The Phnom Penh Post Search

Search form




Logo of Phnom Penh Post newspaper Phnom Penh Post - សង្ខេបព័ត៌មាន​សេដ្ឋកិច្ច​ប្រចាំ​សប្តាហ៍

សង្ខេបព័ត៌មាន​សេដ្ឋកិច្ច​ប្រចាំ​សប្តាហ៍

សង្ខេបព័ត៌មាន​សេដ្ឋកិច្ច​ប្រចាំ​សប្តាហ៍

7-angkor-wat-biz
ប្រាសាទអង្គរវត្ត របស់ប្រទេសកម្ពុជា ម៉េង គឹមឡុង

ភ្នំពេញៈ ​ទិន្នន័យ​របស់​អាជ្ញា​​ធរ​អប្សរាស្តីពី​ចំនួន​ភ្ញៀវ​ទេស​ចរ​បរទេស​ចូល​ទស្សនា​អង្គរ​វត្ត​ ហើយ​ដែល​​ត្រូវ​បាន​គណនា​ដោយ​ភ្នំពេញ​ប៉ុស្តិ៍​បង្ហាញ​ថា ចំណូល​បាន​ពីការ​លក់​​សំបុត្រ​ចូល​អង្គរវត្ត​នៅ​តែ​ខ្ពស់​ជាង​តួលេខ​ដែល​អាជ្ញា​ធរ​អប្សរា​បាន​បង្ហាញ។

ការ​គណ​នា​​ចំណូល​នៅ​ឆ្នាំ ​២០១២ មាន​រហូតដល់​ ៥១​ លានដុល្លារ នៅ​តែ​ខ្ពស់​ជាង​ទិន្នន័យ​របស់​រដ្ឋាភិបាល​​ដែល​​ថា​​មាន​តែ​៣០​លាន​ដុល្លារ​​នោះខណៈ​​បក្ស​ប្រឆាំង​អះអាង​ថា មាន​​​ដល់ជាង​ ១៥០ ​លាន​ដុល្លារ​ក្នុង​មួយ​ឆ្នាំ​៕​

ភ្នំពេញៈ ក្រុម​ហ៊ុន ​ម៉ូតូ​ Terra Moto​r ​របស់​ជប៉ុន​បានឲ្យ​ដឹង​​​ថា​ ខ្លួន​​គ្រោង​នឹង​​លក់​ម៉ូតូ​ស្កូតឺ​បំពាក់​ដោយ​បច្ចេក​វិទ្យា ​ទំ​នើប​ដែល​អាច​​ភ្ជាប់​ទៅ​នឹង​​ទូរស័ព្ទស្មាត​ហ្វូន​ក្នុងប្រទេស ​​កម្ពុជា​ នៅចុង​ឆ្នាំ​នេះ​។​

ម៉ូតូ​​នេះ​​អាច​​​ភ្ជាប់​នឹង​ទូរ​ស័ព្ទ​ iPhone​ ដោយ​មាន​ការ​បញ្ជូន​ទិន្ន​ន័យ​ដូច​ជាការ​​បង្ហាញ​ទិសដៅ​ខណៈ​​​​កំពុង​​បើក​​បរ។ ​ម៉ូតូ​នេះ​មួយ​គ្រឿង​មាន​តម្លៃ​ប្រហែ​ល​​ ៤ ​៥០០​ ដុល្លារ​អាមេរិក​​​​៕

ភ្នំពេញៈ ធនាគារ​ពាណិជ្ជ​​ធំ​ៗ​នៅ​​កម្ពុជា​​​ឲ្យ​ដឹង​ថា ការ​ផ្តល់​​​ប្រាក់​​កម្ចី និងការ​ទទួល​ប្រាក់​បញ្ញើ​​​​​​​​កើន​ឡើង​ខ្ពស់​​​ក្នុង​អំ​ឡុង​​​ឆមាស​ទី​មួយ​ឆ្នាំ​នេះ។

លោក Grant Knuckey ប្រ​ធាន​នាយក​​ប្រ​តិ​បត្តិ​ធនាគារ​ ANZ Royal ​ប្រាប់​ភ្នំ​ពេញ​ប៉ុស្តិ៍​​​ថា គិត​មក​​ត្រឹម​ដំ​ណាច់​ខែ​មិថុនា​​ឆ្នាំ​នេះ​​តម្រូវ​ការ​សេវាកម្ម​ធនា​គារ​នៅ​​ប​ន្ត​​​កើន​ឡើង​យ៉ាង​ខ្លាំង​។ អត្រា​​កំ​ណើន​ប្រាក់​កម្ចី​នៅ​ក្នុង​ធនាគារ​ ANZ Royal គិត​​​ត្រឹម​ដំណាច់​ឆមាស​ទី​មួយ​ឆ្នាំ​នេះ​មាន​ ១៣ ភាគ​រយ ខណៈ​​​ប្រាក់​បញ្ញើ​​​​កើន​ឡើង​​ ១៩ ភាគរយ៕

អត្ថបទគួរចាប់អារម្មណ៍