The Phnom Penh Post Search

Search form




Logo of Phnom Penh Post newspaper Phnom Penh Post - សមាគម​រោង​ចក្រ​កាត់​ដេរ​នឹង​តំឡើង​ប្រាក់​ឈ្នួល​ដល់ ១៣០ ដុល្លារ​ប៉ុណ្ណោះ

សមាគម​រោង​ចក្រ​កាត់​ដេរ​នឹង​តំឡើង​ប្រាក់​ឈ្នួល​ដល់ ១៣០ ដុល្លារ​ប៉ុណ្ណោះ

សមាគម​រោង​ចក្រ​កាត់​ដេរ​នឹង​តំឡើង​ប្រាក់​ឈ្នួល​ដល់ ១៣០ ដុល្លារ​ប៉ុណ្ណោះ

garment-worker
កម្មករ កម្មការិនីកំពុងធ្វើការក្នុងរោងចក្រកាត់ដេរសម្លៀកបំពាក់មួយ ផា លីណា

​​ភ្នំពេញៈ ដោយ​មាន​ជម្រើស​បីសម្រាប់​គម្រោង​តំឡើង​ប្រាក់​ឈ្នួល​កម្ម​ករ​រោង​ចក្រ​កាត់​ដេរ​ពីរ​ដង​ដល់ ១៦០ ដុល្លារ​អាមេរិក​ នៅ​ត្រឹម​ឆ្នាំ ២០១៨ ​សមាគម​រោង​ចក្រ​កាត់​ដេរ​នៅកម្ពុជា​បាន​ជ្រើស​រើស​យក​ជម្រើស​ទី ៤ គឺ​ គ្រាន់​តែ​តំឡើង​ប្រាក់​ឈ្នួល​ដល់ ១៣០ ដុល្លារ​អាមេរិក។

​ក្នុង​លិខិត​មួយ ដែល​សមាគម​រោង​ចក្រ​កាត់​ដេរ​នៅ​កម្ពុជា​ផ្ញើ​ជូន​លោក​ អ៊ិត សំហេង រដ្ឋ​មន្រ្តី​ក្រសួង​ការ​ងារ ដែល​ភ្នំពេញ ប៉ុស្តិ៍ ទទួល​បាន​កាល​ពី​ម្សិលមិញ ​​បានឲ្យ​ដឹ​ងថា ​សមាគម​រោង​ចក្រ​កាត់​ដេរ និង​ស្បែង​ជើង​បាន​ថ្លែង​ថា ពួកគេ​នឹង​យល់ព្រម​តំឡើង​ប្រាក់​ឈ្នួល​អប្ប​បរមា​​​ ១០ ដុល្លារ​រៀង​រាល់​ឆ្នាំ ក្នុង​រយៈ​ពេល ៥ ឆ្នាំ​ទៀត ហើយ​​ប្រាក់​ឈ្នួល​អប្ប​បមា​​ឥឡូវ​នេះ​មាន​ចំនួន ៨០ ដុល្លារ​អាមេរិក​។

​លិខិត​​ដែល​​បាន​ផើ្ញកាល​ពី​ថ្ងៃ​អង្គារ ជា​ថ្ងៃ​តែ​មួយ​ដែល​ក្រុម​ការ​ងារ​នៃ​​ក្រសួង​ការ​ងារ ដែល​មាន​មន្រ្តី ​តំណាង​សហ​ជីព និង​សមាគម​រោង​ចក្រ​កាត់​ដេរ​នៅ​កម្ពុជា ​​បាន​គូស​បញ្ជាក់​ផែន​ការ​​បី​ខុស​ៗ​គ្នា ដើម្បី​បង្កើន​ប្រាក់​ឈ្នួល​​ដល់ ១៦០ ដុល្លារ​នៅ​ត្រឹម​ឆ្នាំ ២០១៨។ ​​ថ្ងៃ​អង្គារ​នោះ ​ក្រុម​ការ​ងារ​បាន​ស្នើ​រដ្ឋាភិបាល​បង្កើន​ប្រាក់​ឈ្នួល ក្នុង​រយៈ​ពេល ៥ ឆ្នាំ ដោយ​បន្ថែម ១៦ ដុល្លារ​អាមេរិក ជា​ប្រចាំ​ឆ្នាំ រហូត​ដល់ ២០១៨ ដោយ​ផ្អែក​លើ​កត្តា​ដូច​ជា សេដ្ឋ​កិច្ច​ អតិផរណា​ ​​​​ឬ​បង្កើនប្រាក់​​ឈ្នួល​អប្ប​បរមា​​ដល់ ១៦០ ដុល្លា​រអាមេរិក​នៅ​ឆ្នាំ​ក្រោយ​។

​លោក ខេន លូ ​អគ្គ​លេខាធិការ​សមាគម​បាន​ឲ្យ​ដឹ​ងថា​ ​ខណៈ​ដែល​តួលេខ​របស់​សមាគម​រោង​ចក្រ​កាត់​ដេរ​នៅ​កម្ពុជា​​ខុស​ពី​តួលេខ​របស់​​ក្រុម​ការ​ងារ វា​មិនមែន​ខុស​ពី​ជំហ​រ​របស់​ពួកគេ​នោះ​ទេ។​

