The Phnom Penh Post Search

Search form




Logo of Phnom Penh Post newspaper Phnom Penh Post - សមត្ថកិច្ច​រា​រាំង​ការ​ហែរ​ក្បួន​​​កម្មករ​រោង​ចក្រ​អូសេអង​តវ៉ា​រឿង​ព្យួរ​ការ​ងារ

សមត្ថកិច្ច​រា​រាំង​ការ​ហែរ​ក្បួន​​​កម្មករ​រោង​ចក្រ​អូសេអង​តវ៉ា​រឿង​ព្យួរ​ការ​ងារ

កម្មករហែរក្បួន បម្រុង​ទៅ​កាន់​ក្រសួង​ការងារ​ ដើម្បី​តវ៉ា​រឿង​រោង​ចក្រ​ព្យួរការ​​ងារ​កាល​ពីព្រឹក​ថ្ងៃ​មិញ។ សហការី
កម្មករហែរក្បួន បម្រុង​ទៅ​កាន់​ក្រសួង​ការងារ​ ដើម្បី​តវ៉ា​រឿង​រោង​ចក្រ​ព្យួរការ​​ងារ​កាល​ពីព្រឹក​ថ្ងៃ​មិញ។ សហការី

សមត្ថកិច្ច​រា​រាំង​ការ​ហែរ​ក្បួន​​​កម្មករ​រោង​ចក្រ​អូសេអង​តវ៉ា​រឿង​ព្យួរ​ការ​ងារ

ភ្នំពេញៈ កម្មករ​ប្រមាណ​ជា​ជាង ១ ០០០ ​នាក់​មក​ពី​រោង​ចក្រ​អូសេអង (Ocean Garment) ក្នុង​ខណ្ឌ​ពោធិ​សែន​ជ័យ ត្រូវ​បាន​អាក់​ខាន​បន្ត​ដំណើរ​ក្បួន​របស់​ពួក​គេ​ទៅ​កាន់​ក្រសួង​ការងារ​កាល​ពីព្រឹក​ថ្ងៃ​អង្គារ​នេះ ដោយ​សារ​សមត្ថកិច្ច​បាន​ធ្វើ​ការ​រារាំង។

លោក​ ប៉ាវ ស៊ីណា ប្រធាន​សម្ព័ន្ធសហជីព​ចលនា​កម្មករ​បាន​និយាយ​ថា កម្មករ​នៅ​រោង​ចក្រ​ អូសេអង បាន​ធ្វើ​ការ​តវ៉ា​ជា​ច្រើន​ថ្ងៃ​មក​ហើយ បន្ទាប់​ពី​ថៅ​កែ​របស់​ពួក​គេ​បាន​ប្រកាស​ភ្លាមៗ ពី​ការ​ព្យួរ​ការងារ​រយៈ​ពេល​មួយ​ខែ​សិន​ដោយ​សារ​គ្មាន​ការងារ​សម្រាប់​កម្មករ។

លោក​បាន​ថ្លែង​ថា៖ «ការ​ធ្វើ​កូដ​កម្ម​ដោយ​សន្តិវិធី​របស់​កម្មករ កម្មការិនី ​រោង​ចក្រ​អូសេអង​នេះគឺ​ជា ​រឿង​ត្រឹម​ត្រូវ ព្រោះ​ថា​ការ​ព្យួរ​ការងារ​ដោយ​មិន​បាន​ជូន​ដំណឹង​មុន មិន​មាន​ការ​ចុះ​អង្កេត​ពី​អធិការ​ការងារ មិន​មាន​ការ​អនុញ្ញាត​ពី​ក្រសួង​ការងារ​ និយោជក​ត្រូវ​ផ្តល់​ប្រាក់​ឈ្នួល​ ១០០% ជូន​កម្មករ​និយោជិត»។

លោក​បាន​បន្តថា ការ​ផ្តល់​ប្រាក់​ឈ្នួល​ត្រឹម​តែ​ ១៥ ដុល្លារ​ក្នុង​អំឡុង​ពេល​ព្យួរ​ការងារ​រយៈពេល​ ១ខែ​នេះ​គឺជា​ការ​អនុវត្តន៌​មិន​ត្រឹម​ត្រូវ​ឡើយ។

កម្មករ​បាន​វិល​ត្រលប់​ទៅ​ធ្វើ​ការ​តវ៉ា​នៅ​មុខ​រោង​ចក្រ​វិញ បន្ទាប់​ពី​ពួក​គេ​បាន​ហែរ​ចេញ​ប្រមាណ​ជា​ ៥០០​ម៉ែត្រ​ដោយ​បន្ត​ទាម​ទារ​ឲ្យ​រោង​ចក្រ​ផ្តល់​ប្រាក់​ឈ្នួល​ ១០០% ជូន​ពួក​គេ​ក្នុង​កំឡូង​ពេល​រោង​ចក្រ​ព្យួរ​ការងារ​ក្នុង​រយៈពេល ១​ខែ​ដែល​ចាប់​ពី​ថ្ងៃ​ទី​ ២៦​ ខែ​ឩសភា ដល់​ថ្ងៃ​ទី​២៦ ខែ​ មិថុនា​នេះ។

អត្ថបទគួរចាប់អារម្មណ៍