The Phnom Penh Post Search

Search form

Logo of Phnom Penh Post newspaper Phnom Penh Post - សម្តេច​ប៉ាប បួងសួងសុំ​សន្តិ​ភាព​នៅ ស៊ី​រី​និង​កូរ៉េ​ខាង​ជើង




សម្តេច​ប៉ាប បួងសួងសុំ​សន្តិ​ភាព​នៅ ស៊ី​រី​និង​កូរ៉េ​ខាង​ជើង

សម្តេច​ប៉ាប បួងសួងសុំ​សន្តិ​ភាព​នៅ ស៊ី​រី​និង​កូរ៉េ​ខាង​ជើង

VATICAN
VATICAN

បុរីវ៉ា​តី​កង់ៈ សម្តេច​ប៉ាប ហ្វ្រង់​ស៊ីស បាន​បួង​សួង​សុំ​ឲ្យ​មាន​ដំណោះ​ស្រាយនយោ​បាយ​មួយ​នៅ​ប្រ​ទេស​ស៊ី​រី និង​សុំឲ្យ​មាន​ការ​ផ្សះ​ផ្សា​គ្នា​នៅ​ឧប​ទ្វីប​កូរ៉េ​នៅ​ក្នុង​សារ​ថ្ងៃ​បុណ្យ​ព្រះយេ​ស៊ូ​រស់​ឡើងវិញ កាលពី​ថ្ងៃ​អាទិត្យ​ដំបូង​របស់​ព្រះ​អង្គ នៅ​ចំ​ពោះ​មុខ​ហ្វូង​មនុស្ស​ដ៏ ច្រើន​កុះ​ករ​នៅក្នុង​ទីលាន​សេន​ភី​ធើរ។

បព្វ​ជិត​កំពូលដំបូង​របស់​អាមេរិក​ឡាទីន​អង្គ​នេះ ក៏​បាន​ចេញ​សេចក្តី​អំពាវនាវមួយ​សម្រាប់​ក្រុម​ចំណាប់​ខ្លាំង​ដែល​ឃុំ​ឃាំង​នៅ​នីហ្សេរី​យ៉ា និង​ថ្កោល​ទោសការ​រត់​ពន្ធ​មនុស្សថា ជា​រូប​ភាព​ធំ​បំ​ផុត​​នៃ​ទាសភាព​នៅ​ក្នុង​សតវត្សរី​ទី ២១​នេះ។

សម្តេច​ប៉ាប បានផ្តល់​ការ​ប្រ​ទាន​ពរ​«Urbi et Orb»របស់​ទ្រង់​ទៅ​កាន់​ក្រុង​រ៉ូម និង​ពិ​ភព​លោក​ ចេញ​ពី​ យ៉​ ដូច​គ្នា​នៃ​ប្រាសាទ​បាស៊ី​លីកា ព្រះ​វិ​ហារ​សេន​ភី​ធើរ ដែល​ព្រះ​អង្គ​បាន​បង្ហាញព្រះ​ភក្ត្រដំបូង បន្ទាប់​ពីការ​ជ្រើស​តាំង​ដ៏ សំខាន់​របស់​ព្រះអង្គជា​ប្រមុខ​សាសនាកាតូលីក​​ក្នុង​ខែមុន។

ថ្លែង​នៅ​ចំ​ពោះ​មនុស្ស​ប្រ​មាណជា​២៥​ម៉ឺននាក់​​មក​ពី​ជុំ​វិញ​ពិ​ភព​លោកនៅ​ក្នុង​បុរី​វ៉ា​ទី​កង់ សម្តេច​ប៉ាប​​ហ្វ្រង់​ស៊ីស បាន​សូត្រ​ធម៌​បួងសួង​ ​ឲ្យ​ស៊ី​រី​ជាទី​ស្រ​ឡាញ់ ពល​រដ្ឋ​ដែល​ហែក​ហួរ​ដោយ​ជម្លោះរបស់​ខ្លួន និង​ដើម្បី​ជន​ភៀស​ខ្លួន​ជាច្រើន​​ដែល​រង​ចាំការ​ជួយ​និង​លើក​ទឹក​ចិត្ត។

ព្រះ​អង្គ​មាន​បន្ទូល​ថា៖ «តើ​ឈាម​ប៉ុន្មានហើយ ដែល​ត្រូវ​បាន​បង្ហូរ! តើ​ទុក្ខ​សោក​ប៉ុន្មាននៅ​តែ​មាន​នៅ​ទី​នោះ មុន​ពេល​ដំណោះ​ស្រាយ​នយោបាយ​​ចំ​ពោះ​វិ​បត្តិ​នោះ នឹងត្រូវ​រក​ឃើញ?»។

មួយ​ថ្ងៃ”បន្ទាប់​បី កូរ៉េ​ខាងជើង បាន​ប្រកាស​ថា «ខ្លួន​ស្ថិតក្នុង​ស្ថាន​ភាព​សង្គ្រាម​ជាមួយកូរ៉េ​ខាង​ត្បូង​» ព្រះ អង្គ​មាន​សង្ឃដីកា​ថា៖ «នៅ​ឧប​ទ្វីប​កូរ៉េ សូម​ឲ្យការ​ខ្វែង​គំនិត​គ្នា​ ត្រូវ​បាន​ជម្នះ និង​ស្មារតី​ថ្មី​នៃ​ការ​ផ្សះផ្សា​ កើត​មាន​ឡើង»។

អត្ថបទគួរចាប់អារម្មណ៍