The Phnom Penh Post Search

Search form

Logo of Phnom Penh Post newspaper Phnom Penh Post - សង្ឃ​ស្ទាវ​ផឹក​ស្រា​វ៉ៃ​ម្ចាស់​ផ្ទះ​ត្រូវ​ចៅអ​ធិកា​រ​ចាប់​ផ្សឹក​




សង្ឃ​ស្ទាវ​ផឹក​ស្រា​វ៉ៃ​ម្ចាស់​ផ្ទះ​ត្រូវ​ចៅអ​ធិកា​រ​ចាប់​ផ្សឹក​

សង្ឃ​ស្ទាវ​ផឹក​ស្រា​វ៉ៃ​ម្ចាស់​ផ្ទះ​ត្រូវ​ចៅអ​ធិកា​រ​ចាប់​ផ្សឹក​

កំពង់ឆ្នាំងៈ សង្ឃ​មួយ​អង្គ​ត្រូវ​ចៅអ​ធិការ​វត្ត​ចាប់​ដោះ​ស្បង់​ជីវផ្សឹ​កភ្លាម​ៗ​ ក្នុង​វត្ត ​អម្ពវ័​ន្ត ហៅ​វត្តថ្មី​ បន្ទាប់​ពី​សង្ឃ​អង្គ​នោះ​លួច​ផឹក​ស្រានិ​ងឆាន់​បាយ​ទាំង​កណ្តាល​យប់​លុះខ្លា​ច​ម្ចាស់​ផ្ទះ​យក​រឿង​អាស្រូវ​របស់​ខ្លួន​ទៅ​ប្រាប់​គេ​ក៏​បែក​គំនិ​ត​លប​វាយ​ម្ចាស់​ផ្ទះ​ដោយ​ប្តី​ត្រូវ​មួយ​ដៃ ឯ​ប្រព​ន្ធត្រូ​វមួ​យដំ​បង​  នៅ​ភូមិ​​កំពង់​បឹង​ ស្រុក​កំពង់​លែង ​ខេត្ត ​កំពង់​ឆ្នាំង​។

លោក​គឹម​ សំ​អុន​នាយ​នគរ​បាល​ប៉ុស្តិ៍កំ​ពង់​ហៅឲ្យ​ដឹង​ថា ​ព្រះស​ង្ឃ​​នោះ​ឈ្មោះ ​ព្រិ​​ន ចា​ន់​រ៉ា ហៅ​ម៉ាប់ អាយុ​១៨​ឆ្នាំបួស​និង​​ស្នាក់​នៅ​ក្នុង​វត្ដ​អម្ព​វ័​ន្ដហៅ​វត្ដ​ថ្មីឯ ម្ចាស់ផ្ទះឈ្មោះ សេក ស៊ិន និង​ប្រពន្ធ​ឈ្មោះ យឹម ឡ​ននៅ​ភូមិ​កំព​ង់​បឹង​ស្រុក​កំពង់​លែង​ខេត្ត​កំពង់ឆ្នាំង​។

លោក​រំឮក​បន្ត​ថា​មុន​ពេល​កើត​ហេតុ​អ្នក​ផ្ទះក្បែ​រវត្ត​រួម​ជា​មួយ​សង្ឃនោះ​បាន​នាំ​គ្នា​ទិញ​ស្រាដប​ផឹក​និង​មាន​ហូប​បាយ​រួម​គ្នា​តាំង​ពី​ព្រលប់​រហូត​ដល់​ម៉ោង​ជាង​១២​យប់​ក៏​នាំ​គ្នា​បំបែក​ហ្វូង​ហើយ​សង្ឃ​អង្គ​នោះ​​បាន​ហាម​ម្ចាស់​ផ្ទះ​ថា​សូម​ឲ្យ​ជួយ​លាក់​រឿង​អត្មា​ផឹក​ស្រានេះ​ផង​ដោយ​កុំយក​រឿង​នេះ​ទៅ​ប្រាប់​គេ​ឯង​ព្រោះបើ​គេដឹ​ងអ​ត្មាខ្មា​សគេ​ណាស់​។

លោក​នាយ​ប៉ុស្តិ៍​បន្ត​ថា​ក្រោយ​ពីម្ចាស់​ផ្ទះ​ទទួល​យក​ការ​ប្រាប់​ពី​សង្ឃ​នោះហើ​យក៏​នាំ​គ្នា​ចេញ​ទៅ​ក្រៅ​ដើម្បី​កាប់​ជ្រូក​ទុក​លក់​ព្រឹក​ឡើង​ហើយ​គ្រាន់​តែពី​រនាក់​ប្តី​ប្រពន្ធ​ដើ​រ​បាន​ប្រហែល​ជា​៣០​ម៉ែត្រ​ពី​ផ្ទះ​ក៏ស្រាប់​តែ​សង្ឃ​នោះ​លប​ពី​ក្រោយ​និង​វាយ​ប្តី​ត្រូវ​មួយ​ដៃ​ឯប្រពន្ធ​ត្រូវ​មួយ​ដំបង​រួច​ក៏​រត់​គេច​ខ្លួន​តែ​ត្រូវបាន​ម្ចាស់​ផ្ទះ​ឈួល​ពិល​ឃើញ​ថា​ជា​សង្ឃ​ផឹក​ស្រានោះ​វ៉ៃ​ក៏ព្រឹ​កឡើង​ប្តឹង​ប៉ូលិ​សតែ​ម្ត​ង។

លោក​នាយ​ប៉ុស្តិ៍ប្រា​ប់​ថា​សង្ឃ​នោះ​ត្រូវ​បាន​ព្រះ​ចៅ​អធិកា​រវត្ត​ក្រោយ​ពី​ដឹង​រឿង​បាន​ហៅម​កចា​ប់​ផ្សឹក​នៅ​ក្នុង​វត្ត​ហើយ​ត្រូវ​នគរបាល​ហៅប​ន្ត​ទៅ​សួរ​នាំ​និ​ងខាង​គ្តួសារ​សង្ឃ​បាន​ចេញ​សំណង​ឲ្យទៅ​ជន​រង​គ្រោះ​ពីរនា​ក់ប្តីប្រ​ពន្ធ​ប្រមា​ណជា​១០​ម៉ឺន​រៀ​លដើម្បី​បញ្ចប់​រឿង៕​

 

អត្ថបទគួរចាប់អារម្មណ៍