ភ្នំពេញៈ សមត្ថកិច្ច​ចម្រុះ​ជា​ច្រើន រយ​នាក់ បាន​មក​បំបែក​ក្រុម​បាតុករ​របស់​គណបក្ស​សង្គ្រោះ​ជាតិ នៅ​ទី​លាន​ប្រជាធិប​តេយ្យ នា​ថ្ងៃ​ត្រង់ ថ្ងៃ​សៅរ៍​នេះ ដោយ​សារ​សាលា​រាជធានី​ភ្នំពេញ បាន​ចេញ​លិខិត​មួយ​ទៅ​លោក សម រង្ស៊ី ប្រធាន​គណបក្ស​សង្គ្រោះ​ជាតិ មិន​អនុញ្ញាត​ឲ្យ​គណបក្ស​ប្រឆាំង​នេះ​បន្ត​ធ្វើ​បាតុកម្ម​និង​ដង្ហែរ​ក្បួន​តាម​ដង​ផ្លូវ​ចាប់​ពី​ថ្ងៃ​ទី ០៤ ខែ​មករា​នេះ​តទៅ រហូត​ដល់​សភាព​ការណ៍​សន្តិសុខ និង​សណ្តាប់​ធ្នាប់​សាធារណៈ​ត្រូវ​បាន​ធានា​ឡើង​វិញ។