងៃ​នេះ​

IMG_4638
ប្រជាពលរដ្ឋបឹងកក់ និងបុរីកីឡារុញច្រានជាមួយសមត្ថកិច្ច ពេលពួកគេចង់ចូលស្កាប់សវនាការនាពេលកន្លងមក ហុង មិនា

ភ្នំពេញៈ ស្រ្តី​សកម្មជន​ដីធ្លី​ពីរ​នាក់​ គឺ​អ្នក​ស្រី ទឹម សាក់​មុន្នី ​និង​អ្នក​ស្រី យោម បុប្ផា ​ដែល​ជាប់​ពន្ធនាគារ ចាប់​តាំង​ពី​ការ​ចាប់ខ្លួន ​​កាល​ពី​ខែ​​កញ្ញា ​នឹង​ត្រូវ​​ប្រឈម​មុខ​នឹង​តុលាការ​នៅ​​​ថ្ងៃ​នេះ​ ពី​បទ​ចោទ​ប្រកាន់ដែល​​ក្រុម​សិទ្ធិ​មនុស្ស​​ហៅ​ថា  ជា​ការ​​ប្រឌិត​ឡើង​ ដើម្បី​បញ្ឈប់​ពួក​គេ​ និង​មនុស្ស​ផ្សេង​ទៀត​​ពី​ការ​តវ៉ា​។​

​ក្រុម​ អ្នក​​គាំ​ទ្រ​ស្រ្តី​ទាំង​ពីរ​នាក់​នេះ​​​រាប់​រយ​នាក់​មក​ពី​​​​តំបន់​ ជម្លោះ​ដី​ធ្លី​បុរី​កីឡា ​និង​​បឹង​កក់​ ​នឹង​មក​ជួប​ជុំ​​​គ្នា​ នៅ​​​​ក្រៅ​សាលា​ដំបូង​រាជ​​ធានី​​​ដើម្បី​រង់​ចាំ​សេចក្តី​ស​ម្រេ​​ច​អំពី​ ​​ជោគ​វាសនា​​​ របស់​ស្រ្តី​ទាំង​ពីរ​នាក់​នេះ​។ ​នេះ​បើ​យោង​តាម​តំណាង​​​អ្នក​បឹង​កក់​ អ្នក​ស្រី ទេព វន្នី។ ​

អ្នក​ស្រី​បាន​ថ្លែង​បន្តថា៖ «​​យើង​​នឹង​នៅ​ទី​នោះ​​ ដើម្បី​គាំ​ទ្រ​​សកម្ម​ជន​ដី​ធ្លី​​​​​របស់​យើង​ ​ហើយ​នឹង​សុំ​ឲ្យ​តុលាការ​លើក​លែង​ការ​ចោទ​ប្រកាន់​​ពួកគេ​ ហើយ​ដោះ​លែង​ពួក​គេ​»។​

អ្នក​ស្រី សាក់​មុន្នី ដែល​ជា​​ស្រ្តី​​មេ​មាយវ័យ​ចាស់ ​រស់​នៅ​ក្រោម​ជណ្តើរ​​មួយ​នៅ​បុរី​កីឡា​ ​បន្ទាប់​ពីការ​បណ្តេញ​ចេញមួយ​​​ កាលពី​ខែ​មករា ​ត្រូវ​បានចោទ​ប្រកាន់ពី​បទ​ក្លែង​បន្លំ​ឯកសារ​​ ដើម្បី​ទទួល​បាន​​ផ្ទះ​មួយ​នៅ​បុរី​កីឡា​​ សម្រាប់​កូន​ប្រុស​ពិការរ​បស់​គាត់​។ ​គាត់​ប្រឈម​មុខ​នឹង​ការ​ជាប់​ពន្ធនា-​គា​រ​​រយៈ​ពេល​ពី​រ​ឆ្នាំ​ និង​​ពិន័យ​ចំនួន១០០០​ដុល្លារ។ ​

អ្នក​ស្រីយោម បុប្ផា​ ​អាយុ​២៩ ឆ្នាំ ​ត្រូវ​បាន​ចោទ​ប្រកាន់ពាក់ព័ន្ធ​នឹង​ករណី​​​​​វាយ​ដំ​មួយ​ នៅ​​តំបន់​បឹង​កក់​​កាល​ពី​ចុង​ខែ​សីហា ​ដែ​ល​​បាន​បណ្តាល​ឲ្យ​​ម៉ូតូ​ឌុប​​ពី​រ​នាក់​​ទទួល​រង​របួស​​ត្រង់​ក្បាល​​ ។ ​អ្នក​ស្រី​ប្រឈម​មុខ​នឹង​ការ​ជាប់​ពន្ធ-​នាគារ​រយៈ​ពេល៥ឆ្នាំ​​និង​ពិន័យ​ ចំនួន២៥០០ដុល្លារ។

ក្រុម​សិទ្ធិមនុស្ស​ជា​ច្រើន​ក៏​នឹង​ចូល​រួម​តាម​ឃ្លាំ​មើល​ ដំណើរ​ការ​សវ​នា​ការ​នៅ​ថ្ងៃ​នេះ​ដែរ​៕ PS

អត្ថបទគួរចាប់អារម្មណ៍