​លោក លូ បាន​ថ្លែង​កាល​ពី​ម្សិលមិញ​ថា៖ «​នោះ​គឺ​ជា​ជំហរ​ផ្លូវ​ការ​ដើម​។ ប៉ុន្តែ ​យើង​បាន​​ជួប​ប្រជុំ​ច្រើន​លើក​ជាមួយ​នឹង​​រដ្ឋាភិបាល ហើយ​ហាក់បី​ដូច​ជា​បាន​ឈាន​ដល់​ការ​យោគ​យល់​​មួយ​ចំនួន​»។​

​បន្ទាប់​ពី​បាន​ព្រម​ព្រៀង​បង់​ប្រាក់​តិច​ជាងពាក់​កណ្តាល​នៃ​ប្រាក់​ឈ្នួល​អប្ប​បរមា ​​ដែល​ក្រុម​ការ​ងារ​បាន​ស្នើ​ឡើង លិខិត​នោះ​បាន​បន្ត​ស្នើ​សុំ​រដ្ឋាភិបាល​អនុវត្ត​គោល​នយោ​បាយ​មិន​​ត្រា​ប្រណី​ចំពោះ​កូដកម្ម​ខុស​ច្បាប់ ហើយ​ស្នើ​ពិភាក្សា និង​ពិនិត្យ​លើ​សេចក្តី​ព្រាង​ច្បាប់​ស្តីពី​សហ​ជីព ឲ្យ​បាន​ឆាប់​ៗ។

​សេចក្តី​ថ្លែង​របស់​សមាគម​រោង​ចក្រ​កាត់​ដេរ​នៅ​កម្ពុជា​ដោយ​ឡែក​មួយ ដែល​ភ្នំពេញ ប៉ុស្តិ៍​បាន​ទទួល​កាល​ពី​ម្សិលមិញ​ បាន​ចោទ​ថា កម្ម​ករ​ពីរ​នាក់​នៅរោង​ចក្រ Apple Apparel (Cambodia) ដែល​មិន​ចូល​រួម​ក្នុង​កូដកម្មនៅ​ទីនេះ ត្រូវ​បាន​គេ​ចង និង​វាយ​ដំ​ជា​ទំងន់​​នៅ​ថ្ងៃ​ចន្ទ។ សេចក្តី​ថ្លែង​នោះគាំទ្រ​ឲ្យ​រដ្ឋាភិបាល​អនុវត្ត​ច្បាប់​​ឲ្យ​បា​​ន​តឹង​រ៉ឹង​​។

​​លិខិត​​​​មួយ​ទៀត​ ដែល​ចុះ​ហត្ថ​លេខា​ដោយសមាគម​រោង​ចក្រ​កាត់​ដេរ​នៅ​កម្ពុជា គឺ​ជា​អនុស្សារណៈនៃ​ការ​យោគ​យល់ ដែល​ចុះ​ហត្ថ​លេខា​ដោយ​មន្រ្តី​រដ្ឋាភិបាល និង​អង្គ​ការ​​ពល​កម្ម​អន្តរ​ជាតិ ដែល​អនុញ្ញាត​ឲ្យ​កម្ម​វិធី​រោង​ចក្រ​កាន់​តែ​ល្អ​ប្រសើរ​នៅកម្ពុជា​បន្ត​ធ្វើ​ការ​នៅ​កម្ពុជា​សម្រាប់​រយៈ​ពេល ៣ ឆ្នាំ​ទៀត។

​លោក​ស្រី Maurizio Bussi នាយក​​​អាស៊ីបូព៌ា អាស៊ីអាគេ្នយ៍ ​និង​ប៉ាស៊ីហ្វិក ​របស់​អង្គ​ការ​ពល​កម្ម​អន្តរ​ជាតិ បាន​ថ្លែង​ថា៖ «​វា​ជា​សញ្ញា​ល្អ​នៃ​ការ​ចូល​រួម​ថ្នាក់​ជាតិ ជា​ការ​​​ប្តេជ្ញា​ថ្នាក់​ជាតិ​»។

​កម្ម​វិធី​រោង​ចក្រ​កាន់តែ​ល្អ​ប្រសើរ​នៅកម្ពុជា បាន​ប្រកាស​កាល​ពី​ខែ​តុលាអំពី​គម្រោង​របស់​ពួកគេ ​​ចាប់​ផ្តើម​ចេញ​ផ្សាយ​​ផ្នែក​មួយ​ចំនួន​នៃ​របាយការណ៍ពី​ការ​ត្រួត​ពិនិត្យ​រោង​ចក្រ​។ ប៉ុន្តែ​លោក​ស្រី​បាន​បន្ត​ថា ​កម្ម​វិធី​បាន​បង្កើត ដែល​ពួកគេ​នឹង​ផ្សាយ​ជា​សាធារណៈ​អំពី​ការ​រំលោភ​បំពាន​​លើ​ស្តង់​ដារ​ពល​កម្ម​អន្តរ​ជាតិ និង​សុខ​ភាព​៕ TK

រាយការណ៍​បន្ថែម​ដោយ​ SHANE WORRELL

អត្ថបទគួរចាប់អារម្មណ៍